ਬੁਢਲਾਡਾ, 19 ਨਵੰਬਰ (ਸਵਰਨ ਸਿੰਘ ਰਾਹੀ)- ਪੰਜਾਬ ਸਰਕਾਰ ਵਲੋਂ ਬਿਜਲੀ ਸੁਧਾਰਾਂ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਤਹਿਤ ਪੰਜਾਬ ਸਟੇਟ ਟਰਾਂਸਮਿਸ਼ਨ ਕਾਰਪੋਰੇਸ਼ਨ ਲਿਮਟਿਡ ਵੱਲੋਂ ਬੁਢਲਾਡਾ ਬਿਜਲੀ ਸਬ ਸਟੇਸ਼ਨ ਨੂੰ 66 ਕੇ. ਵੀ. ਤੋਂ ਅਪਗਰੇਡ ਕਰ ਕੇ 220 ਕੇ. ਵੀ. ਕਰਨ ਦਾ ਉਦਘਾਟਨ ਹਲਕਾ ਵਿਧਾਇਕ ਬੁੱਧ ਰਾਮ ਵਲੋਂ ਕੀਤਾ ਗਿਆ | ਵਿਧਾਇਕ ਨੇ ਕਿਹਾ ਕਿ ਇਸ ਸਬ ਸਟੇਸ਼ਨ ਦੇ ਅਪਗਰੇਡ ਹੋਣ ਨਾਲ 66 ਕੇ. ਵੀ. ਬੋੜਾਵਾਲ, ਬੁਢਲਾਡਾ, ਧਲੇਵਾਂ, ਕਿਸ਼ਨਗੜ੍ਹ, ਦਾਤੇਵਾਸ, ਬਹਾਦਰਪੁਰ ਅਤੇ ਦਲੇਲ ਸਿੰਘ ਵਾਲਾ ਜੋ ਕਿ ਪਹਿਲਾਂ ਮਾਨਸਾ ਤੋਂ ਚਲਦੇ ਸਨ, ਹੁਣ ਇਹ ਬਿਜਲੀ ਘਰ ਬੁਢਲਾਡਾ ਦੇ ਨਵੇਂ 220 ਕੇ. ਵੀ. ਸਟੇਸ਼ਨ ਤੋਂ ਚੱਲਣਗੇ | ਜਿਸ ਨਾਲ ਸਮੁੱਚੇ ਇਲਾਕੇ ਦੇ ਲੋਕਾਂ ਨੂੰ ਬਿਜਲੀ ਸਬੰਧੀ ਵੱਡਾ ਫ਼ਾਇਦਾ ਹੋਵੇਗਾ | ਉਨ੍ਹਾਂ ਕਿਹਾ ਕਿ ਇਸ ਕਾਰਜ ਲਈ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਅਤੇ ਬਿਜਲੀ ਮੰਤਰੀ ਸੰਜੀਵ ਅਰੋੜਾ ਵਲੋਂ 54 ਕਰੋੜ 88 ਲੱਖ ਦੀ ਗਰਾਂਟ ਮਨਜ਼ੂਰ ਕਰਨ ਸਦਕਾ ਹੀ ਇਹ ਅਪਗਰੇਡੇਸ਼ਨ ਸੰਭਵ ਹੋ ਸਕੀ ਹੈ | ਇਸ ਮੌਕੇ ਐਸ.ਡੀ.ਐਮ. ਬੁਢਲਾਡਾ ਗਗਨਦੀਪ ਸਿੰਘ, ਮਾਰਕੀਟ ਕਮੇਟੀ ਬੁਢਲਾਡਾ ਦੇ ਚੇਅਰਮੈਨ ਸਤੀਸ਼ ਸਿੰਗਲਾ, ਸਹਿਕਾਰਤਾ ਬੈਂਕ ਮਾਨਸਾ ਦੇ ਚੇਅਰਮੈਨ ਸੋਹਣਾ ਸਿੰਘ ਕਲੀਪੁਰ, ਪੰਚਾਇਤ ਯੂਨੀਅਨ ਜ਼ਿਲ੍ਹਾ ਮਾਨਸਾ ਦੇ ਪ੍ਰਧਾਨ ਜਸਵਿੰਦਰ ਸਿੰਘ ਰਿਉਂਦ, ਗੁਰਪ੍ਰੀਤ ਸਿੰਘ ਵਿਰਕ ਆਦਿ ਹਾਜ਼ਰ ਸਨ |