ਖੰਨਾ, 6 ਨਵੰਬਰ (ਹਰਜਿੰਦਰ ਸਿੰਘ ਲਾਲ)-ਪ੍ਰਾਇਮਰੀ ਸਕੂਲ ਖੇਡਾਂ ਜੋ ਅੱਜ ਲੁਧਿਆਣਾ ਵਿਖੇ ਸੰਪੰਨ ਹੋਈਆਂ ਹਨ, ਵਿਚ ਸਰਕਾਰੀ ਪ੍ਰਾਇਮਰੀ ਸਕੂਲ ਸਲੌਦੀ ਦੇ ਖਿਡਾਰੀ ਤਰਨਦੀਪ ਸਿੰਘ ਪੁੱਤਰ ਕਰਮਵੀਰ ਸਿੰਘ ਦੀ ਫੁੱਟਬਾਲ ਖੇਡ ਵਿਚ ਪੰਜਾਬ ਖੇਡਾਂ ਦੀ ਚੋਣ ਹੋਈ ਹੈ | ਤਰਨਦੀਪ ਬਲਾਕ ਖੰਨਾ- 2 ਦੀ ਟੀਮ ਵੱਲੋਂ ਜ਼ਿਲ੍ਹਾ ਖੇਡਾਂ ਚ ਖੇਡਿਆ ਤੇ ਜਿਸ ਨੂੰ ਉਸ ਦੀ ਸ਼ਾਨਦਾਰ ਖੇਡ ਰਾਹੀਂ ਪੰਜਾਬ ਖੇਡਾਂ ਲਈ ਚੁਣਿਆ ਗਿਆ | ਸਕੂਲ ਮੁਖੀ ਜਸਵਿੰਦਰ ਸਿੰਘ ਤੇ ਟੀਮ ਇੰਚਾਰਜ ਸੁਖਵਿੰਦਰ ਸਿੰਘ ਭੱਟੀਆਂ ਨੇ ਦੱਸਿਆ ਕਿ 2023 ਦੀਆਂ ਸਟੇਟ ਖੇਡਾਂ ਵਿਚ ਵੀ ਸਕੂਲ ਦਾ ਵਿਦਿਆਰਥੀ ਹਰਜੋਤ ਸਿੰਘ ਸਟੇਟ ਵਿਚੋਂ ਫੁੱਟਬਾਲ ਵਿੱਚ ਹੀ ਗੋਲਡ ਮੈਡਲ ਜਿੱਤ ਚੁੱਕਿਆ ਹੈ | ਇਸ ਖ਼ੁਸ਼ੀ ਦੇ ਮੌਕੇ ਤੇ ਸਰਪੰਚ ਹਰਮੇਸ਼ ਸਿੰਘ, ਸਾਬਕਾ ਸਰਪੰਚ ਮਨਦੀਪ ਕੁਮਾਰ ਮੋਨੂੰ ਬੈਕਟਰ, ਜਿਲਾ ਖੇਡ ਕੋ ਆਰਡੀਨੇਟਰ ਕੁਲਵੀਰ ਸਿੰਘ ਮਾਨ, ਐਸ ਐਮ. ਸੀ. ਕਮੇਟੀ ਤੇ ਸਟਾਫ਼ ਵੱਲੋਂ ਸਕੂਲ ਮੁਖੀ ਜਸਵਿੰਦਰ ਸਿੰਘ, ਸੁਖਵਿੰਦਰ ਸਿੰਘ ਭੱਟੀਆਂ, ਰਾਬੀਆ ਕੌਰ, ਕੰਚਨ ਵਰਮਾ ਤੇ ਰਮਨਦੀਪ ਕੌਰ ਨੇ ਤਰਨਦੀਪ ਸਿੰਘ ਤੇ ਉਸਦੇ ਮਾਪਿਆਂ ਨੂੰ ਵਧਾਈ ਦਿੱਤੀ |