ਭਾਰਤ-ਅਮਰੀਕਾ ਵਪਾਰ ਸਮਝੌਤੇ ਲਈ ਢਾਂਚਾ ਤਿਆਰ, ਸਹੀ ਸਮੇਂ ’ਤੇ ਦਸਤਖਤ ਕੀਤੇ ਜਾਣਗੇ: ਅਧਿਕਾਰੀ

ਨਵੀਂ ਦਿੱਲੀ, 13 ਜੁਲਾਈ (ਪੀ.ਟੀ.ਆਈ.)-ਭਾਰਤ ਅਤੇ ਅਮਰੀਕਾ ਵਿਚਕਾਰ ਵਪਾਰ ਸਮਝੌਤੇ ਲਈ ਗੱਲਬਾਤ ਚੰਗੀ ਤਰ੍ਹਾਂ ਅੱਗੇ ਵਧ ਰਹੀ ਹੈ ਅਤੇ ਢਾਂਚਾ ਸਮਝੌਤਾ ਤਿਆਰ ਹੈ ਅਤੇ ਸਹੀ ਸਮੇਂ ’ਤੇ ਦਸਤਖਤ ਕੀਤੇ ਜਾਣਗੇ। ਅਧਿਕਾਰੀ ਨੇ ਕਿਹਾ ਕਿ ਭਾਰਤ ਟੈਰਿਫ ਦੇ ਮਾਮਲੇ ਵਿੱਚ ਆਪਣੇ ਮੁਕਾਬਲੇਬਾਜ਼ਾਂ ਦੇ ਮੁਕਾਬਲੇ ਇਸ ਸਮਝੌਤੇ ਵਿੱਚ ਤੁਲਨਾਤਮਕ ਲਾਭ ਚਾਹੁੰਦਾ ਹੈ। “ਸਾਡੀ (ਅਮਰੀਕੀ ਟੀਮ ਨਾਲ) ਬਹੁਤ ਵਧੀਆ ਚਰਚਾ ਹੋਈ। ਢਾਂਚਾ ਸਮਝੌਤਾ ਤਿਆਰ ਹੈ, ਇਸ ‘ਤੇ ਸਹੀ ਸਮਾਂ ਆਉਣ ’ਤੇ ਦਸਤਖਤ ਕੀਤੇ ਜਾਣਗੇ। ਅਸੀਂ ਇੱਕ ਢਾਂਚਾ ਸਮਝੌਤਾ ਅਤੇ ਇੱਕ ਦੁਵੱਲੇ ਵਪਾਰ ਸਮਝੌਤੇ (ਬੀ ਟੀ ਏ) ’ਤੇ ਗੱਲਬਾਤ ਕਰ ਰਹੇ ਹਾਂ ਅਤੇ ਦੋਵੇਂ ਚੰਗੀ ਤਰ੍ਹਾਂ ਅੱਗੇ ਵਧ ਰਹੇ ਹਨ,” ਅਧਿਕਾਰੀ ਨੇ ਕਿਹਾ। ਵਣਜ ਅਤੇ ਉਦਯੋਗ ਮੰਤਰੀ ਪਿਊਸ਼ ਗੋਇਲ ਅਤੇ ਅਮਰੀਕੀ ਵਪਾਰ ਪ੍ਰਤੀਨਿਧੀ ਜੇਮਸਨ ਗ੍ਰੀਰ ਨੇ ਪਿਛਲੇ ਮਹੀਨੇ ਇੱਥੇ ਦੁਵੱਲੇ ਵਪਾਰ ਸਮਝੌਤੇ ਦੇ ਪਹਿਲੇ ਪੜਾਅ ਨਾਲ ਸੰੰਬੰਧਿਤ ਮੁੱਦਿਆਂ ’ਤੇ ਗੱਲਬਾਤ ਕੀਤੀ ਸੀ।ਇੱਕ ਵਪਾਰ ਸੌਦੇ ਦਾ ਮੂਲ ਰੂਪ ਵਿੱਚ ਅਰਥ ਹੈ ਵਿਸ਼ੇਸ਼ ਬਾਜ਼ਾਰ ਪਹੁੰਚ ਜਾਂ ਤੁਲਨਾਤਮਕ ਲਾਭ।ਅਧਿਕਾਰੀ ਨੇ ਆਪਣਾ ਨਾਂਅ ਗੁਪਤ ਰੱਖਣ ਦੀ ਸ਼ਰਤ ’ਤੇ ਕਿਹਾ, “ਇਸ ਲਈ ਇਹ ਇੱਕ ਅਜਿਹੀ ਚੀਜ਼ ਹੈ, ਜਿਸ ’ਤੇ ਕੰਮ ਕੀਤਾ ਜਾ ਰਿਹਾ ਹੈ; ਜਦੋਂ ਇਹ ਤਿਆਰ ਹੋ ਜਾਵੇਗਾ, ਤਾਂ ਇਸ ’ਤੇ ਦਸਤਖਤ ਕੀਤੇ ਜਾਣਗੇ। ਪਰ ਅਸੀਂ ਸਹੀ ਰਸਤੇ ‘ਤੇ ਹਾਂ, ਸਾਡੀ ਇੱਕ ਪੱਕੀ ਸਮਝ ਹੈ। ਦੋਵੇਂ ਧਿਰਾਂ ਇਸ ਬਾਰੇ ਬਹੁਤ ਸਪੱਸ਼ਟ ਹਨ ਕਿ ਫਰੇਮਵਰਕ ਸੌਦੇ ਵਿੱਚ ਕੀ ਹੈ, ਬੀ.ਟੀ.ਏ. ਅਧੀਨ ਕੀ ਗੱਲਬਾਤ ਕੀਤੀ ਜਾ ਰਹੀ ਹੈ ਅਤੇ ਅਸੀਂ ਉਸ ਦਿਸ਼ਾ ਵਿੱਚ ਅੱਗੇ ਵਧ ਰਹੇ ਹਾਂ।”