ਮੋਗਾ, 6 ਨਵੰਬਰ (ਸੁਰਿੰਦਰਪਾਲ ਸਿੰਘ)-ਸ਼ਹਿਰ ਦੇ ਪ੍ਰਮੁੱਖ ਵਿੱਦਿਅਕ ਸੰਸਥਾ ਰਜਿੰਦਰਾ ਸੀਨੀਅਰ ਸੈਕੰਡਰੀ ਸਕੂਲ ਵਿਚ ਫੁੱਟਬਾਲ ਦਿਵਸ ਮਨਾਇਆ ਗਿਆ | ਇਸ ਮੌਕੇ ਸਕੂਲ ਡਾਇਰੈਕਟਰ ਸੀਮਾ ਸ਼ਰਮਾ, ਪ੍ਰਧਾਨ ਰਾਘਵ ਸ਼ਰਮਾ, ਪਿ੍ੰਸੀਪਲ ਅੰਜੂ ਜਿੰਦਲ ਤੇ ਸਾਰੇ ਅਧਿਆਪਕ ਵੀ ਮੌਜੂਦ ਸਨ | ਇਸ ਮੌਕੇ ਵਿਦਿਆਰਥੀਆਂ ਨੂੰ ਫੁੱਟਬਾਲ ਦੀ ਮਹੱਤਤਾ, ਟੀਮ ਵਰਕ ਤੇ ਸਰੀਰ ਦੀ ਤੰਦਰੁਸਤੀ ਬਾਰੇ ਜਾਗਰੂਕ ਕੀਤਾ ਗਿਆ | ਫੁੱਟਬਾਲ ਖੇਡਣ ਦੇ ਸਰੀਰ ਲਈ ਬਹੁਤ ਸਾਰੇ ਫ਼ਾਇਦੇ ਹਨ | ਇਹ ਇਕ ਉੱਚ ਤੀਬਰਤਾ ਵਾਲੀ ਖੇਡ ਹੈ ਜੋ ਦਿਲ ਦੀ ਪ੍ਰਣਾਲੀ ਨੂੰ ਮਜ਼ਬੂਤ ਬਣਾਉਂਦੀ ਹੈ | ਫੁੱਟਬਾਲ ਖੇਡਣ ਨਾਲ ਸਰੀਰ ਲਚਕਦਾਰ ਤੇ ਤੰਦਰੁਸਤ ਰਹਿੰਦਾ ਹੈ ਤੇ ਸਟੈਮਿਨਾ ਅਤੇ ਗਤੀ ਵੀ ਵਧਦੀ ਹੈ | ਬੱਚਿਆਂ ਵਿਚ ਲੀਡਰਸ਼ਿਪ ਗੁਣ ਵਿਕਸਤ ਹੁੰਦੇ ਹਨ | ਕਪਤਾਨਾਂ ਤੇ ਖਿਡਾਰੀਆਂ ਨੂੰ ਫ਼ੈਸਲੇ ਲੈਣ, ਟੀਮ ਨੂੰ ਸੰਭਾਲਣ ਅਤੇ ਮਾਰਗ ਦਰਸ਼ਨ ਕਰਨ ਲਈ ਸਿਖਾਇਆ ਜਾਂਦਾ ਹੈ |
