ਮਲੋਟ, 21 ਜੁਲਾਈ (ਪਾਟਿਲ)-ਬੀਤੇ ਦਿਨੀਂ ਨਿਪਾਲ ਵਿਖੇ ਇੰਡੋ ਨਿਪਾਲ ਇੰਟਰਨੈਸ਼ਨਲ ਡਾਂਸ ਮੁਕਾਬਲੇ 'ਚ ਮਲੋਟ ਵਾਸੀ ਇਸ਼ਮਨ ਪੁੱਤਰੀ ਦੀਪਕ ਕੁਮਾਰ ਅਰੋੜਾ ਨੇ ਮੁਕਾਬਲੇ ਵਿਚ ਜੇਤੂ ਰਹਿ ਕੇ ਮਲੋਟ ਦਾ ਨਾਂਅ ਚਮਕਾਇਆ ਹੈ | ਇਸ ਪ੍ਰਾਪਤੀ ਦੇ ਮੱਦੇਨਜ਼ਰ ਬੱਚੀ ਇਸ਼ਮਨ ਦੀ ਹੌਸਲਾ ਅਫ਼ਜਾਈ ਲਈ ਉਨ੍ਹਾਂ ਦੇ ਘਰ ਪਹੁੰਚ ਕੇ ਕੈਬਨਿਟ ਮੰਤਰੀ ਡਾ. ਬਲਜੀਤ ਕੌਰ ਨੇ ਸਨਮਾਨ ਕੀਤਾ ਅਤੇ ਭਵਿੱਖ ਲਈ ਸ਼ੁੱਭਕਾਮਨਾਵਾਂ ਦਿੱਤੀਆਂ | ਇਸ ਮੌਕੇ ਡਾ. ਬਲਜੀਤ ਕੌਰ ਨੇ ਮਾਪਿਆਂ ਦੀਪਕ ਕੁਮਾਰ ਤੇ ਮਾਤਾ ਮਨੀਸ਼ਾ ਨੂੰ ਵਧਾਈ ਦਿੱਤੀ | ਵਰਨਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸ਼ਿਮਲਾ ਵਿਖੇ ਹੋਏ ਮੁਕਾਬਲੇ ਦੌਰਾਨ ਨੈਸ਼ਨਲ ਪੱਧਰ 'ਤੇ ਇਸ਼ਮਨ ਨੇ ਮਲੋਟ ਦਾ ਨਾਂਅ ਚਮਕਾਇਆ ਸੀ ਅਤੇ ਹੁਣ ਨਿਪਾਲ ਵਿਚ ਵਧੀਆ ਡਾਂਸ ਪ੍ਰਦਰਸ਼ਨ ਕਰਦੇ ਹੋਏ ਮੁਕਾਬਲੇ ਵਿਚ ਜੇਤੂ ਰਹੀ | ਇਸ਼ਮਨ ਪੁੱਤਰੀ ਦੀਪਕ ਕੁਮਾਰ ਸੈਕਰਡ ਹਾਰਟ ਕਾਨਵੈਂਟ ਸਕੂਲ ਮਲੋਟ ਦੀ ਵਿਦਿਆਰਥਣ ਹੈ |