ਤਪਾ ਮੰਡੀ, 20 ਨਵੰਬਰ (ਪ੍ਰਵੀਨ ਗਰਗ)-ਇਮਾਨਦਾਰੀ ਅਜੇ ਜ਼ਿੰਦਾ ਹੈ, ਜਿਸ ਦੀ ਮਿਸਾਲ ਉਸ ਸਮੇਂ ਦੇਖਣ ਨੂੰ ਮਿਲੀ ਜਦ ਗੁੰਮ ਮੋਬਾਈਲ ਅਸਲ ਮਾਲਕ ਨੂੰ ਸੌਂਪ ਕੇ ਇਮਾਨਦਾਰੀ ਦਾ ਸਬੂਤ ਪੇਸ਼ ਕੀਤਾ | ਇਸ ਸਬੰਧੀ ਮੁਕੇਸ਼ ਕੁਮਾਰ ਪੁੱਤਰ ਰਾਜੇਸ਼ ਕੁਮਾਰ ਮਿੱਤਲ ਨੂੰ ਇਕ ਮੋਬਾਈਲ ਸ਼ਹਿਰ ਦੀ ਗਲੀ ਨੰ: 2-3 ਦੇ ਵਿਚਕਾਰੋਂ ਡਿੱਗਿਆਂ ਹੋਇਆ ਮਿਲਿਆ ਸੀ | ਉਸ ਨੇ ਮੋਬਾਈਲ ਤੋਂ ਨੰਬਰ ਮਿਲਾ ਕੇ ਆਏ ਨੰਬਰ 'ਤੇ ਦੱਸਿਆ ਕਿ ਮੈਨੂੰ ਇਕ ਡਿੱਗਿਆਂ ਮੋਬਾਈਲ ਮਿਲਿਆ ਹੈ | ਜੇਕਰ ਕਿਸੇ ਦਾ ਹੋਵੇ ਤਾਂ ਨਿਸ਼ਾਨੀ ਦੱਸ ਕੇ ਲੈ ਜਾ ਸਕਦਾ ਹੈ ਤਾਂ ਇਹ ਮੋਬਾਈਲ ਯਸ਼ ਕੁਮਾਰ ਪੁੱਤਰ ਕਮਲ ਕੁਮਾਰ ਵਾਸੀ ਗਲੀ ਨੰ: 1 ਦਾ ਡਿੱਗਿਆਂ ਸੀ, ਮੁਕੇਸ਼ ਕੁਮਾਰ ਨੂੰ ਮਿਲ ਕੇ ਸਾਰੀਆਂ ਨਿਸ਼ਾਨੀਆਂ ਅਤੇ ਨੰਬਰ ਦੱਸ ਕੇ ਗੁੰਮ ਮੋਬਾਈਲ ਨੂੰ ਪਤਵੰਤਿਆਂ ਦੀ ਹਾਜ਼ਰੀ 'ਚ ਸੌਂਪਿਆ | ਯਸ਼ ਕੁਮਾਰ ਨੇ ਮੁਕੇਸ਼ ਕੁਮਾਰ ਧੰਨਵਾਦ ਕੀਤਾ | ਇਸ ਮੌਕੇ ਸੁਸ਼ੀਲ ਕੁਮਾਰ, ਲਵਲੀ, ਰਾਕੇਸ਼ ਜੇਠੂਕੇ ਵਾਲਾ ਆਦਿ ਹਾਜਰ ਸਨ |
