ਸੰਗਰੂਰ, 19 ਜੁਲਾਈ (ਧੀਰਜ ਪਸ਼ੋਰੀਆ)-ਸੰਗਰੂਰ ਵਿਖੇ ਪਿਊਸ਼ ਬਾਂਸਲ ਪ੍ਰਧਾਨ ਪੰਜਾਬ ਟਰੈਕਟਰ ਡੀਲਰ ਐਸੋਸੀਏਸ਼ਨ ਦੀ ਅਗਵਾਈ ਹੇਠ ਕੋਰ ਕਮੇਟੀ ਦੀ ਮੀਟਿੰਗ ਹੋਈ, ਜਿਸ ਵਿਚ ਫ਼ੈਸਲਾ ਕੀਤਾ ਗਿਆ ਕਿ 2 ਅਗਸਤ ਨੂੰ ਲੁਧਿਆਣਾ ਮਲੋਤਰਾ ਪੈਲਸ ਵਿਖੇ ਪੰਜਾਬ ਪੱਧਰ ਦੀ ਕਾਨਫ਼ਰੰਸ ਕੀਤੀ ਜਾਵੇਗੀ | ਮੁੱਖ ਮਹਿਮਾਨ ਵਜੋਂ ਸ੍ਰੀ ਲਾਲਜੀਤ ਸਿੰਘ ਭੁੱਲਰ ਟਰਾਂਸਪੋਰਟ ਮੰਤਰੀ ਪੰਜਾਬ ਸ਼ਿਰਕਤ ਕਰਨਗੇ ਅਤੇ ਹੋਰ ਵੀ ਸ਼ਖ਼ਸੀਅਤਾਂ ਇਸ ਪੰਜਾਬ ਪੱਧਰ ਦੇ ਸਮਾਗਮ ਵਿਚ ਪਹੰੁਚਣਗੀਆਂ | ਇਸ ਸਮਾਗਮ ਵਿਚ ਪਹੁੰਚ ਕੇ ਆਪਣੀਆਂ ਸਰਕਾਰ ਅਤੇ ਪ੍ਰਸ਼ਾਸਨਿਕ ਤੌਰ 'ਤੇ ਕੰਮਕਾਰ ਵਿਚ ਆ ਰਹੀਆਂ ਦਿੱਕਤਾਂ ਤੇ ਟੈਕਸ ਪ੍ਰਤੀ ਪ੍ਰੇਸ਼ਾਨੀਆਂ ਤੋਂ ਇਲਾਵਾ ਕਿਸਾਨ ਆਗੂਆਂ ਵਲੋਂ ਜੋ ਵੀ ਦਿੱਕਤਾਂ ਆ ਰਹੀਆਂ ਉਨ੍ਹਾਂ ਨੂੰ ਇਕ ਮੰਚ ਤੇ ਸਾਂਝਾ ਕੀਤਾ ਜਾਵੇ | ਇਸ ਮੀਟਿੰਗ ਵਿਚ ਜਸਵਿੰਦਰ ਸਿੰਘ ਕਾਕੜਾ, ਸੁਨਾਮ ਤੋਂ ਸੁਖਪਾਲ ਸਿੰਘ, ਮਲੇਰਕੋਟਲਾ ਤੋਂ ਸੋਨੂ ਬੰਸਲ ਖਜਾਨਚੀ ਅਤੇ ਸੰਗਰੂਰ ਤੋਂ ਹੋਰ ਡੀਲਰ ਮੌਜੂਦ ਸਨ |
