ਖੰਨਾ, 6 ਦਸੰਬਰ (ਹਰਜਿੰਦਰ ਸਿੰਘ ਲਾਲ)-ਸਿੱਖਿਆ ਵਿਭਾਗ ਦੀਆਂ ਹਦਾਇਤਾਂ ਅਨੁਸਾਰ ਸ. ਸ. ਸ. ਸਕੂਲ ਇਕੋਲਾਹਾ ਦੇ ਸਾਇੰਸ ਗਰੁੱਪ ਦੇ 35 ਵਿਦਿਆਰਥੀਆਂ ਨੇ ਮੋਹਾਲੀ ਦੇ ਸੈਕਟਰ 81 ਵਿਖੇ ਸਥਿਤ ਕੇਂਦਰ ਸਰਕਾਰ ਦੇ ਅਦਾਰੇ ਨਾਬੀ (ਨੈਸ਼ਨਲ ਐਗਰੀ - ਫੂਡ ਬਾਇਓਟੈਕਨਾਲੋਜੀ ਇੰਸਟੀਚਿਊਟ) ਦਾ ਇਕ ਰੋਜ਼ਾ ਦੌਰਾ ਕੀਤਾ | ਜਿਸ ਦੌਰਾਨ ਵਿਦਿਆਰਥੀਆਂ ਨੇ ਖੇਤੀਬਾੜੀ ਦੇ ਖੇਤਰ ਵਿਚ ਹੋ ਰਹੇ ਨਵੀਨੀਕਰਨ ਅਤੇ ਉੱਚ ਟੈਕਨਾਲੋਜੀ ਸੰਬੰਧੀ ਭਰਪੂਰ ਜਾਣਕਾਰੀ ਹਾਸਿਲ ਕੀਤੀ | ਕਣਕ, ਚਾਵਲ ਅਤੇ ਕੇਲੇ ਦੀ ਕਾਸ਼ਤਕਾਰੀ ਵਿੱਚ ਨਵੀਆਂ ਉਪਲਬਧੀਆਂ ਤੋਂ ਇਲਾਵਾ ਵਿਦਿਆਰਥੀਆਂ ਨੇ ਟਿਸ਼ੂ ਕਲਚਰ ਅਤੇ ਅਰੈਬੀਡੋਪਸਿਸ ਪੌਦਿਆਂ ਦੇ ਅਧਿਐਨ ਸੰਬੰਧੀ ਵੀ ਵਡਮੁੱਲੀ ਜਾਣਕਾਰੀ ਹਾਸਿਲ ਕੀਤੀ | ਇਸ ਇੱਕ ਰੋਜ਼ਾ ਵਿੱਦਿਅਕ ਦੌਰੇ ਸਮੇਂ ਸੰਸਥਾ ਦੇ ਬਾਇਓ ਲੈਕ. ਰਮਨਦੀਪ ਕੌਰ, ਮੈਥ ਮਿਸਟਰੈੱਸ ਸ਼ਿਵਾਨੀ ਵਰਮਾ ਅਤੇ ਸਟੇਟ ਐਵਾਰਡੀ ਸਾਇੰਸ ਮਾਸਟਰ ਧਰਮਿੰਦਰ ਸਿੰਘ ਨੇ ਦੌਰੇ ਨੂੰ ਅਨੁਸ਼ਾਸਨ ਭਰਪੂਰ ਬਣਾਉਣ ਵਿੱਚ ਅਹਿਮ ਯੋਗਦਾਨ ਪਾਇਆ |
