ਵਿਦੇਸ਼ ਜਾਣ ਲਈ ਵਿਆਹ ਕਰਕੇ ਗਹਿਣੇ ਤੇ ਪੈਸੇ ਹੜੱਪਣ ਸੰਬੰਧੀ ਤਿੰਨ ਖ਼ਿਲਾਫ਼ ਕੇਸ ਦਰਜ
ਅਜੀਤ ਡੈਸਕ
23-09-2025
ਫਗਵਾੜਾ, 22 ਸਤੰਬਰ (ਹਰਜੋਤ ਸਿੰਘ ਚਾਨਾ)-ਵਿਦੇਸ਼ ਜਾਣ ਲਈ ਵਿਆਹ ਕਰਕੇ ਸੋਨੇ ਦੇ ਗਹਿਣੇ ਤੇ ਪੈਸੇ ਹੜੱਪ ਕਰਨ ਦੇ ਸਬੰਧ 'ਚ ਸਤਨਾਮਪੁਰਾ ਪੁਲਿਸ ਨੇ ਤਿੰਨ ਵਿਅਕਤੀਆਂ ਖ਼ਿਲਾਫ਼ ਧਾਰਾ 406, 498-ਏ ਆਈ.ਪੀ.ਸੀ ਤਹਿਤ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਨਿਰਮਲ ਸਿੰਘ ਪੁੱਤਰ ਗੁਰਦੇਵ ਸਿੰਘ ਵਾਸੀ ਪ੍ਰੀਤ ਨਗਰ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਕਿ ਉਸਦੀ ਲੜਕੀ ਨੇਹਾ ਮਹੇ ਨਾਲ ਵਿਦੇਸ਼ ਕੈਨੇਡਾ ਜਾਣ ਲਈ ਸ਼ਾਦੀ ਕਰਕੇ ਸੋਨੇ ਦੇ ਗਹਿਣੇ ਤੇ ਪੈਸੇ ਹੜੱਪ ਕੀਤੇ ਹਨ | ਜਿਸ ਸਬੰਧ 'ਚ ਪੁਲਿਸ ਨੇ ਸੁਸ਼ੀਲ ਵਾਸਨ ਪੁੱਤਰ ਜੈ ਪਾਲ ਵਾਸਨ ਵਾਸੀ ਗੁਲਮਾਰਗ ਐਵੀਨਿਊ ਜਲੰਧਰ, ਸੰਤੋਸ਼ ਵਾਸਨ ਪਤਨੀ ਲੇਟ ਜੈ ਪਾਲ ਵਾਸਨ ਵਾਸੀ ਗੁਲਮਾਰਗ ਐਵੀਨਿਊ ਡਾਕਖ਼ਾਨਾ ਲੱਧੇਵਾਲ ਜਲੰਧਰ ਤੇ ਸਿਖਾ ਹੀਰ ਪੁੱਤਰੀ ਜੈ ਪਾਲ ਵਾਸਨ ਵਾਸੀ ਲੱਧੇਵਾਲ ਜਲੰਧਰ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
