ਤਰਨ ਤਾਰਨ, 24 ਦਸੰਬਰ (ਪਰਮਜੀਤ ਜੋਸ਼ੀ)- ਜ਼ਿਲ੍ਹਾ ਤਰਨ ਤਾਰਨ ਅਧੀਨ ਪੈਂਦੇ ਥਾਣਾ ਵੈਰੋਂਵਾਲ ਦੀ ਪੁਲਿਸ ਨੇ ਘਰ ਵਿਚੋਂ ਨਗਦੀ ਅਤੇ ਸਮਾਨ ਚੋਰੀ ਕਰਨ ਦੇ ਮਾਮਲੇ ਵਿਚ ਇਕ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਉਸ ਨੂੰ ਗਿ੍ਫ਼ਤਾਰ ਕਰ ਲਿਆ ਹੈ | ਥਾਣਾ ਵੈਰੋਂਵਾਲ ਵਿਖੇ ਮੁਖਤਾਰ ਸਿੰਘ ਪੁੱਤਰ ਕੁੰਦਨ ਸਿੰਘ ਵਾਸੀ ਨਾਗੋਕੇ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ 10 ਦਸੰਬਰ ਨੂੰ ਉਹ ਆਪਣੀ ਦਵਾਈ ਲੈਣ ਵਾਸਤੇ ਬਿਆਸ ਗਿਆ ਸੀ | 11 ਦਸੰਬਰ ਨੂੰ ਜਦੋਂ ਉਹ ਆਪਣੇ ਘਰ ਵਾਪਿਸ ਆਇਆ ਤਾਂ ਦੇਖਿਆ ਕਿ ਸਾਡੇ ਘਰ ਸਾਰਾ ਸਮਾਨ ਖਿਲ਼ਰਿਆ ਹੋਇਆ ਸੀ ਤਾਂ ਅਸੀਂ ਆਪਣੇ ਸੀ.ਸੀ.ਟੀ.ਵੀ ਕੈਮਰੇ ਚੈਕ ਕੀਤੇ ਤਾਂ ਕੋਈ ਅਣਪਛਾਤਾ ਵਿਅਕਤੀ ਸਾਡੇ ਘਰ ਅੰਦਰ ਦਾਖਲ਼ ਹੋ ਕੇ ਸਾਡੇ ਘਰ ਤੋਂ 1 ਵਾਲੀਆਂ ਦਾ ਸੈਟ ਸੋਨਾ ਵਜਨ ਕਰੀਬ ਢਾਈ ਗ੍ਰਾਮ, 1 ਸੈਟ ਟੋਪਸ ਲੇਡੀਜ਼ ਵਜਨ ਢਾਈ ਗ੍ਰਾਮ, 3 ਲੇਡੀਜ ਛਾਪਾ ਵਜਨ ਕਰੀਬ 2/2 ਗ੍ਰਾਮ ਕੁੱਲ 06 ਗ੍ਰਾਮ, 3 ਲੇਡੀਜ ਘੜੀਆ, 2 ਜੈਂਟਸ ਘੜੀਆ ਕੁੱਲ 5 ਘੜੀਆ, ਇਕ ਐੱਲ.ਸੀ.ਡੀ 32 ਇੰਚ ਚੋਰੀ ਕਰਕੇ ਲੈ ਗਿਆ | ਸਾਨੂੰ ਪਤਾ ਲੱਗਾ ਕਿ ਸਾਡੇ ਘਰੋੋਂ ਚੋਰੀ ਮੰਗਲ ਸਿੰਘ ਉਰਫ ਮੰਗਾ ਪੁੱਤਰ ਮੱਘਰ ਸਿੰਘ ਵਾਸੀ ਪੱਤੀ ਫੱਲਿਆ ਦੀ ਖਡੂਰ ਸਾਹਿਬ ਨੇ ਕੀਤੀ ਹੈ | ਜਾਂਚ ਅਧਿਕਾਰੀ ਏ.ਐੱਸ.ਆਈ. ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਉਪਰੰਤ ਉਕਤ ਵਿਅਕਤੀ ਨੂੰ ਗਿ੍ਫ਼ਤਾਰ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
