19-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 21-07-2025

ਸਨੌਰ ਹਲਕੇ ਦੀਆਂ ਮੁਸ਼ਕਿਲਾਂ ਨਾ ਸੁਣਨ ਵਾਲਿਆਂ ਨੂੰ ਲੋਕ ਕਦੇ ਮਾਫ਼ ਨਹੀਂ ਕਰਨਗੇ : ਸਾਬਕਾ ਵਿਧਾਇਕ ਚੰਦੂਮਾਜਰਾ

ਸਾਬਕਾ ਵਿਧਾਇਕ ਹਰਿੰਦਰਪਾਲ ਸਿੰਘ ਚੰਦੂਮਾਜਰਾ ਸਨੌਰ ਹਲਕੇ 'ਚ 30 ਜੁਲਾਈ ਦੇ ਧਰਨੇ ਸੰਬੰਧੀ ਮੀਟਿੰਗ ਦੌਰਾਨ ਲੋਕਾਂ ਨੂੰ ਮਿਲਦੇ ਹੋਏ | ਤਸਵੀਰ : ਮੋਹਣ ਸਿੰਘ ਭੱਟੀ <br/> 21-07-2025
ਸਨੌਰ, 20 ਜੁਲਾਈ (ਮੋਹਣ ਸਿੰਘ ਭੱਟੀ)-ਸਨੌਰ ਹਲਕੇ ਤੋਂ ਸਾਬਕਾ ਵਿਧਾਇਕ ਹਰਿੰਦਰਪਾਲ ਸਿੰਘ ਚੰਦੂਮਾਜਰਾ ਨੇ ਹਲਕੇ ਦੇ ਪਿੰਡ ਭਾਂਖਰ ਵਿਖੇ ਲੋਕਾਂ ਦੀਆਂ ਸਮੱਸਿਆ ਸੁਣਨ ਤੋਂ ਬਾਅਦ ਆਮ ਆਦਮੀ ਪਾਰਟੀ ਦੀ ਪੰਜਾਬ ਸਰਕਾਰ ਨੂੰ ਚੁਨੌਤੀ ਦਿੰਦਿਆਂ 30 ਜੁਲਾਈ ਨੂੰ ਜੌੜੀਆਂ ਸੜਕਾਂ, ਸਨੌਰ ਵਿਖੇ ਰੋਸ ਧਰਨਾ ਦੇਣ ਦਾ ਐਲਾਨ ਕੀਤਾ ਹੈ | ਉਨ੍ਹਾਂ ਨੇ ਸਿੱਧੇ ਸ਼ਬਦਾਂ ਵਿਚ ਕਿਹਾ ਕਿ ਇਹ ਧਰਨਾ ਲੋਕਾਂ ਦੀਆਂ ਜ਼ਮੀਨੀ ਸਮੱਸਿਆਵਾਂ, ਟੁੱਟੀਆਂ ਸੜਕਾਂ, ਪੀੜਤ ਪਰਿਵਾਰਾਂ ਨੂੰ ਮੁਆਵਜ਼ੇ ਦੀ ਗ਼ੈਰਹਾਜ਼ਰੀ ਅਤੇ ਲੰਬੇ ਸਮੇਂ ਤੋਂ ਲੰਬਿਤ ਵਿਕਾਸ ਕਾਰਜਾਂ ਵਾਸਤੇ ਸਰਕਾਰ ਨੂੰ ਜਗਾਉਣ ਦਾ ਯਤਨ ਹੋਵੇਗਾ | ਉਨ੍ਹਾਂ ਦੱਸਿਆ ਕਿ ''ਡੇਢ ਸਾਲ ਤੋਂ ਸੜਕਾਂ, ਮੁਆਵਜ਼ਿਆਂ ਅਤੇ ਰੋਡ ਪ੍ਰੋਜੈਕਟਾਂ ਦੀਆਂ ਫਾਈਲਾਂ 'ਤੇ ਸਰਕਾਰੀ ਮਸ਼ੀਨਰੀ ਸਿਰਫ਼ ਪੈਸੇ ਆ ਗਏ, ਪੈਸੇ ਆ ਗਏ' ਦਾ ਰਟਾ ਲਾ ਰਹੀ ਹੈ ਪਰ ਜ਼ਮੀਨ 'ਤੇ ਕੋਈ ਕੰਮ ਨਹੀਂ ਹੋ ਰਿਹਾ |'' ਟੁੱਟੀਆਂ ਸੜਕਾਂ ਕਾਰਨ ਦੋ ਨੌਜਵਾਨਾਂ ਦੀ ਮੌਤ ਅਤੇ ਗੜੇਮਾਰ ਅਤੇ ਘੱਗਰ ਹੜ੍ਹ ਦੌਰਾਨ ਹੋਏ ਕਿਸਾਨਾਂ ਦੇ ਨੁਕਸਾਨ ਦਾ ਹਵਾਲਾ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਜੋ ਵਿਧਾਇਕ ਆਪਣੇ ਹੀ ਪਿੰਡਾਂ ਵਿਚ ਹੋਏ ਖ਼ਰਾਬੇ ਨੂੰ ਵਿਧਾਨ ਸਭਾ ਦੀ ਨੋਟਿੰਗ ਵਿਚ ਵੀ ਨਾ ਲਿਆ ਸਕਣ, ਉਹ ਲੋਕਾਂ ਲਈ ਕੀ ਲੜਨਗੇ | ਉਨ੍ਹਾਂ ਕਿਹਾ ਕਿ ਮਾਰਚ 'ਚ ਹੋਈ ਗੜੇ੍ਹਮਾਰੀ ਨਾਲ ਇਲਾਕੇ ਦੇ ਦਰਜਨਾਂ ਪਿੰਡਾਂ ਵਿਚ ਵੱਡਾ ਨੁਕਸਾਨ ਹੋਇਆ ਪਰ ਅਜੇ ਤੱਕ ਕਿਸੇ ਨੂੰ ਮੁਆਵਜ਼ਾ ਨਹੀਂ ਮਿਲਿਆ | ਚੰਦੂਮਾਜਰਾ ਨੇ ਮੰਗ ਕੀਤੀ ਕਿ ਜਿਨ੍ਹਾਂ ਅਧਿਕਾਰੀਆਂ ਦੀ ਅਣਗਹਿਲੀ ਕਾਰਨ ਕਿਸਾਨ ਮੁਕੱਦਰ ਦੇ ਮਾਰੇ ਬਣੇ, ਉਨ੍ਹਾਂ ਦੀਆਂ ਤਨਖ਼ਾਹਾਂ ਵਿਚੋਂ ਹੀ ਮੁਆਵਜ਼ਾ ਕੱਟਿਆ ਜਾਵੇ | ਚੰਦੂਮਾਜਰਾ ਨੇ ਸਪਸ਼ਟ ਕੀਤਾ ਕਿ 30 ਜੁਲਾਈ ਦਾ ਧਰਨਾ ਇਸ ਇਲਾਕੇ ਦੇ ਲੋਕਾਂ ਦੀ ਆਵਾਜ਼ ਬਣੇਗਾ ਅਤੇ ਜਵਾਬਦੇਹੀ ਲਈ ਸਰਕਾਰ ਨੂੰ ਮਜ਼ਬੂਰ ਕਰੇਗਾ | ਇਸ ਮੌਕੇ 'ਤੇ ਸਿਆਸੀ ਸਕੱਤਰ ਜਗਜੀਤ ਸਿੰਘ ਕੋਹਲੀ, ਗੁਰਮੁਖ ਸਿੰਘ ਸੁਹਾਗਹੇੜੀ, ਮੇਜਰ ਸਿੰਘ ਨਰਿੰਦਰ ਪਾਲ ਸਿੰਘ, ਖੁਸ਼ਵਿੰਦਰ ਪਾਲ ਸਿੰਘ, ਹਰਪ੍ਰੀਤ ਸਿੰਘ, ਸੁਖਦੀਪ ਸਿੰਘ, ਲਾਭ ਸਿੰਘ, ਕੁਲਦੀਪ ਸਿੰਘ, ਸੁਖਦੇਵ ਸਿੰਘ, ਸੁਖਵਿੰਦਰ ਸਿੰਘ ਸੁਖੀ, ਬਲਜੀਤ ਸਿੰਘ, ਅਮਰਜੀਤ ਸਿੰਘ, ਰਣਜੀਤ ਸਿੰਘ, ਭੋਲਾ ਸਿੰਘ ਭਾਂਖਰ, ਧਰਮਿੰਦਰ ਸਿੰਘ ਭਾਂਖਰ, ਵਿਨੋਦ ਸ਼ਰਮਾ ਭਾਂਖਰ, ਮੁਖ਼ਤਿਆਰ ਸਿੰਘ ਖੁੱਡਾ, ਸਰਕਲ ਪ੍ਰਧਾਨ ਜਸਬੀਰ ਸਿੰਘ ਲਲੀਨਾ, ਲਖਬੀਰ ਚੰਦ, ਜਸਵੀਰ ਸਿੰਘ ਲਲੀਣਾ, ਮਾ. ਅਜਮੇਰ ਸਿੰਘ ਸਰੁਸਤੀਗੜ, ਹਰਜੀਤ ਸਿੰਘ, ਲਖਬੀਰ ਸਿੰਘ, ਦੇਵੀ ਦਿਆਲ, ਮਨਦੀਪ ਸਿੰਘ ਕਰਨਪੁਰ, ਧਰਮਪਾਲ ਸਿੰਘ ਗਨੌਰ, ਮਲਕੀਤ ਸਿੰਘ ਬਲਮਗੜ, ਡਾ. ਬਲਵਿੰਦਰ ਸਿੰਘ ਖੁੱਡਾ, ਹਰਫੂਲ ਸਿੰਘ ਬੋਸਰ, ਜਗਦੀਸ਼ ਸਿੰਘ, ਬਲਦੇਵ ਸਿੰਘ ਨੰਬਰਦਾਰ ਕਾਨ੍ਹਾਹੇੜੀ, ਰਾਜਵਿੰਦਰ ਸਿੰਘ ਕਾਨ੍ਹਾਹੇੜੀ, ਸਵਰਨ ਸਿੰਘ ਭੁਲਾਖਾ, ਬਲਕਾਰ ਸਿੰਘ ਕਾਨ੍ਹਾਹੇੜੀ, ਰਵਿੰਦਰ ਸਿੰਘ ਭਾਂਖਰ, ਅਮਰਜੀਤ ਸਿੰਘ ਭਾਂਖਰ, ਵਿਨੋਦ ਸ਼ਰਮਾਂ ਭਾਂਖਰ ਸਮੇਤ ਵੱਡੀ ਗਿਣਤੀ 'ਚ ਅਕਾਲੀ ਵਰਕਰ ਮੌਜੂਦ ਸਨ |
ਪਿਛਲੀ ਖ਼ਬਰ ਜ਼ੋਨਲ ਖੇਡਾਂ ਲਈ ਭਾਦਸੋਂ ਜ਼ੋਨ ਦੀ ਮੀਟਿੰਗ ਹੋਈ ਅਗਲੀ ਖ਼ਬਰ ਐੱਸ.ਆਰ.ਐੱਸ. ਵਿਦਿਆਪੀਠ 'ਚ ਮਨਾਇਆ ਵਣ-ਮਹਾਂਉਤਸਵ - ਗੁਰਸ਼ਰਨ ਕੌਰ ਰੰਧਾਵਾ ਨੇ ਲਗਾਇਆ ਬੂਟਾ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।