ਅਬੋਹਰ, 24 ਦਸੰਬਰ (ਬਰਾੜ)-ਉਪ ਮੰਡਲ ਦੇ ਪਿੰਡ ਕਿੱਲਿ੍ਹਆਂਵਾਲੀ ਵਿਖੇ ਸਵ.ਕਪੂਰ ਸਿੰਘ ਜਾਖੜ ਮੈਮੋਰੀਅਲ ਕਲੱਬ ਵਲੋਂ ਨੌਜਵਾਨਾਂ ਦੇ ਸਹਿਯੋਗ ਨਾਲ 27 ਦਸੰਬਰ ਤੋਂ ਦੋ ਦਿਨਾਂ ਚੌਥਾ ਵਾਲੀਬਾਲ ਸ਼ੂਟਿੰਗ ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ ਹੈ | ਟੂਰਨਾਮੈਂਟ ਦੇ ਪ੍ਰਬੰਧਕ ਲਾਲੀ ਜਾਖੜ, ਆਕਾਸ਼ਦੀਪ ਸਿੰਘ ਜਾਖੜ, ਲਾਡੀ ਜਾਖੜ, ਨਵਜੋਤ ਜਾਖੜ ਆਦਿ ਇਹ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਟੂਰਨਾਮੈਂਟ 27 ਅਤੇ 28 ਦਸੰਬਰ ਨੂੰ ਹੋਵੇਗਾ | ਜੇਤੂ ਟੀਮਾਂ ਨੂੰ ਨਗਦ ਇਨਾਮ ਅਤੇ ਸਨਮਾਨ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਜਾਵੇਗਾ |
