ਬਹਿਰਾਮ, 22 ਮਈ (ਨਛੱਤਰ ਸਿੰਘ ਬਹਿਰਾਮ)-ਬੀਤੀ ਰਾਤ ਮਾਹਿਲਪੁਰ ਚੌਕ ਬਹਿਰਾਮ ਨੇੜੇ ਇਕ ਬਿਜਲੀ ਦੇ ਸਾਮਾਨ ਸਟੋਰ 'ਤੇ ਚੋਰੀ ਹੋਣ ਦਾ ਸਮਾਚਾਰ ਮਿਲਿਆ | ਨਜ਼ਦੀਕੀ ਪਿੰਡ ਮਹੰਤ ਗੁਰਬਚਨ ਦਾਸ ਨਗਰ ਦੇ ਨਸੀਬ ਚੰਦ ਰਾਣਾ ਨੇ ਦੱਸਿਆ ਕਿ ਵੀਰਵਾਰ ਰਾਤ ਸਮੇਂ ਬਹਿਰਾਮ ਸਥਿਤ ਮੇਰੇ ਬਿਜਲੀ ਦੇ ਸਾਮਾਨ ਦੇ ਸਟੋਰ ਦੀ ਛੱਤ ਪੁੱਟ ਕੇ ਕਿਸੇ ਨੇ ਚੋਰੀ ਕਰ ਲਈ ਹੈ | ਜਿਸ 'ਚ 22 ਸਟੈਂਡ ਵਾਲੇ ਪੱਖੇ, 12 ਛੱਤ ਵਾਲੇ ਪੱਖੇ, 12 ਬੈਟਰੀਆਂ ਸੁਕਰੈਪ, 4 ਬੈਟਰੀਆਂ ਨਵੀਂਆਂ, 6 ਇਨਵਾਈਟਰ, 43 ਇੰਚ ਐਲ. ਈ. ਡੀ., 2 ਮੈਕਸੀਆਂ, ਦੁਕਾਨ 'ਚ ਲੱਗੇ ਕੈਮਰਿਆਂ ਦਾ ਡੀ. ਵੀ. ਆਰ., 2 ਮਾਈਕਰੋ, 1 ਓਵਨ ਆਦਿ ਤੇ ਹੋਰ ਸਾਮਾਨ ਚੋਰੀ ਹੋ ਗਿਆ | ਪ੍ਰਭਾਵਿਤ ਦੁਕਾਨਦਾਰ ਨੇ ਦੱਸਿਆ ਕਿ ਦੁਕਾਨ ਦੇ ਪਿਛਵਾੜੇ ਤੋਂ ਚੋਰ ਟੀਨ ਛੱਤ ਪੁੱਟ ਕੇ ਅੰਦਰ ਵੜੇ ਜਿਨ੍ਹਾਂ ਦੁਕਾਨ ਦੇ ਕੁੰਡੇ ਪੁੱਟ ਕੇ ਚੋਰੀ ਕੀਤੀ | ਰਲਾਮਿਲਾ ਕੇ ਢਾਈ ਤੋਂ ਤਿੰਨ ਲੱਖ ਦਾ ਨੁਕਸਾਨ ਹੋ ਗਿਆ | ਇਸ ਸੰਬੰਧੀ ਪੁਲਿਸ ਥਾਣਾ ਬਹਿਰਾਮ ਨੂੰ ਸੂਚਨਾ ਦੇ ਦਿੱਤੀ | ਉਨ੍ਹਾਂ ਮੰਗ ਕੀਤੀ ਕਿ ਚੋਰਾਂ ਨੂੰ ਕਾਬੂ ਕੀਤਾ ਜਾਵੇ |
