ਚੰਡੀਗੜ੍ਹ ਨਗਰ ਨਿਗਮ ਹਾਊਸ ਦੀ ਬੈਠਕ 'ਚ ਭਾਰੀ ਹੰਗਾਮਾ
ਅਜੀਤ ਡੈਸਕ
04-11-2025
ਡੋਰ ਟੂ ਡੋਰ ਕੂੜਾ ਉਠਾਉਣ ਦੇ ਐਮ. ਓ. ਯੂ. ਨੂੰ ਮਿਲੀ ਮਨਜ਼ੂਰੀ
ਨਿਗਮ ਹਾਊਸ ਦੀ ਮੀਟਿੰਗ ਦੌਰਾਨ ਸ਼ਹਿਰ 'ਚ ਡੋਰ ਟੂ ਡੋਰ ਕੂੜਾ ਚੁੱਕਣ ਵਾਲੀ ਕੰਪਨੀ ਨਾਲ ਐਮ. ਓ. ਯੂ. ਨੂੰ ਅੰਤਿਮ ਮਨਜ਼ੂਰੀ ਦਿੱਤੀ ਗਈ | ਇਸ ਪ੍ਰਸਤਾਵ 'ਤੇ ਕਾਫ਼ੀ ਸਮੇਂ ਤੋਂ ਚਰਚਾ ਚੱਲ ਰਹੀ ਸੀ | ਨਿਗਮ ਅਧਿਕਾਰੀਆਂ ਨੇ ਦੱਸਿਆ ਕਿ ਕੂੜਾ ਚੁੱਕਣ ਵਾਲਿਆਂ, ਕੰਪਨੀ ਕਰਮਚਾਰੀਆਂ ਤੇ ਸ਼ਹਿਰ ਵਾਸੀਆਂ ਦੇ ਹਿੱਤਾਂ ਨੂੰ ਧਿਆਨ 'ਚ ਰੱਖ ਕੇ ਨਵੇਂ ਨਿਯਮ ਬਣਾਏ ਗਏ ਹਨ |
ਇਸ ਮੁੱਦੇ 'ਤੇ ਭਾਜਪਾ ਕੌਂਸਲਰ ਜਸਮਨਪ੍ਰੀਤ ਸਿੰਘ ਨੇ ਸਵਾਲ ਉਠਾਇਆ ਕਿ ਕੰਪਨੀ ਵਲੋਂ ਹਰ ਮੰਜ਼ਿਲ ਤੋਂ ਕੂੜਾ ਚੁੱਕਣ ਦੀ ਗੱਲ ਕੀਤੀ ਗਈ ਸੀ ਪਰ ਅਜਿਹਾ ਨਹੀਂ ਕੀਤਾ ਜਾ ਰਿਹਾ | ਇਸ 'ਤੇ ਨਿਗਮ ਅਧਿਕਾਰੀ ਇੰਦਰਦੀਪ ਕੌਰ ਨੇ ਕਿਹਾ ਕਿ ਜੇ ਕਿਸੇ ਵਰਕਰ ਨੇ ਦੂਜੇ ਜਾਂ ਤੀਜੇ ਮੰਜ਼ਿਲ ਤੋਂ ਕੂੜਾ ਨਹੀਂ ਚੁੱਕਿਆ ਤਾਂ ਉਸ 'ਤੇ ਜੁਰਮਾਨਾ ਲਗਾਇਆ ਜਾਵੇਗਾ |
ਡਿਪਟੀ ਮੇਅਰ ਤਰੁਣਾ ਮਹਿਤਾ ਨੇ ਵੀ ਮੁੱਦਾ ਚੁੱਕਦਿਆਂ ਕਿਹਾ ਕਿ ਕੂੜਾ ਚੁੱਕਣ ਵਾਲੇ ਘਰਾਂ 'ਚ ਵੱਖ-ਵੱਖ ਕਿਸਮ ਦਾ ਕੂੜਾ ਵੰਡਣ ਦੀ ਬਜਾਏ ਥੈਲੇ ਭਰਕੇ ਰੱਖ ਰਹੇ ਹਨ | ਇਸ 'ਤੇ ਅਧਿਕਾਰੀ ਨੇ ਜਵਾਬ ਦਿੱਤਾ ਕਿ ਇਸ ਤਰ੍ਹਾਂ ਦੀ ਲਾਪ੍ਰਵਾਹੀ 'ਤੇ 500 ਦਾ ਜੁਰਮਾਨਾ ਤੇ ਪੰਜ ਵਾਰ ਗ਼ਲਤੀ 'ਤੇ ਟਰਮੀਨੇਸ਼ਨ ਦੀ ਕਾਰਵਾਈ ਹੋਵੇਗੀ |
ਸਫ਼ਾਈ ਦੇ ਟੈਂਡਰਾਂ 'ਚ ਤਬਦੀਲੀ 'ਤੇ ਵਿਰੋਧ
ਮੀਟਿੰਗ ਦੌਰਾਨ ਸ਼ਹਿਰ ਦੀ ਸਫ਼ਾਈ ਲਈ ਨਵੀਂ ਕੰਪਨੀ ਨੂੰ ਠੇਕਾ ਦੇਣ ਦੇ ਟੈਂਡਰ ਸ਼ਰਤਾਂ ਵਿਚ ਤਬਦੀਲੀ ਨੂੰ ਲੈ ਕੇ ਕੌਂਸਲਰਾਂ ਨੇ ਕੜਾ ਵਿਰੋਧ ਕੀਤਾ | ਉਨ੍ਹਾਂ ਕਿਹਾ ਕਿ ਬੈਂਕ ਗਾਰੰਟੀ ਦੀ ਥਾਂ ਫ਼ਿਕਸ ਡਿਪਾਜ਼ਿਟ (ਐਫ਼. ਡੀ.) ਮੰਗੀ ਗਈ ਹੈ ਤੇ ਇਸ ਦੀ ਮਨਜ਼ੂਰੀ ਸਦਨ ਤੋਂ ਨਹੀਂ ਲਈ ਗਈ | ਵਿਵਾਦ ਵੱਧਣ 'ਤੇ ਸੀਨੀਅਰ ਡਿਪਟੀ ਮੇਅਰ ਜਸਬੀਰ ਬੰਟੀ, ਡਿਪਟੀ ਮੇਅਰ ਤਰੁਣਾ ਮਹਿਤਾ, ਭਾਜਪਾ ਕੌਂਸਲਰ ਗੁਰਬਖ਼ਸ਼ ਰਾਵਤ ਆਦਿ ਨੇ ਇਸ ਨੂੰ ਗੰਭੀਰ ਮਾਮਲਾ ਦੱਸਿਆ ਅਤੇ ਕਿਹਾ ਕਿ
(ਬਾਕੀ ਸਫ਼ਾ 8 'ਤੇ)
