ਜਲੰਧਰ, 25 ਦਸੰਬਰ (ਹਰਵਿੰਦਰ ਸਿੰਘ ਫੁੱਲ)-ਕ੍ਰਿਸਮਸ ਦਾ ਤਿਉਹਾਰ ਜਲੰਧਰ ਦੇ ਵੱਖ-ਵੱਖ ਚਰਚਾਂ 'ਚ ਮਨਾਇਆ ਗਿਆ | ਜਲੰਧਰ ਸਿਲਵ ਲਾਈਨ ਵਿਖੇ ਸਥਿਤ ਸੈਕਰਡ ਹਾਰਟ ਚਰਚ ਜਲੰਧਰ ਵਿਖੇ ਬਿਸ਼ਪ ਜੋਂਸ ਸਬੈਸਟੀਅਨ, ਫਾਦਰ ਐਥਨੀ ਤੁਰਤੀ, ਫਾਦਰ ਡੇਵਿਸ ਦੀ ਅਗਵਾਈ 'ਚ ਮਨਾਇਆ ਗਿਆ | ਵੱਡੀ ਗਿਣਤੀ 'ਚ ਸ਼ਰਧਾਲੂਆਂ ਨੇ ਪ੍ਰ੍ਰਾਰਥਨਾ ਸਭਾ 'ਚ ਭਾਗ ਲਿਆ | ਇਸ ਮੌਕੇ ਹਿੰਦੂ, ਸਿੱਖ ਅਤੇ ਮੁਸਲਿਮ ਭਾਈਚਾਰੇ ਦੇ ਲੋਕਾਂ ਨੇ ਕਿ੍ਸਚੀਅਨ ਭਾਈਚਾਰੇ ਦੇ ਲੋਕਾਂ ਨੂੰ ਪ੍ਰਭੂ ਯਿਸੂ ਮਸੀਹ ਦੇ ਜਨਮ ਦਿਹਾੜੇ ਦੀ ਵਧਾਈ ਦੇ ਕੇ ਖ਼ੁਸ਼ੀਆਂ ਸਾਂਝੀਆਂ ਕੀਤੀਆਂ | ਸਮਾਗਮ ਦੌਰਾਨ ਬਿਸ਼ਪ ਸਬੈਸਟੀਅਨ ਨੇ ਸਰਬੱਤ ਦੇ ਭਲੇ ਲਈ ਪ੍ਰਭੂ ਯਿਸੂ ਮਸੀਹ ਦੇ ਚਰਨਾਂ 'ਚ ਪ੍ਰਰਥਨਾ ਕੀਤੀ | ਇਸ ਮੌਕੇ ਦਿਨ ਅਤੇ ਰਾਤ ਨੂੰ ਹਜ਼ਾਰਾਂ ਲੋਕਾਂ ਨੇ ਚਰਚ 'ਚ ਹਾਜ਼ਰੀ ਭਰ ਕੇ ਅਤੇ ਮੋਮਬੱਤੀਆਂ ਜਗਾ ਕੇ ਆਪਣੀ ਸ਼ਰਧਾ ਦਾ ਇਜਹਾਰ ਭੇਟ ਕੀਤਾ | ਇਸ ਮੌਕੇ ਉੱਤੇ ਫਾਦਰ ਡੇਵਿਸ, ਫਾਦਰ ਐਂਥਨੀ ਤੁਰਤੀ ਨੇ ਪ੍ਰਾਰਥਨਾਵਾਂ ਕੀਤੀਆਂ ਅਤੇ ਸਾਰੀ ਸੰਗਤ ਨੂੰ ਆਸ਼ੀਰਵਾਦ ਦੇ ਕੇ ਵਧਾਈਆ ਦਿੱਤੀਆਂ |
