ਨਡਾਲਾ, 24 ਦਸੰਬਰ (ਰਘਬਿੰਦਰ ਸਿੰਘ)-ਇਨ੍ਹੀਂ ਦਿਨੀਂ ਕਸਬਾ ਨਡਾਲਾ ਵਿਖੇ ਪੀਣ ਵਾਲੀ ਪਾਣੀ ਦੀ ਨਵੀਂ ਸਪਲਾਈ ਲਈ ਪਾਈਪ ਲਾਈਨ ਵਿਛਾਈ ਜਾ ਰਹੀ ਹੈ ਤਾਂ ਜੋ ਹਰੇਕ ਘਰ 'ਚ ਉੱਤਮ ਕੁਆਲਿਟੀ ਤੇ ਸਵੱਛ ਪਾਣੀ ਘਰ-ਘਰ ਤੱਕ ਪਹੁੰਚਾਇਆ ਜਾਵੇ, ਪ੍ਰੰਤੂ ਪਾਈਪ ਲਾਈਨ ਵਿਛਾ ਰਹੇ ਵਿਭਾਗ ਦੇ ਕਰਮਚਾਰੀਆਂ ਦੀ ਅਣਗਹਿਲੀ ਕਾਰਨ ਕੋਈ ਵੱਡਾ ਹਾਦਸਾ ਵਾਪਰ ਸਕਦਾ ਹੈ, ਕਿਉਂਕਿ ਕਸਬੇ ਦੀ ਫਿਰਨੀ ਕੋਲ ਚੁਗਾਂਵਾ ਮੋੜ ਨੇੜੇ ਪਿਛਲੇ ਇਕ ਹਫ਼ਤੇ ਤੋਂ ਸੜਕ ਵਿਚਕਾਰ ਪਾਈਪ ਪਏ ਹੋਏ ਹਨ, ਜਿਸ ਕਾਰਨ ਅਜਿਹੇ ਧੁੰਦਾਂ ਦੇ ਮੌਸਮ ਵਿਚ ਕੋਈ ਵੀ ਹਾਦਸਾ ਵਾਪਰ ਸਕਦਾ ਹੈ | ਇਸ ਸਬੰਧੀ ਸਤਵਿੰਦਰ ਸਿੰਘ, ਕਰਮਬੀਰ ਸਿੰਘ ਜੌਹਲ, ਰਕੇਸ਼ ਕੁਮਾਰ ਕੇਸ਼ਾ, ਬਿੱਲਾ ਨਡਾਲਾ ਤੇ ਹੋਰਾਂ ਨੇ ਮੰਗ ਕੀਤੀ ਕਿ ਇਸ ਨੰੂ ਰਸਤੇ ਤੋਂ ਹਟਾ ਕੇ ਸਾਈਡ 'ਤੇ ਰੱਖਿਆ ਜਾਵੇ ਤਾਂ ਜੋ ਕੋਈ ਹਾਦਸਾ ਨਾ ਵਾਪਰ ਸਕੇ | ਇਸ ਸਬੰਧੀ ਜਦੋਂ ਸੀਵਰੇਜ ਵਿਭਾਗ ਦੇ ਜੇ.ਈ. ਨਵਦੀਪ ਬਿਸ਼ਨੋਈ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਦੱਸਿਆ ਕਿ ਮੇਰੇ ਧਿਆਨ ਵਿਚ ਨਹੀਂ ਸੀ ਉਹ ਅੱਜ ਹੀ ਇਹ ਪਾਈਪਾਂ ਸਾਈਡ 'ਤੇ ਕਰਵਾ ਦੇਣਗੇ |
