17-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 16-07-2025

ਬਲਾਕ ਆਦਮਪੁਰ ਦੇ ਚਾਰ ਪਿੰਡਾਂ 'ਚ ਚੋਣ ਅਮਲ ਸੁਰੂ, ਸਰਬਸੰਮਤੀ ਦੀ ਸੰਭਾਵਨਾ-ਰਿਟਰਨਿੰਗ ਅਫਸਰ <br/>

ਅਜੀਤ ਡੈਸਕ 16-07-2025
ਆਦਮਪੁਰ, 15 ਜੁਲਾਈ (ਰਮਨ ਦਵੇਸਰ)- ਬਲਾਕ ਆਦਮਪੁਰ ਦੇ ਪਿੰਡਾਂ ਕੂਪੁਰ, ਖਿਆਲਾ, ਦੂਹੜੇ ਅਤੇ ਸਲਾਲਾ ਵਿੱਚ ਉਪ ਚੋਣਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ | ਰਿਟਰਨਿੰਗ ਅਫਸਰ, ਰਾਮ ਜੀਤ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਨ੍ਹਾਂ ਚਾਰ ਪਿੰਡਾਂ ਲਈ ਨਾਮਜ਼ਦਗੀਆਂ ਦਾਖਲ ਕਰਨ ਦੀ ਪ੍ਰਕਿਰਿਆ ਕੱਲ੍ਹ ਤੋਂ ਸੁਰੂ ਹੋ ਚੁੱਕੀ ਹੈ | ਜਾਣਕਾਰੀ ਦਿੰਦਿਆਂ ਉਨਾਂ ਦੱਸਿਆ ਕਿ ਨਾਮਜ਼ਦਗੀਆਂ ਦਾਖਲ ਕਰਨ ਦੀ ਆਖਰੀ ਮਿਤੀ 17 ਜੁਲਾਈ ਹੈ | 19 ਜੁਲਾਈ ਨੂੰ ਨਾਮਜ਼ਦਗੀਆਂ ਦੀ ਪੜਤਾਲ ਕੀਤੀ ਜਾਵੇਗੀ ਤੇ 27 ਜੁਲਾਈ ਵੋਟਾਂ ਪੈਣਗੀਆਂ | ਰਿਟਰਨਿੰਗ ਅਫਸਰ ਦੱਸਿਆ ਕਿ ਮੇਰੇ ਨਾਲ ਸੁਰਿੰਦਰ ਭਾਟੀਆ ਅਸਿਸਟੈਟ ਰਿਟਰਨਿੰਗ ਅਫਸਰ ਤੇ ਰਾਜ ਕੁਮਾਰ ਸੀਨੀਅਰ ਚੌਣ ਪੜਤਾਲ ਅਫਸਰ ਨੇ ਫਿਲਹਾਲ ਪਿੰਡਾਂ ਦੂਹੜੇ ਦੇ ਸਾਬਕਾ ਸੀਨੀਅਰ ਪੰਚ ਸੁੱਚਾ ਰਾਮ ਦੀ ਨਾਮਜ਼ਦਗੀ ਪ੍ਰਾਪਤ ਕੀਤੀ ਹੈ | ਉਨਾਂ ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਆਖਰੀ ਮਿਤੀ ਤੋਂ ਪਹਿਲਾਂ, ਜੇ ਸਾਰੇ ਉਮੀਦਵਾਰਾਂ ਵਿੱਚ ਸਹਿਮਤੀ ਬਣ ਜਾਂਦੀ ਹੈ ਤਾਂ ਪਿੰਡਾਂ ਵਿਚ ਚੋਣ ਸਰਬਸੰਮਤੀ ਨਾਲ ਵੀ ਹੋ ਸਕਦੀ ਹੈ | ਇਸ ਨਾਲ ਚੋਣਾਂ ਕਰਵਾਏ ਬਿਨਾਂ ਹੀ ਨੁਮਾਇੰਦਿਆਂ ਦੀ ਚੋਣ ਸੰਭਵ ਹੋ ਸਕੇਗੀ | ਇਸ ਮੌਕੇ ਦਿਲਬਾਗ ਸਿੰਘ ਸਰਪੰਚ, ਕਰਨੈਲ ਸਿੰਘ, ਸਤਨਾਮ ਸਿੰਘ, ਪਰਮੇਸ਼ਰ ਸਿੰਘ, ਗਿਆਨੀ ਨਰਿੰਦਰ ਸਿੰਘ (ਸਾਰੇ ਪਿੰਡ ਦੂਹੜੇ) ਹਾਜ਼ਰ ਹਨ |

ਪਿਛਲੀ ਖ਼ਬਰ ਸ਼ਹੀਦ ਬਾਬਾ ਮੱਤੀ ਜੀ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਸੰਧਿਆ ਫੇਰੀ ਕੱਢੀ <br/> ਅਗਲੀ ਖ਼ਬਰ ਮਾਤਾ ਗੁਜਰੀ ਖ਼ਾਲਸਾ ਕਾਲਜ ਕਰਤਾਰਪੁਰ ਦਾ ਬੀ.ਸੀ.ਏ. ਦਾ ਨਤੀਜਾ ਰਿਹਾ ਸ਼ਾਨਦਾਰ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।