ਸੁਲਤਾਨਪੁਰ ਲੋਧੀ, 20 ਨਵੰਬਰ (ਨਰੇਸ਼ ਹੈਪੀ)-ਬਿ੍ਟਿਸ਼ ਵਿਕਟੋਰੀਆ ਸਕੂਲ, ਸੁਲਤਾਨਪੁਰ ਲੋਧੀ ਵਿਚ ਸਾਲਾਨਾ ਖੇਡ ਸਮਾਗਮ 2025-26 ਦਾ ਆਰੰਭ ਬੇਹੱਦ ਉਤਸ਼ਾਹ ਅਤੇ ਖ਼ੁਸ਼ੀ ਦੇ ਨਾਲ ਹੋਇਆ | ਤਿੰਨ ਦਿਨਾਂ ਦੇ ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਰੰਗਬਰੰਗੇ ਗੁਬਾਰਿਆਂ ਨੂੰ ਆਸਮਾਨ 'ਚ ਛੱਡਣ ਦੇ ਸੁਹਾਵਣੇ ਦਿ੍ਸ਼ ਨਾਲ ਹੋਈ, ਜਿਸ ਨੇ ਪੂਰੇ ਮਾਹੌਲ ਨੂੰ ਖ਼ੁਸ਼ੀ ਅਤੇ ਉਤਸ਼ਾਹ ਨਾਲ ਭਰ ਦਿੱਤਾ | ਸਕੂਲ ਕੈਂਪਸ ਨੂੰ ਸੁੰਦਰ ਗੁਬਾਰਿਆਂ ਨਾਲ ਸਜਾਇਆ ਗਿਆ | ਉਦਘਾਟਨੀ ਸਮਾਰੋਹ ਦੀ ਸ਼ੁਰੂਆਤ ਸਵਾਗਤ ਭਾਸ਼ਨ, ਝੰਡਾ ਲਹਿਰਾਉਣ, ਖੇਡ ਸਮਾਗਮ ਦੀ ਘੋਸ਼ਣਾ, ਮਾਰਚ -ਪਾਸਟ, ਟਾਰਚ ਲਾਈਟਿੰਗ ਅਤੇ ਸਹੁੰ ਚੁੱਕਣ ਨਾਲ ਹੋਈ | ਮੁੱਖ ਮਹਿਮਾਨ ਅਤੇ ਸਕੂਲ ਪ੍ਰਬੰਧਕ ਕਮੇਟੀ ਦੀ ਹਾਜ਼ਰੀ ਨੇ ਪ੍ਰੋਗਰਾਮ ਵਿਚ ਚਾਰ ਚੰਨ ਲਾਏ | ਇਸ ਤੋਂ ਬਾਅਦ ਸਾਰੇ ਦਿਨ ਬੱਚਿਆਂ ਨੇ ਵੱਖਵੱਖ ਸਭਿਆਚਾਰਕ ਕਾਰਜਕ੍ਰਮਾਂ ਅਤੇ ਖੇਡ ਮੁਕਾਬਲਿਆਂ ਵਿਚ ਭਰਪੂਰ ਹਿੱਸਾ ਲਿਆ | ਫੁੱਲਾਂ ਦਾ ਨਾਚ, ਪ੍ਰੀ-ਨਰਸਰੀ ਅਤੇ ਨਰਸਰੀ (ਮੁੰਡਿਆਂ) ਦੇ ਖੇਡ, ਯੋਗਾ ਪ੍ਰਦਰਸ਼ਨ, ਨਰਸਰੀ (ਕੁੜੀਆਂ) ਅਤੇ ਐਲ ਕੇ ਜੀ (ਮੁੰਡਿਆਂ) ਦੀਆਂ ਪ੍ਰਤੀਯੋਗਿਤਾਵਾਂ, ਨਿੱਕਾ ਖਾਲਸਾ ਡਾਂਸ, ਐਲ ਕੇ ਜੀ (ਕੁੜੀਆਂ) ਅਤੇ ਯੂਕੇਜੀ (ਮੁੰਡਿਆਂ) ਦੇ ਖੇਡ, ਰਿਬਨ ਡਾਂਸ ਅਤੇ ਯੂਕੇਜੀ (ਕੁੜੀਆਂ) ਦੀ ਰੱਸਾਕੱਸ਼ੀ ਵਰਗੀਆਂ ਗਤੀਵਿਧੀਆਂ ਨੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ | ਹਰ ਗਰੁੱਪ ਦੇ ਜੇਤੂਆਂ ਨੂੰ ਇਨਾਮ ਦਿੱਤੇ ਗਏ | ਮਾਪਿਆਂ ਲਈ ਰੱਖੇ ਗਏ ਖੇਡ ਪ੍ਰੋਗਰਾਮਾਂ ਨੇ ਵੀ ਮਾਹੌਲ ਵਿਚ ਵਧੇਰੇ ਚਾਅ ਚੜ੍ਹਾਇਆ ਅਤੇ ਰਾਸ਼ਟਰੀ ਗਾਣ ਨਾਲ ਸਮਾਗਮ ਦੀ ਸਮਾਪਤੀ ਹੋਈ | ਇਸ ਮੌਕੇ 'ਤੇ ਚੇਅਰਮੈਨ ਸ਼ਿੰਦਰਪਾਲ ਸਿੰਘ, ਮੈਨੇਜਿੰਗ ਡਾਇਰੈਕਟਰ ਅਰਸ਼ਦੀਪ ਸਿੰਘ, ਪ੍ਰਬੰਧਕ ਕਮੇਟੀ ਮੈਂਬਰ ਬਲਵਿੰਦਰ ਕੌਰ, ਪਰਮਿੰਦਰ ਸਿੰਘ, ਰਮਨਦੀਪ ਕੌਰ ਅਤੇ ਸਕੂਲ ਦੀ ਪਿ੍ੰਸੀਪਲ ਸੁਨੀਤਾ ਸੱਭਰਵਾਲ ਹਾਜ਼ਰ ਸਨ | ਖੇਡ ਸਮਾਗਮ ਨੂੰ ਸਫਲ ਬਣਾਉਣ ਵਿਚ ਖੇਡ ਕੋਚਾਂ ਗੁਰਵਿੰਦਰ ਕੌਰ ਬੱਲ, ਕੁਲਬੀਰ ਸਿੰਘ ਬੱਲ, ਸੋਢੀ ਰਾਮ ਅਤੇ ਉਂਕਾਰ ਸਿੰਘ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ |
