ਰਾਜਪੁਰਾ, 20 ਨਵੰਬਰ (ਰਣਜੀਤ ਸਿੰਘ)-ਇਥੋਂ ਦੇ ਇਕ ਬੈਂਕ ਦੇ ਏ. ਟੀ. ਐਮ. ਵਿਚ ਕਾਰਡ ਬਦਲ ਕੇ ਮੁੱਦਈ ਨਾਲ 80 ਹਜ਼ਾਰ ਦੀ ਠੱਗੀ ਮਾਰੀ ਗਈ ਹੈ | ਇਸ ਸੰਬੰਧੀ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ | ਇਸ ਸੰਬੰਧੀ ਪੁਲਿਸ ਨੂੰ ਸੁਭਾਸ਼ ਚੰਦਰ ਪੁੱਤਰ ਜਗਨ ਨਾਥ ਵਾਸੀ ਗਣੇਸ਼ ਨਗਰ ਨੇ ਦੱਸਿਆ ਕਿ ਗੁਰਦੁਆਰਾ ਰੋਡ 'ਤੇ ਬੈਂਕ ਦੇ ਏ. ਟੀ. ਐਮ. 'ਚੋਂ ਦੁਪਹਿਰ ਸਮੇਂ ਪੈਸੇ ਕਢਵਾਉਣ ਲਈ ਗਿਆ | ਏ. ਟੀ. ਐਮ. ਵਿਖੇ ਇਕ ਵਿਅਕਤੀ ਪਹਿਲਾਂ ਤੋਂ ਹੀ ਖੜ੍ਹਾ ਸੀ | ਸ਼ਿਕਾਇਤ ਮੁਤਾਬਿਕ ਏ. ਟੀ. ਐਮ. ਕਾਰਡ ਪਾਉਣ 'ਤੇ ਏ. ਟੀ. ਐਮ. ਨਹੀਂ ਚੱਲਿਆ | ਉਸ ਨਾ ਮਾਲੂਮ ਵਿਅਕਤੀ ਨੇ ਕਿਹਾ ਕਿ ਉਹ ਏ. ਟੀ. ਐਮ. ਚਲਾ ਦਿੰਦਾ ਹੈ | ਇਸ ਤੋਂ ਬਾਅਦ ਵੀ ਏ. ਟੀ. ਐਮ. ਨਹੀਂ ਚੱਲਿਆ | ਮੁੱਦਈ ਏ. ਟੀ. ਐਮ. ਲੈ ਕੇ ਘਰ ਚਲਾ ਗਿਆ | ਮੁੱਦਈ ਨੂੰ ਪਤਾ ਲੱਗਾ ਕਿ ਉਸ ਦੇ ਖਾਤੇ 'ਚੋਂ ਨਾ ਮਾਲੂਮ ਵਿਅਕਤੀ ਨੇ ਏ. ਟੀ. ਐਮ. ਬਦਲ ਕੇ 80 ਹਜ਼ਾਰ ਰੁਪਏ ਕਢਵਾ ਲਏ ਗਏ ਹਨ | ਇਸ ਸੰਬੰਧੀ ਪੁਲਿਸ ਨੇ ਉਸ ਨੋਸਰਬਾਜ਼ ਦੀ ਭਾਲ ਸ਼ੁਰੂ ਕਰ ਦਿਤੀ ਹੈ |
