ਫਗਵਾੜਾ, 18 ਅਕਤੂਬਰ (ਹਰਜੋਤ ਸਿੰਘ ਚਾਨਾ)-ਇੱਕ ਲੜਕੀ ਦੀ ਕੁੱਟਮਾਰ ਕਰਕੇ ਜ਼ਖਮੀ ਕਰਨ ਦੇ ਸਬੰਧ 'ਚ ਸਤਨਾਮਪੁਰਾ ਪੁਲਿਸ ਨੇ ਅੱਧੀ ਦਰਜਨ ਵਿਅਕਤੀਆਂ ਖਿਲਾਫ਼ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਨੀਸ਼ਾ ਪੁੱਤਰੀ ਜੋਗਿੰਦਰਪਾਲ ਵਾਸੀ ਅਰੋੜਾ ਕਾਲੋਨੀ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਕਿ 16 ਅਕਤੂਬਰ ਨੂੰ ਉਨ੍ਹਾਂ ਆਪਣੇ ਗੁਆਂਢੀਆਂ ਦੇ ਲੜਕੇ ਦੇ ਜਨਮ ਦਿਨ ਦਾ ਕੇਕ ਕੱਟਿਆ ਸੀ ਤਾਂ ਉਹ ਇਕੱਠੇ ਹੋਏ ਸਨ ਤਾਂ ਇੰਨੇ ਨੂੰ ਇੱਕ ਇੰਡੀਆ ਗੱਡੀ ਆਈ ਜਿਸ 'ਚ ਤਿੰਨ ਲੜਕੀਆਂ ਤੇ ਇੱਕ ਲੜਕਾ ਸੀ ਤੇ ਮੋਟਰਸਾਈਕਲ ਤੇ ਹੋਰ ਇੱਕ ਨੌਜਵਾਨ ਆਇਆ ਤੇ ਉਸਦੀ ਕੁੱਟਮਾਰ ਕੀਤੀ ਤੇ ਜ਼ਖਮੀ ਕਰ ਦਿੱਤਾ | ਜਿਸ ਸਬੰਧ 'ਚ ਪੁਲਿਸ ਨੇ ਅਵਿਨਾਸ਼ ਗੋਲੂ, ਨੂਨਾ, ਲਵਲੀ ਵਾਸੀ ਆਬਾਦੀ, ਸੋਨੀਆ ਵਾਸੀ ਹਦੀਆਬਾਦ ਤੇ ਦੋ ਅਣਪਛਾਤੇ ਵਿਅਕਤੀਆਂ ਖਿਲਾਫ਼ ਕੇਸ ਦਰਜ ਕੀਤਾ ਹੈ |
