ਫਗਵਾੜਾ, 19 ਜੁਲਾਈ (ਹਰਜੋਤ ਸਿੰਘ ਚਾਨਾ)- ਸਿਵਲ ਹਸਪਤਾਲ ਵਿਖੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾ: ਪਰਮਿੰਦਰ ਕੌਰ ਦੀ ਅਗਵਾਈ ਹੇਠ ਡਾਇਰੀਏ ਦੀ ਰੋਕਥਾਮ ਤੇ ਓ.ਆਰ.ਐਸ. ਦੀ ਵੰਡ ਕਰਨ ਸੰਬੰਧੀ ਮੀਟਿੰਗ ਕੀਤੀ ਗਈ | ਡਾ: ਪਰਮਿੰਦਰ ਕੌਰ ਨੇ ਦੱਸਿਆ ਕਿ ਹਰੇਕ ਆਸ਼ਾ ਵਰਕਰ ਵਲੋਂ ਡਾਇਰੀਏ ਦੀ ਰੋਕਥਾਮ ਲਈ ਆਪਣੇ ਆਪਣੇ ਇਲਾਕੇ 'ਚ ਓ.ਆਰ.ਐਸ. ਤੇ ਜ਼ਿੰਕ ਦੀਆਂ ਗੋਲੀਆਂ ਵੰਡੀਆਂ ਜਾ ਰਹੀਆਂ ਹਨ | ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਬੱਚਿਆਂ ਨੂੰ ਡਾਇਰੀਏ ਦੀ ਸ਼ਿਕਾਇਤ ਹੈ ਉਨ੍ਹਾਂ ਨੂੰ ਓ.ਆਰ.ਐਸ. ਦੇ ਪੈਕਟ ਤੇ 14 ਦਿਨ ਲਈ ਜ਼ਿੰਕ ਦੀਆ ਗੋਲੀਆਂ ਖਾਣ ਨੂੰ ਦਿੱਤੀਆਂ ਜਾ ਰਹੀਆਂ ਹਨ | ਉਨ੍ਹਾਂ ਕਿਹਾ ਕਿ ਜੇਕਰ ਓ.ਆਰ.ਐਸ. ਘਰ ਵਿਚ ਖ਼ਤਮ ਹੋ ਜਾਵੇ ਤਾਂ ਸਿਵਲ ਹਸਪਤਾਲ ਫਗਵਾੜਾ ਵਿਖੇ 4 ਜਗ੍ਹਾ 'ਤੇ ਓ.ਆਰ.ਐਸ. ਕਾਰਨਰ ਸਥਾਪਿਤ ਕੀਤੇ ਗਏ ਹਨ ਹਰ ਵਿਅਕਤੀ ਉੱਥੇ ਜਾ ਕੇ ਓ.ਆਰ.ਐਸ. ਤੇ ਜ਼ਿੰਕ ਟੇਬਲੇਟ ਪ੍ਰਾਪਤ ਕਰ ਸਕਦਾ ਹੈ ਤਾਂ ਜੋ ਡਾਇਰੀਏ ਦੀ ਰੋਕਥਾਮ ਕੀਤੀ ਜਾ ਸਕੇ ਤੇ ਆਸਾਨੀ ਨਾਲ ਓ.ਆਰ.ਐਸ. ਤੇ ਜ਼ਿੰਕ ਟੇਬਲੇਟ ਪ੍ਰਾਪਤ ਕੀਤੀਆਂ ਜਾ ਸਕਣ |
