ਪੈਲੀ ਵਿਖੇ ਸੀਵਰੇਜ ਪਾਉਣ ਦਾ ਕੰਮ ਹੋਇਆ ਸ਼ੁਰੂ

ਸੜੋਆ, 25 ਜੂਨ (ਹਰਮੇਲ ਸਹੂੰਗੜਾ)-ਬਲਾਕ ਸੜੋਆ ’ਚ ਪੈਂਦੇ ਪਿੰਡ ਪੈਲੀ ਵਿਖੇ ਗੰਦੇ ਪਾਣੀ ਦੀ ਸਮੱਸਿਆ ਦਾ ਹੱਲ ਕਰਨ ਲਈ ਪਿੰਡ ’ਚ ਸੀਵਰੇਜ ਪਾਉਣ ਦਾ ਕੰਮ ਸ਼ੁਰੂ ਕੀਤਾ। ਸਰਪੰਚ ਸੁਰਜੀਤ ਪੈਲੀ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਸਰਕਾਰ ਵਲੋਂ ਸਾਨੂੰ ਪਿੰਡ ਦਾ ਸੀਵਰੇਜ ਪਾਉਣ ਦੀ ਆਫਰ ਆਈ ਹੋਣ ਕਰਕੇ ਅਸੀਂ ਸਾਰੀ ਪੰਚਾਇਤ ਦੇ ਸਲਾਹ ਮਸ਼ਵਰੇ ਮਗਰੋਂ ਇਹ ਕਦਮ ਚੁੱਕਿਆ ਸੀ। ਉਨ੍ਹਾਂ ਕਿਹਾ ਸਾਡੀ ਸਾਰਿਆਂ ਦੀ ਕੋਸ਼ਿਸ਼ ਸਦਕਾ ਹੀ ਪਿੰਡ ਦੇ ਗੰਦੇ ਪਾਣੀ ਨੂੰ ਪਿੰਡ ਤੋਂ ਬਾਹਰ ਪੰਚਾਇਤੀ ਜਗ੍ਹਾ ’ਚ ਪਾਉਣ ਨਾਲ ਅਸੀਂ ਪੰਚਾਇਤੀ ਜਗ੍ਹਾ ’ਚ ਦਰੱਖਤ ਲਾ ਕੇ ਪਿੰਡ ਦੀ ਵਿਰਾਨ ਪਈ ਜ਼ਮੀਨ ਨੂੰ ਵਾਹੁਣਯੋਗ ਬਣਾ ਕੇ ਇਸ ਜ਼ਮੀਨ ਨੂੰ ਆਉਣ ਵਾਲੇ ਸਮੇਂ ਵਿਚ ਅਸੀਂ ਪੰਚਾਇਤ ਲਈ ਆਮਦਨ ਦਾ ਸਾਧਨ ਬਣਾ ਸਕਾਂਗੇ। ਇਸ ਮੌਕੇ ਸੁਰਜੀਤ ਸਿੰਘ ਸਾਬਕਾ ਸਰਪੰਚ, ਸ਼ਿੰਗਾਰਾ ਸਿੰਘ, ਮੰਗਲ ਦਾਸ, ਗਿਆਨ ਚੰਦ ਠੇਕੇਦਾਰ, ਅਵਤਾਰ ਸਿੰਘ ਜੇ. ਈ., ਸੁਖਦੇਵ ਸਿੰਘ ਸੈਕਟਰੀ ਤੇ ਹਰਸ਼ ਕੁਮਾਰ ਆਦਿ ਹਾਜ਼ਰ ਸਨ।