ਜਲੰਧਰ, 2 ਨਵੰਬਰ (ਸ਼ਿਵ)- ਵਾਰਡ ਨੰਬਰ ਚਾਰ ਸ਼ਹੀਦ ਊਧਮ ਸਿੰਘ ਨਗਰ ਗਲੀ ਨੰਬਰ ਇੱਕ ਵਿਚ ਪ੍ਰਾਚੀਨ ਮੰਦਰ ਮਾਤਾ ਸਲੋਨੀ ਬਾਹਰ ਪਿਛਲੇ ਕਈ ਦਿਨਾਂ ਤੋਂ ਸੀਵਰੇਜ ਬੰਦ ਪਿਆ ਹੈ | ਨਗਰ ਨਿਗਮ ਵਲੋਂ ਕੋਈ ਧਿਆਨ ਨਾ ਦੇਣ ਕਰਕੇ ਲੋਕਾਂ ਨੂੰ ਮੰਦਿਰ ਜਾਣ ਲਈ ਕਾਫ਼ੀ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਕੁੱਝ ਮਹੀਨੇ ਪਹਿਲੇ ਇੱਥੋਂ ਦੇ ਲੋਕ ਇਕੱਠੇ ਹੋ ਕੇ ਵਾਰਡ ਨੰਬਰ ਚਾਰ ਦੀ ਸੀਵਰੇਜ ਸਮੱਸਿਆ ਹੱਲ ਕਰਵਾਉਣ ਲਈ ਨਿਗਮ ਦਫ਼ਤਰ ਆਏ ਸਨ ਪਰ ਇਸ ਦਾ ਕੋਈ ਅਸਰ ਨਹੀਂ ਹੋਇਆ ਹੈ | ਲੋਕਾਂ ਨੂੰ ਗੰਦੇ ਪਾਣੀ ਵਿਚ ਲੰਘ ਕੇ ਜਾਣਾ ਪੈਂਦਾ ਹੈ | ਹੈ ਦੂਜੇ ਪਾਸੇ ਕਹੀਏ ਤਾਂ ਵਾਰਡ ਨੰਬਰ ਦੋ ਦੇ ਹਰਗੋਬਿੰਦ ਨਗਰ ਵਿਚ ਵੀ ਇਹੋ ਹਾਲ ਹੈ ਗੁਰਦੁਆਰੇ ਗਲੀ ਵੀ ਪਾਣੀ ਨਾਲ ਭਰੀ ਹੋਈ ਹੈ | ਰਾਮ ਬਾਗ਼ ਕਲੋਨੀ ਵਾਰਡ ਨੰਬਰ ਦੋ ਟਰਾਂਸਪੋਰਟ ਨਗਰ ਦੇ ਪਿੱਛੇ ਜੋ ਰਸਤਾ ਗਦਈਪੁਰ ਚਲੇ ਜਾਂਦਾ ਹੈ ਉੱਥੇ ਮੇਨ ਹਾਲ ਖੁੱਲੇ੍ਹ ਪਏ ਹਨ ਅਤੇ ਉੱਥੇ ਹੀ ਫ਼ੈਕਟਰੀਆਂ ਹਨ | ਲੋਕਾਂ ਦੇ ਘਰ ਵਿਚ ਛੋਟੇ -ਛੋਟੇ ਬੱਚੇ ਆਉਂਦੇ ਜਾਂਦੇ ਨੇ ਜਦ ਕਿ ਦੋ ਮੇਨ ਹਾਲ ਖੁੱਲੇ੍ਹ ਨੇ ਬੜੀ ਗੱਲ ਹੈ ਪਿੱਛੇ ਜੋ ਇੱਕ ਘਟਨਾ ਲੁਧਿਆਣਾ ਹੋਈ ਸੀ | ਜਿਸ ਵਿਚ ਇੱਕ ਕਲੋਨੀ ਵਿਚ ਗਟਰ ਖੁੱਲ੍ਹਾ ਸੀ ਤੇ ਉੱਥੇ ਇੱਕ ਬੱਚਾ ਡਿਗ ਗਿਆ ਸੀ ਜਿਸ ਨੂੰ ਕਾਫ਼ੀ ਮੁਸ਼ਕਲ ਨਾ ਬਚਾਇਆ ਗਿਆ |
