ਚੰਡੀਗੜ੍ਹ / ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ

ਚੰਡੀਗੜ੍ਹ ਦੀ ਸ਼ਾਖਾ (ਆਈ.ਸੀ.ਏ.ਆਈ) ਨੇ ਆਡਿਟ ਗੁਣਵੱਤਾ ਨੂੰ ਵਧਾਉਣ ਲਈ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ <br/>

ਇੰਸਟੀਚਿਊਟ ਆਫ਼ ਚਾਰਟਰਡ ਅਕਾਊਾਟੈਂਟਸ ਆਫ਼ ਇੰਡੀਆ ਵਲੋਂ ਕਰਵਾਏ ਸੈਮੀਨਾਰ ਨੂੰ ਸੰਬੋਧਨ ਕਰਦੇ ਹੋਏ ਲੋਕ ਸਭਾ ਮੈਂਬਰ ਮਨੀਸ਼ ਤਿਵਾੜੀ | ਤਸਵੀਰ : ਕਮਲਜੀਤ ਸਿੰਘ <br/> 20-07-2025

ਚੰਡੀਗੜ੍ਹ, 19 ਜੁਲਾਈ (ਮਾਰਕੰਡਾ)-ਇੰਸਟੀਚਿਊਟ ਆਫ਼ ਚਾਰਟਰਡ ਅਕਾਊਾਟੈਂਟਸ ਆਫ਼ ਇੰਡੀਆ (ਆਈ.ਸੀ.ਏ.ਆਈ) ਦੀ ਚੰਡੀਗੜ੍ਹ ਸ਼ਾਖਾ ਨੇ ਹੋਟਲ ਸ਼ਿਵਾਲਿਕ ਵਿਊ ਸੈਕਟਰ 17 ਵਿਖੇ ਗੈਰ-ਕਾਰਪੋਰੇਟ ਸੰਸਥਾਵਾਂ ਲਈ ਆਡਿਟ ਗੁਣਵੱਤਾ ਨੂੰ ਵਧਾਉਣਾ ਲਈ ਇਕ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ ਗਿਆ | ਜਿਸ ਵਿਚ ਚੇਅਰਮੈਨ ਪ੍ਰਮੋਦ ਵਤਸ ਅਤੇ ਪ੍ਰੋਗਰਾਮ ਕੋਆਰਡੀਨੇਟਰ ਰਚਿਤ ਗੋਇਲ ਨੇ ਦੱਸਿਆ ਕਿ ਇਹ ਪ੍ਰੋਗਰਾਮ ਵਿਸ਼ੇਸ਼ ਤੌਰ 'ਤੇ ਮਾਲਕੀ, ਭਾਈਵਾਲੀ ਫ਼ਰਮਾਂ ਅਤੇ ਐਲ.ਐਲ.ਪੀ ਲਈ ਤਿਆਰ ਕੀਤਾ ਗਿਆ ਹੈ | ਲੋਕ ਸਭਾ ਮੈਂਬਰ ਮਨੀਸ਼ ਤਿਵਾੜੀ ਸੈਮੀਨਾਰ 'ਚ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ | ਰਾਸ਼ਟਰ ਨਿਰਮਾਣ 'ਚ ਸੀ.ਏ ਭਾਈਚਾਰੇ ਦੀ ਭੂਮਿਕਾ ਨੂੰ ਮਹੱਤਵਪੂਰਨ ਦੱਸਦਿਆਂ, ਉਨ੍ਹਾਂ ਪਾਰਦਰਸ਼ਤਾ ਅਤੇ ਗੁਣਵੱਤਾ ਆਡਿਟ ਪ੍ਰਣਾਲੀ ਦੀ ਜ਼ਰੂਰਤ 'ਤੇ ਜ਼ੋਰ ਦਿੱਤਾ | ਸੈਮੀਨਾਰ 'ਚ ਸੀ.ਏ ਪ੍ਰਮੋਦ ਜੈਨ (ਕਨਵੀਨਰ, ਸੈਂਟਰ ਫ਼ਾਰ ਆਡਿਟ ਕੁਆਲਿਟੀ), ਸੀ.ਏ ਵਿਸ਼ਾਲ ਦੋਸ਼ੀ (ਡਿਪਟੀ ਕਨਵੀਨਰ), ਸੀ.ਏ ਪਰਮੋਦ ਕੁਮਾਰ ਵਤਸ (ਚੇਅਰਮੈਨ, ਚੰਡੀਗੜ੍ਹ ਸ਼ਾਖਾ) ਅਤੇ ਸੀ.ਏ ਰਚਿਤ ਗੋਇਲ (ਪ੍ਰੋਗਰਾਮ ਕੋਆਰਡੀਨੇਟਰ) ਸ਼ਾਮਲ ਹੋਏ | ਇਸ 'ਚ ਆਡਿਟ ਕੁਆਲਿਟੀ ਲਈ ਕੇਂਦਰ ਨਾਲ ਜਾਣ-ਪਛਾਣ, ਆਡਿਟ ਗੁਣਵੱਤਾ ਨੂੰ ਵਧਾਉਣ ਲਈ ਉਪਯੋਗੀ ਅÏਜ਼ਾਰ ਅਤੇ ਉਪਯੋਗਤਾਵਾਂ, ਗੈਰ-ਕਾਰਪੋਰੇਟ ਸੰਸਥਾਵਾਂ ਦੀ ਵਿੱਤੀ ਰਿਪੋਰਟਿੰਗ 'ਚ ਸੁਧਾਰ, ਟੈਕਸ ਆਡਿਟ ਦੇ ਗੁੰਝਲਦਾਰ ਪਹਿਲੂਆਂ 'ਤੇ ਚਰਚਾ ਕੀਤੀ ਗਈ | ਪ੍ਰੋਗਰਾਮ ਨੂੰ ਦੋ ਸੈਸ਼ਨਾਂ ਵਿਚ ਵੰਡਿਆ ਗਿਆ | ਪਹਿਲੇ ਸੈਸ਼ਨ ਦੇ ਮੁੱਖ ਬੁਲਾਰੇ ਸੀਏ ਪ੍ਰਮੋਦ ਜੈਨ, ਸੀ.ਏ ਅਨਿਲ ਕੱਕੜ, ਸੀ.ਏ ਵਿਸ਼ਾਲ ਪੁਰੀ ਸਨ ਅਤੇ ਦੂਜੇ ਸੀਜ਼ਨ 'ਚ ਸੀ.ਏ ਪੰਕਜ ਸ਼ਾਹ, ਸੀ.ਏ ਰਾਜੀਵ ਖੁਰਾਨਾ, ਸੀਏ ਆਲੋਕ ਕਿ੍ਸ਼ਨਾ ਸਨ | ਇਸ ਪ੍ਰੋਗਰਾਮ 'ਚ ਵੱਡੀ ਗਿਣਤੀ ਵਿਚ ਸੀ.ਏ ਮੈਂਬਰ ਸ਼ਾਮਲ ਹੋਏ |

ਪਿਛਲੀ ਖ਼ਬਰ ਪਿੰਡ ਸ਼ਿੰਗਾਰੀਵਾਲ ਵਿਖੇ 'ਯੁੱਧ ਨਸ਼ਿਆਂ ਵਿਰੁੱਧ' ਮੁਹਿੰਮ ਤਹਿਤ ਵਸਨੀਕਾਂ ਨੂੰ ਕੀਤਾ ਜਾਗਰੂਕ <br/> ਅਗਲੀ ਖ਼ਬਰ ਚੰਡੀਗੜ੍ਹ 'ਚ ਲੱਗੇ ਖ਼ੂਨਦਾਨ ਕੈਂਪ 'ਚ ਖ਼ੂਨਦਾਨੀ ਉਤਸ਼ਾਹ ਨਾਲ ਪੁੱਜੇ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਚੰਡੀਗੜ੍ਹ ਦੀ ਸ਼ਾਖਾ (ਆਈ.ਸੀ.ਏ.ਆਈ) ਨੇ ਆਡਿਟ ਗੁਣਵੱਤਾ ਨੂੰ ਵਧਾਉਣ ਲਈ ਵਿਸ਼ੇਸ਼ ਸੈਮੀਨਾਰ ਕਰਵਾਇਆ <br/>

Subscribers Only Story

ਸੰਬੰਧਿਤ ਖ਼ਬਰਾਂ