ਸੰਗਰੂਰ

ਸ਼ਮਸ਼ਾਨਘਾਟ ਦੇ ਲਾਕਰ 'ਚ ਰੱਖੀਆਂ ਮਿ੍ਤਕ ਅÏਰਤ ਦੀਆਂ ਅਸਥੀਆਂ ਹੋਈਆਂ ਗ਼ਾਇਬ, ਪ੍ਰਬੰਧਕਾਂ ਨੇ ਜ਼ਿੰਮੇਵਾਰੀ ਲੈਣ ਤੋਂ ਵੱਟਿਆ ਪਾਸਾ <br/>

ਅ

ਅਜੀਤ ਡੈਸਕ 20-07-2025

ਸੰਗਰੂਰ, 19 ਜੁਲਾਈ (ਦਮਨਜੀਤ ਸਿੰਘ)-ਸੰਗਰੂਰ ਦੇ ਉਭਾਵਾਲ ਰੋਡ ਸਥਿਤ ਸ਼ਮਸ਼ਾਨ ਘਾਟ ਵਿਚ ਅੱਜ ਚੜ੍ਹਦੀ ਸਵੇਰ ਉਸ ਸਮੇਂ ਹੰਗਾਮਾ ਹੋ ਗਿਆ ਜਦ ਸਥਾਨਕ ਅੰਬੇਡਕਰ ਨਗਰ ਦਾ ਵਸਨੀਕ ਇੱਕ ਪਰਿਵਾਰ ਆਪਣੀ ਪਰਿਵਾਰਕ ਮੈਂਬਰ ਦੀਆਂ 15 ਜੁਲਾਈ ਨੂੰ ਸ਼ਮਸ਼ਾਨ ਘਾਟ ਦੇ ਲਾਕਰ ਵਿਚ ਰੱਖੀਆਂ ਅਸਥੀਆਂ (ਫ਼ੁਲ) ਜਲ ਪ੍ਰਵਾਹ ਕਰਨ ਲਈ ਲੈਣ ਪਹੁੰਚੇ ਤਾਂ ਅੱਗੇ ਸ਼ਮਸ਼ਾਨ ਘਾਟ 'ਚ ਸਥਿਤ ਅਸਥੀਆਂ ਵਾਲਾ ਲਾਕਰ ਖੁੱਲ੍ਹਾਂ ਹੋਇਆ ਸੀ ਅਤੇ ਉਸ ਵਿਚ ਰੱਖੀਆਂ ਅਸਥੀਆਂ ਗ਼ਾਇਬ ਸਨ | ਪੀੜਤ ਪਰਿਵਾਰ ਦੇ ਮੈਂਬਰ ਸੁਨੀਲ ਕੁਮਾਰ ਨੇ ਦੱਸਿਆ ਕਿ 13 ਜੁਲਾਈ ਨੂੰ ਉਸ ਦੀ ਚਾਚੀ ਅਨੀਤਾ ਰਾਣੀ ਵਾਸੀ ਡਾ. ਅੰਬੇਡਕਰ ਨਗਰ ਦੀ ਮੌਤ ਹੋ ਗਈ ਸੀ ਜਿਸ ਦਾ 14 ਜੁਲਾਈ ਨੂੰ ਅੰਤਿਮ ਸੰਸਕਾਰ ਕਰਨ ਉਪਰੰਤ ਪਰਿਵਾਰ ਵਲੋਂ 15 ਜੁਲਾਈ ਨੂੰ ਫ਼ੁਲ (ਅਸਥੀਆਂ) ਚੁਗੇ ਗਏ ਸਨ | ਫ਼ੁਲ ਚੁਗਣ ਉਪਰੰਤ 15 ਨੂੰ ਹੀ ਸ਼ਮਸ਼ਾਨ ਘਾਟ ਦੇ ਫੁੱਲਾਂ ਵਾਲੇ ਕਮਰੇ ਵਿਚ ਬਣੇ 13 ਨੰਬਰ ਲਾਕਰ ਵਿਚ ਅਨੀਤਾ ਰਾਣੀ ਦੇ ਫ਼ੁਲ (ਅਸਥੀਆਂ) ਰੱਖ ਦਿੱਤੇ ਗਏ ਸਨ | ਸੁਨੀਲ ਕੁਮਾਰ ਨੇ ਦੱਸਿਆ ਕਿ ਅੱਜ ਜਦ ਉਨ੍ਹਾਂ ਦਾ ਪਰਿਵਾਰ ਆਪਣੀਆਂ ਧਾਰਮਿਕ ਰੀਤੀ ਰਿਵਾਜਾ ਅਨੁਸਾਰ ਅਨੀਤਾ ਰਾਣੀ ਦੇ ਫ਼ੁਲ ਜਲ ਪ੍ਰਵਾਹ ਕਰਨ ਲਈ ਸ਼ਮਸ਼ਾਨ ਘਾਟ ?'ਚੋ ਲੈਣ ਪਹੁੰਚੇ ਤਾਂ ਫੁੱਲਾਂ ਵਾਲੇ ਕਮਰੇ ਦਾ 13 ਨੰਬਰ ਲਾਕਰ ਜਿਸ ਵਿਚ ਉਨ੍ਹਾਂ ਨੇ ਫ਼ੁਲ ਰੱਖੇ ਸਨ, ਖੁੱਲ੍ਹਾ ਹੋਇਆ ਸੀ ਅਤੇ ਵਿਚ ਰੱਖਿਆ ਅਸਥੀਆਂ ਗ਼ਾਇਬ ਸਨ ਜਦ ਕਿ ਲਾਕਰ ਦੀ ਚਾਬੀ ਉਨ੍ਹਾਂ ਦੇ ਪਰਿਵਾਰ ਪਾਸ ਮੌਜੂਦ ਸੀ | ਸੁਨੀਲ ਕੁਮਾਰ ਨੇ ਦੱਸਿਆ ਕਿ ਜਦ ਮਾਮਲੇ ਸਬੰਧੀ ਉਨ੍ਹਾਂ ਵਲੋਂ ਸ਼ਮਸ਼ਾਨ ਘਾਟ 'ਚ ਮੌਜੂਦ ਪੰਡਿਤ ਪਾਸੋਂ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਕਿ ਫੁੱਲਾਂ ਸਬੰਧੀ ਸਾਡੀ ਕੋਈ ਜ਼ਿੰਮੇਵਾਰੀ ਨਹੀ |
ਸ਼ਮਸ਼ਾਨ ਘਾਟ ਦੇ ਪ੍ਰਬੰਧਕਾ ਤੱਕ ਗੱਲ ਪਹੁੰਚਾਈ ਤਾਂ ਉਨ੍ਹਾਂ ਦਾ ਕਹਿਣਾ ਸੀ ਕਿ ਉਹ ਸ਼ਮਸ਼ਾਨ ਘਾਟ ਦਾ ਪ੍ਰਬੰਧ ਚਲਾ ਕੇ ਲੋਕਾਂ ਦੀ ਸੇਵਾ ਕਰ ਰਹੇ ਹਨ | ਮਾਮਲਾ ਥਾਣੇ ਤੱਕ ਪਹੁੰਚਿਆ ਤਾਂ ਪ੍ਰਬੰਧਕਾਂ ਵਲੋਂ ਪਰਿਵਾਰ ਪਾਸੋਂ ਮੁਆਫ਼ੀ ਮੰਗਦਿਆਂ ਮਾਮਲਾ ਨਿਬੇੜਨ ਦੀ ਅਰਜ਼ ਕੀਤੀ |

ਪਿਛਲੀ ਖ਼ਬਰ ਕੈਬਨਿਟ ਮੰਤਰੀ ਅਮਨ ਅਰੋੜਾ ਨੇ ਵੱਖ-ਵੱਖ ਪਿੰਡਾਂ ਤੇ ਸ਼ਹਿਰਾਂ ਦੇ ਵਿਕਾਸ ਕਾਰਜਾਂ ਲਈ ਚੈੱਕ ਵੰਡੇ <br/> ਅਗਲੀ ਖ਼ਬਰ ਸ਼ਹੀਦ ਅਕਾਲੀ ਫੂਲਾ ਸਿੰਘ ਦੇ ਇਤਿਹਾਸ ਬਾਰੇ ਭਰਮ-ਭੁਲੇਖੇ ਪੈਦਾ ਕਰਨ ਵਾਲਿਆਂ ਖ਼ਿਲਾਫ਼ ਇੱਕਜੁੱਟ ਹੋਇਆ ਉਨ੍ਹਾਂ ਦਾ ਜੱਦੀ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਸ਼ਮਸ਼ਾਨਘਾਟ ਦੇ ਲਾਕਰ 'ਚ ਰੱਖੀਆਂ ਮਿ੍ਤਕ ਅÏਰਤ ਦੀਆਂ ਅਸਥੀਆਂ ਹੋਈਆਂ ਗ਼ਾਇਬ, ਪ੍ਰਬੰਧਕਾਂ ਨੇ ਜ਼ਿੰਮੇਵਾਰੀ ਲੈਣ ਤੋਂ ਵੱਟਿਆ ਪਾਸਾ <br/>

Subscribers Only Story

ਸੰਬੰਧਿਤ ਖ਼ਬਰਾਂ