ਨਵੀਂ ਦਿੱਲੀ, 7 ਦਸੰਬਰ (ਮਿਸਰਦੀਪ ਭਾਟੀਆ)-ਦਿੱਲੀ ਯੂਨੀਵਰਸਿਟੀ ਦੀ ਅਕਾਦਮਿਕ ਕੌਂਸਲ ਦੀ ਮੀਟਿੰਗ ਪਿਛਲੇ ਦਿਨੀਂ ਪ੍ਰੋ. ਯੋਗੇਸ਼ ਸਿੰਘ ਦੀ ਪ੍ਰਧਾਨਗੀ ਹੇਠ ਹੋਈ | ਬੈਠਕ ਦੇ ਦੌਰਾਨ ਜ਼ੀਰੋ ਆਵਰ ਵਿਚ ਗੈਸਟ ਅਤੇ ਐਡਹਾਕ ਅਧਿਆਪਕਾਂ ਦੇ ਮੁੱਦੇ 'ਤੇ ਬੋਲਦਿਆਂ ਵਾਈਸ ਚਾਂਸਲਰ ਪ੍ਰੋ. ਯੋਗੇਸ਼ ਸਿੰਘ ਨੇ ਕਿਹਾ ਕਿ ਅਸੀਂ ਡੀ.ਯੂ. ਦਾ ਕਲਚਰ ਬਦਲਣਾ ਚਾਹੁੰਦੇ ਹਾਂ, ਅਸਥਾਈ ਨਿਯੁਕਤੀਆਂ ਦੀ ਬਜਾਏ ਸਥਾਈ ਨਿਯੁਕਤੀਆਂ ਕੀਤੀਆਂ ਜਾਣੀਆਂ ਚਾਹੀਦੀਆਂ ਹਨ | ਉਨ੍ਹਾਂ ਕਿਹਾ ਕਿ ਅਕਾਦਮਿਕ ਨਿਯੁਕਤੀਆਂ ਸਾਲ ਵਿਚ ਦੋ ਵਾਰ ਕੀਤੀਆਂ ਜਾਣੀਆਂ ਚਾਹੀਦੀਆਂ ਹਨ | ਵਾਈਸ ਚਾਂਸਲਰ ਨੇ ਕਾਲਜਾਂ ਨੂੰ ਗੈਸਟ ਅਧਿਆਪਕਾਂ ਨੂੰ ਨਿਯੁਕਤ ਕਰਨ ਦੀ ਬਜਾਏ ਨਿਯਮਤ ਆਧਾਰ 'ਤੇ ਸਥਾਈ ਨਿਯੁਕਤੀਆਂ ਕਰਨ ਦੀ ਅਪੀਲ ਕੀਤੀ |
