ਵਿਕਟੋਰੀਆ (ਸੇਸ਼ੇਲਸ), 28 ਜੂਨ (ਪੀ.ਟੀ.ਆਈ.)-ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਰਾਸ਼ਟਰਪਤੀ ਪੈਟ੍ਰਿਕ ਹਰਮਿਨੀ ਵਿਚਕਾਰ ਗੱਲਬਾਤ ਤੋਂ ਬਾਅਦ, ਭਾਰਤ ਅਤੇ ਸੈਸ਼ਲਜ਼ ਨੇ ਐਤਵਾਰ ਨੂੰ 19 ਸਮਝੌਤਿਆਂ/ਨਤੀਜਿਆਂ ਦਾ ਐਲਾਨ ਕੀਤਾ। ਇਹ ਰੱਖਿਆ ਅਤੇ ਸਮੁੰਦਰੀ ਸੁਰੱਖਿਆ ਤੋਂ ਲੈ ਕੇ ਡਿਜੀਟਲ ਭੁਗਤਾਨ, ਸਪੇਸ, ਸਿਹਤ ਸੰਭਾਲ, ਖੇਤੀਬਾੜੀ ਅਤੇ ਸਿੱਖਿਆ ਤੱਕ ਦੇ ਖੇਤਰਾਂ ਵਿੱਚ ਸਹਿਯੋਗ ਦਾ ਵਿਸਤਾਰ ਕਰਨਗੇ। ਸਮਝੌਤਿਆਂ ਦਾ ਪੈਕੇਜ ਹਿੰਦ ਮਹਾਂਸਾਗਰ ਟਾਪੂ ਦੇਸ਼ ਨਾਲ ਸੁਰੱਖਿਆ, ਸੰਪਰਕ, ਸਮਰੱਥਾ ਨਿਰਮਾਣ ਅਤੇ ਵਿਕਾਸ ਭਾਈਵਾਲੀ ਦੇ ਖੇਤਰਾਂ ਵਿਚ ਨਵੀਂ ਦਿੱਲੀ ਦੇ ਵਧ ਰਹੇ ਸੰਬੰਧਾਂ ਨੂੰ ਦਰਸਾਉਂਦਾ ਹੈ। ਵਿਦੇਸ਼ ਮੰਤਰਾਲੇ ਦੇ ਅਨੁਸਾਰ, ਇਹਨਾਂ ਨਤੀਜਿਆਂ ਵਿਚ ਇਕ ਹਵਾਲਗੀ ਸੰਧੀ, ਬਾਹਰੀ ਪੁਲਾੜ ਦੇ ਸ਼ਾਂਤੀਪੂਰਨ ਉਪਯੋਗਾਂ ਵਿਚ ਸਹਿਯੋਗ ‘ਤੇ ਇੱਕ ਸਮਝੌਤਾ, ਸੈਸ਼ਲਜ਼ ਵਿਚ ਯੂ.ਪੀ.ਆਈ,ਅਧਾਰਤ ਡਿਜੀਟਲ ਭੁਗਤਾਨਾਂ ਨੂੰ ਉਤਸ਼ਾਹਿਤ ਕਰਨ ਲਈ ਇਕ ਸਮਝੌਤਾ, ਭਾਰਤ ਦੇ ਬਰਾਮਦ-ਦਰਾਮਦ ਬੈਂਕ ਨਾਲ ਇਕ ਵਿਆਪਕ ਕ੍ਰੈਡਿਟ ਸਮਝੌਤਾ, ਅਤੇ ਨਵੇਂ ਸੇਸ਼ੇਲਸ ਨੈਸ਼ਨਲ ਹਸਪਤਾਲ ਲਈ ਤਿਆਰੀ ਕਾਰਜ ’ਤੇ ਇਕ ਸਮਝੌਤਾ ਸ਼ਾਮਿਲ ਹੈ।
