ਅਲ ਨੀਨੋ ਸਪੈਨਿਸ਼ ਭਾਸ਼ਾ ਦਾ ਸ਼ਬਦ ਹੈ | ਇਹ ਇਕ ਕੁਦਰਤੀ ਮੌਸਮੀ ਘਟਨਾ ਹੈ ਜਿਸ ਕਾਰਨ ਪ੍ਰਸ਼ਾਂਤ ਮਹਾਂਸਾਗਰ ਦੇ ਭੂ ਮੱਧ ਰੇਖਾ ਵਾਲੇ ਸਮੰੁਦਰ ਦੀ ਸਤ੍ਹਾ ਦਾ ਤਾਪਮਾਨ ਜ਼ਿਆਦਾ ਗਰਮ ਹੋ ਜਾਂਦਾ ਹੈ | ਜਿਸ ਨਾਲ ਪੂਰਬ ਤੋਂ ਪੱਛਮ ਵੱਲ ਚੱਲਣ ਵਾਲੀਆਂ ਸਮੁੰਦਰੀ ਹਵਾਵਾਂ ਕਮਜ਼ੋਰ ਹੋ ਜਾਂਦੀਆਂ ਹਨ | ਏਸ਼ੀਆ ਵੱਲ ਦਾ ਗਰਮ ਪਾਣੀ ਅਮਰੀਕਾ ਵੱਲ ਵਧਣ ਲੱਗਦਾ ਹੈ ਤੇ ਇਸ ਕਾਰਨ ਮੌਨਸੂਨ ਕਮਜ਼ੋਰ ਪੈ ਜਾਂਦਾ ਹੈ | ਬਾਰਿਸ਼ ਘਟਦੀ ਹੈ ਤੇ ਲੂ ਚੱਲਦੀ ਹੈ | ਜਦੋਂਕਿ ਇਸ ਦੇ ਉਲਟ ਦੱਖਣੀ ਅਮਰੀਕਾ ਦੇ ਦੇਸ਼ਾਂ ਵਿਚ ਬਾਰਿਸ਼ ਵਧ ਜਾਂਦੀ ਹੈ | ਇਹ ਘਟਨਾ ਆਮ ਤੌਰ ਤੇ ਹਰ 2 ਤੋਂ 7 ਸਾਲਾਂ ਦੇ ਵਿਚਕਾਰ ਵਾਪਰਦੀ ਹੈ ਪਰ ਇਸ ਵਾਰ ਇਸ ਦੇ 'ਸੁਪਰ ਅਲ ਨੀਨੋ' ਬਣਨ ਦੀ ਸੰਭਾਵਨਾ ਕਾਰਨ ਜ਼ਿਆਦਾ ਫ਼ਿਕਰ ਵਾਲੀ ਗੱਲ ਹੈ |
