ਸਮਿਤ ਮੱਛਾਰ ਦੀ ਸਿਹਤ ’ਤੇ ਨੇੜਿਓਂ ਨਜ਼ਰ-ਵਿਦੇਸ਼ ਮੰਤਰਾਲਾ ਕੈਪਟਨ ਮੱਛਾਰ ਨੂੰ ਮਿਲ ਕੇ ‘ਬਹੁਤ ਤਸੱਲੀ ਹੋਈ’-ਭਾਰਤੀ ਰਾਜਦੂਤ

ਨਵੀਂ ਦਿੱਲੀ, 1 ਅਕਤੂਬਰ (ਪੀ. ਟੀ. ਆਈ.)-ਭਾਰਤ ਨੇ ਕਿਹਾ ਕਿ ਉਹ ਕੈਪਟਨ ਸਮਿਤ ਮੱਛਾਰ ਦੀ ਸਿਹਤ ’ਤੇ ਨੇੜਿਓਂ ਨਜ਼ਰ ਰੱਖ ਰਿਹਾ ਹੈ। ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਅਸੀਂ ਭਾਰਤੀ ਨਾਗਰਿਕ ਅਤੇ ‘ਫਲਾਈ-ਦੁਬਈ’ ਦੀ ਉਡਾਣ ਐਫਜ਼ੈਡ 1073 ਦੇ ਬਹਾਦਰ ਪਾਇਲਟ, ਕੈਪਟਨ ਸਮਿਤ ਮੱਛਾਰ ਦੀ ਸਿਹਤ ਸਥਿਤੀ ’ਤੇ ਲਗਾਤਾਰ ਨੇੜਿਓਂ ਨਜ਼ਰ ਰੱਖ ਰਹੇ ਹਾਂ। ਮੰਤਰਾਲੇ ਨੇ ਕਿਹਾ ਕਿ ਸਾਊਦੀ ਅਰਬ ਦੇ ਤਬੁਕ ’ਚ ਇਕ ਹਸਪਤਾਲ ’ਚ ਮੁੱਢਲਾ ਇਲਾਜ ਕਰਵਾਉਣ ਤੋਂ ਬਾਅਦ, ਉਨ੍ਹਾਂ ਨੂੰ ਹੁਣ ਅਗਲੇ ਇਲਾਜ ਤੇ ਸਿਹਤਯਾਬੀ ਲਈ ਅਬੂ ਧਾਬੀ ਤਬਦੀਲ ਕਰ ਦਿੱਤਾ ਗਿਆ ਹੈ। ਬਿਆਨ ’ਚ ਕਿਹਾ ਗਿਆ ਕਿ ਅਬੂ ਧਾਬੀ ’ਚ ਸਾਡਾ ਦੂਤਘਰ ਅਤੇ ਦੁਬਈ ’ਚ ਕੌਂਸਲੇਟ ਇਸ ਮਾਮਲੇ ’ਚ ਸਥਾਨਕ ਅਧਿਕਾਰੀਆਂ ਦੇ ਲਗਾਤਾਰ ਸੰਪਰਕ ’ਚ ਹਨ। ਅਸੀਂ ਇਕ ਵਾਰ ਫਿਰ ਕੈਪਟਨ ਸਮਿਤ ਮੱਛਾਰ ਦੀ ਬਹਾਦਰੀ ਅਤੇ ਹਿੰਮਤ ਨੂੰ ਸਲਾਮ ਕਰਦੇ ਹਾਂ।