ਸੁਲਤਾਨਪੁਰ ਲੋਧੀ, 5 ਨਵੰਬਰ (ਥਿੰਦ)-ਖੇਤੀਬਾੜੀ ਸੰਦਾਂ ਵਿਚ ਪੰਜਾਬ ਅੰਦਰ ਵੱਡਾ ਨਾਂਅ ਸਥਾਪਿਤ ਕਰਨ ਵਾਲੇ ਸੁਲਤਾਨਪੁਰ ਲੋਧੀ ਸਥਿਤ ਥਿੰਦ ਮਸ਼ੀਨਰੀ ਸਟੋਰ ਵਲੋਂ ਪ੍ਰਕਾਸ਼ ਪੁਰਬ ਮੌਕੇ ਆਪਣੇ ਸ਼ੋਅਰੂਮ ਵਿਚ ਸ਼ਕਤੀਮਾਨ ਕੰਪਨੀ ਦੇ ਆਲੂ ਪਲਾਂਟਰ, ਸੁਪਰ ਸੀਡਰ, ਰੋਟਾਵੇਟਰ, ਬੇਲਰ, ਮਲਚਰ, ਲੇਜ਼ਰ ਲੈਵਲਰ ਕਰਾਹਾ, ਪਲੋਅ ਤੇ ਹੋਰ ਸੰਦਾਂ ਦੀ ਵਿਸ਼ਾਲ ਪ੍ਰਦਰਸ਼ਨੀ ਲਗਾਈ ਗਈ | ਇਸ ਪ੍ਰਦਰਸ਼ਨੀ ਨੂੰ ਪ੍ਰਕਾਸ਼ ਪੁਰਬ ਮੌਕੇ ਪਹੁੰਚੀਆਂ ਸੰਗਤਾਂ ਵਲੋਂ ਭਰਵਾਂ ਹੁੰਗਾਰਾ ਦਿੱਤਾ ਗਿਆ | ਥਿੰਦ ਮਸ਼ੀਨਰੀ ਸਟੋਰ ਦੇ ਐਮ. ਡੀ. ਜੋਗਾ ਸਿੰਘ ਥਿੰਦ ਅਤੇ ਰਣਜੀਤ ਸਿੰਘ ਥਿੰਦ ਨੇ ਦੱਸਿਆ ਕਿ ਉਨ੍ਹਾਂ ਦਾ ਮਕਸਦ ਕਿਸਾਨਾਂ ਨੂੰ ਵਾਜਿਬ ਰੇਟਾਂ 'ਤੇ ਉੱਚ ਪੱਧਰ ਦੇ ਖੇਤੀ ਸੰਦ ਮੁਹੱਈਆ ਕਰਵਾਉਣਾ ਹੈ, ਜਿਸ ਦੇ ਲਈ ਉਹ ਪਿਛਲੇ 15 ਸਾਲਾਂ ਤੋਂ ਕਿਸਾਨਾਂ ਦਾ ਵੱਡਾ ਵਿਸ਼ਵਾਸ ਹਾਸਿਲ ਕਰ ਚੁੱਕੇ ਹਨ | ਉਨ੍ਹਾਂ ਨੇ ਕਿਹਾ ਕਿ ਥਿੰਦ ਮਸ਼ੀਨਰੀ ਸਟੋਰ ਨੇ ਕਿਸਾਨਾਂ ਨੂੰ ਜਿੱਥੇ ਉੱਚ ਪੱਧਰ ਦੇ ਲੇਜ਼ਰ ਲੈਵਲਰ, ਸੁਪਰ ਸੀਡਰ, ਮਲਚਰ, ਰੋਟਾਵੇਟਰ ਮੁਹੱਈਆ ਕਰਵਾਏ ਹਨ, ਉੱਥੇ ਹੀ ਕਿਸਾਨਾਂ ਨੂੰ ਉਨ੍ਹਾਂ ਦੇ ਖੇਤਾਂ ਤੱਕ ਸੰਦਾਂ ਦੀ ਸਰਵਿਸ ਵੀ ਮੁਹੱਈਆ ਕਰਵਾਈ ਹੈ | ਉਨ੍ਹਾਂ ਨੇ ਕਿਹਾ ਕਿ ਬੂਮ ਸਪਰੇਅਰ ਤੇ 4 ਲੱਖ ਰੁਪਏ ਦੀ ਸਬਸਿਡੀ ਦਿੱਤੀ ਜਾ ਰਹੀ ਹੈ | ਇਸੇ ਤਰ੍ਹਾਂ ਬਾਗਬਾਨੀ ਅਤੇ ਸਬਜ਼ੀਆਂ ਦੀ ਗੁਡਾਈ ਲਈ ਛੋਟੇ ਰੋਟਾਵੇਟਰ ਤੇ ਵੀ 40 ਫ਼ੀਸਦੀ ਸਬਸਿਡੀ ਦਿੱਤੀ ਜਾ | ਉਨ੍ਹਾਂ ਨੇ ਕਿਹਾ ਕਿ ਪ੍ਰਕਾਸ਼ ਪੁਰਬ ਮੌਕੇ ਸਾਰੇ ਹੀ ਸੰਦਾਂ ਉੱਪਰ ਵਿਸ਼ੇਸ਼ ਛੋਟ ਦਿੱਤੀ ਜਾਵੇਗੀ ਅਤੇ ਕਿਸਾਨ ਇਸ ਦਾ ਭਰਪੂਰ ਲਾਭ ਉਠਾਉਣ | ਇਸ ਮੌਕੇ ਕੁਲਬੀਰ ਸਿੰਘ ਮਿੰਟੂ, ਰੁਪਿੰਦਰ ਸਿੰਘ ਆਲੂਪੁਰ, ਸੁੱਚਾ ਸਿੰਘ, ਸਰਵਨ ਸਿੰਘ, ਜਗਮੋਹਣ ਸਿੰਘ, ਰੂਬਲ ਟਿੱਬਾ ਆਦਿ ਹਾਜ਼ਰ ਸਨ |
