ਪਾਵਰਕਾਮ ਕਾਮਿਆਂ ਦਾ ਪੰਜਵੇਂ ਦਿਨ ਵੀ ਸੰਘਰਸ਼ ਜਾਰੀ

ਨਵਾਂਸ਼ਹਿਰ, 25 ਜੁਲਾਈ (ਦੀਦਾਰ ਸਿੰਘ ਸ਼ੇਤਰਾ) - ਇੰਪਲਾਈਜ਼ ਜੁਆਇੰਟ ਫੋਰਮ, ਬਿਜਲੀ ਮੁਲਾਜ਼ਮ ਏਕਤਾ ਮੰਚ ਪੰਜਾਬ, ਐਸੋਸੀਏਸ਼ਨ ਆਫ਼ ਜੂਨੀਅਰ ਇੰਜੀਨੀਅਰਜ਼, ਪੈਨਸ਼ਨਰ ਵੈਲਫੇਅਰ ਫੈਡਰੇਸ਼ਨ ਪੰਜਾਬ, ਪਾਵਰਕਾਮ ਤੇ ਟਰਾਂਸਕੋ ਪੈਨਸ਼ਨਰ ਯੂਨੀਅਨ ਪੰਜਾਬ ਦੇ ਸੱਦੇ ’ਤੇ ਪਾਵਰਕਾਮ ਮੈਨੇਜਮੈਂਟ ਵੱਲੋਂ ਵਾਅਦਾ-ਖ਼ਿਲਾਫ਼ੀ ਕਰਨ ਅਤੇ ਮੰਨੀਆਂ ਹੋਈਆਂ ਮੰਗਾਂ ਨੂੰ ਲਾਗੂ ਨਾ ਕਰਨ ਦੇ ਵਿਰੋਧ ਵਿੱਚ ਪੰਜਵੇ ਦਿਨ ਵੀ ਸਮੂਹਿਕ ਛੁੱਟੀ ’ਤੇ ਜਾਣ ਉਪਰੰਤ ਬਿਜਲੀ ਕਾਮਿਆਂ ਵੱਲੋਂ ਡਵੀਜ਼ਨ ਦੇ ਗੇਟ ਅੱਗੇ ਬਲਿਹਾਰ ਸਿੰਘ ਪਰਧਾਨ ਇੰਪਲਾਈਜ ਫੈਡਰੇਸ਼ਨ ਮੰਡਲ ਨਵਾਂਸ਼ਹਿਰ ਦੀ ਅਗਵਾਈ ਵਿਚ ਰੋਸ ਰੈਲੀ ਕੀਤੀ ਗਈ। ਰੋਸ ਰੈਲੀ ਨੂੰ ਸੰਬੋਧਨ ਕਰਦਿਆਂ ਸਰਦਾਰ ਮੋਹਨ ਸਿੰਘ ਬੂਟਾ ਉਟਾਲਾਂ ਪ੍ਰਧਾਨ ਇੰਪਲਾਈਜ਼ ਫੈਡਰੇਸ਼ਨ ਸਰਕਲ ਨਵਾਂਸ਼ਹਿਰ, ਤਰਲੋਚਨ ਸਿੰਘ ਪ੍ਰਧਾਨ ਐਮ. ਐਸ. ਯੂ ਸਰਕਲ ਨਵਾਂਸ਼ਹਿਰ , ਬਲਿਹਾਰ ਸਿੰਘ ਪ੍ਰਧਾਨ ਇੰਪਲਾਈਜ਼ ਫੈਡਰੇਸ਼ਨ ਮੰਡਲ ਨਵਾਂਸ਼ਹਿਰ , ਗੁਰਪ੍ਰੀਤ ਸਿੰਘ ਆਗੂ ਐਮ. ਐਸ. ਯੂ., ਸਤਪਾਲ ਸਲੋਹ ਪੈਨਸ਼ਨਰ ਆਗੂ ਤੇ ਰਾਮ ਆਸਰਾ ਪੈਨਸ਼ਨਰ ਆਗੂ ਏਟਕ, ਰਕੇਸ਼ ਕੁਮਾਰ ਸਟੇਜ ਸਕੱਤਰ ਨੇ ਕਿਹਾ ਕਿ ਪੰਜਾਬ ਸਰਕਾਰ ਤੇ ਪਾਵਰਕਾਮ ਮੈਨੇਜਮੈਂਟ ਵੱਲੋਂ ਲਗਾਤਾਰ ਸਾਂਝੇ ਫੋਰਮ ਨਾਲ ਕੀਤੇ ਵਾਅਦਿਆਂ ਨੂੰ ਪੂਰਾ ਨਹੀਂ ਕੀਤਾ ਜਾ ਰਿਹਾ ਹੈ। ਇਸ ਮੌਕੇ ਜੋਗਾ ਸਿੰਘ (ਪ੍ਰਧਾਨ), ਇੰਜੀਨੀਅਰ ਸੋਮਨਾਥ (ਜੇ.ਈ.), ਮੋਹਨ ਸਿੰਘ ਭਾਰਟਾ (ਪ੍ਰਧਾਨ), ਰਾਹੋਂ ਬਲਜਿੰਦਰ ਸਿੰਘ (ਪ੍ਰਧਾਨ ਸ਼ਹਿਰੀ), ਇੰਜੀਨੀਅਰ ਤਿਲਕ ਰਾਜ (ਕੈਸ਼ੀਅਰ ਮੰਡਲ ਨਵਾਂਸ਼ਹਿਰ), ਗੁਰਨੇਕ ਸਿੰਘ ਜੇ. ਈ, ਸੁਰਜੀਤ ਕੁਮਾਰ (ਕੈਸ਼ੀਅਰ ਸਿਟੀ ਸਤਪਾਲ ਸਿੰਘ ਰਾਹੋਂ, ਸੁਖਵਿੰਦਰ ਮਿਸਤਰੀ, ਜਗਦੀਸ਼ ਸਿੰਘ, ਵਿਜੇ ਸਿੰਘ, ਪੈਨਸ਼ਨਰ ਆਗੂ ਏਟਕ ਸੁਖਦੇਵ ਸਿੰਘ, ਗੁਰਦੀਪ ਬਾਲੀ, ਗੁਰਦੀਪ ਰਾਹੋਂ, ਕੁਲਵਿੰਦਰ ਸਿੰਘ, ਬਲਜਿੰਦਰ ਸਿੰਘ, ਕੁਲਵੰਤ ਰਾਏ ਅਤੇ ਅਜੀਤ ਸਿੰਘ ਸਮੇਤ ਵੱਡੀ ਗਿਣਤੀ ਵਿੱਚ ਮੁਲਾਜ਼ਮ ਅਤੇ ਵਖ ਵਖ ਜਥੇਬੰਦੀਆਂ ਦੇ ਆਗੂ ਹਾਜ਼ਰ ਸਨ।