ਪਦਉੱਨਤ ਲੈਕਚਰਾਰਾਂ ਨੂੰ ਸਟੇਸ਼ਨ ਚੋਣ ਦੌਰਾਨ ਧਾਂਦਲੀ ਹੋਣ ਦਾ ਖਦਸ਼ਾ <br/>
ਅਜੀਤ ਡੈਸਕ
23-09-2025
ਸਟੇਸ਼ਨ ਚੋਣ ਕਰਨ ਲਈ ਸਮੂਹ ਯੋਗ ਉਮੀਦਵਾਰਾਂ ਵਲੋਂ 24 ਸਤੰਬਰ ਨੂੰ ਸੰਬੰਧਿਤ ਜ਼ਿਲ੍ਹਾ ਸਿੱਖਿਆ ਅਫਸਰ ਦਫਤਰ ਵਿਖੇ ਆਪਣੀ ਹਾਜ਼ਰੀ ਦੇਣ ਲਈ ਕਿਹਾ ਗਿਆ ਹੈ ਉਪਰੰਤ ਉਨ੍ਹਾਂ ਨੂੰ ਸਟੇਸ਼ਨ ਚੋਣ ਕਰਨ ਲਈ ਲੋੜੀਂਦਾ ਫਾਰਮ ਜ਼ਿਲ੍ਹਾ ਸਿੱਖਿਆ ਅਫਸਰ ਵਲੋਂ ਮੁਹੱਈਆ ਕਰਵਾਇਆ ਜਾਵੇਗਾ, ਜਿਸ 'ਚ ਜਾਰੀ ਕੀਤੀ ਗਈ ਵੈਕੰਸੀ ਲਿਸਟ 'ਚੋਂ ਉਮੀਦਵਾਰ ਆਪੋ ਆਪਣਾ ਸਟੇਸ਼ਨ ਦੀਆਂ ਆਪਸ਼ਨਾਂ ਉਸ ਫਾਰਮ 'ਚ ਭਰ ਕੇ ਦੇਣਗੇ ਉਪਰੰਤ ਇਨ੍ਹਾਂ ਵੇਰਵਿਆਂ ਨੂੰ ਜ਼ਿਲ੍ਹਾ ਸਿੱਖਿਆ ਅਫਸਰਾਂ ਨੂੰ ਤਸਦੀਕ ਕਰਕੇ ਵਿਭਾਗ ਵਲੋਂ ਦਿੱਤੇ ਗੂਗਲ ਲਿੰਕ ਉੱਪਰ ਅਪਲੋਡ ਕਰਨਾ ਹੋਵੇਗਾ | ਉਨ੍ਹਾਂ ਕਿਹਾ ਕਿ ਸਿੱਖਿਆ ਵਿਭਾਗ ਵਲੋਂ ਇਸ ਸਾਲ ਕੀਤੀਆਂ ਗਈਆਂ ਬਦਲੀਆਂ 'ਚ ਅਧਿਆਪਕਾਂ ਵਲੋਂ ਦਿੱਤੇ ਗਏ ਸਟੇਸ਼ਨ ਚੋਇਸ ਦੇਣ ਤੋਂ ਬਾਅਦ ਕਈ ਉਮੀਦਵਾਰਾਂ ਨੂੰ ਉਨ੍ਹਾਂ ਦੇ ਬਣਦੇ ਮੈਰਿਟ ਅਨੁਸਾਰ ਸਟੇਸ਼ਨ ਨਹੀਂ ਮਿਲੇ ਸਨ, ਇਸ ਕਰਕੇ ਲੈਕਚਰਾਰਾਂ ਦੇ ਮਨਾਂ 'ਚ ਖਦਸ਼ਾ ਹੈ ਕਿ ਉਨ੍ਹਾਂ ਵਲੋਂ ਭਰ ਕੇ ਦਿੱਤੇ ਗਏ ਇਨ੍ਹਾਂ ਆਪਸ਼ਨਾਂ 'ਚੋਂ ਉਨ੍ਹਾਂ ਦੀ ਬਣਦੀ ਮੈਰਿਟ ਅਨੁਸਾਰ ਕੀ ਲੜੀਵਾਰ ਭਰ ਕੇ ਦਿੱਤੀਆਂ ਗਈਆਂ ਆਪਸ਼ਨਾਂ ਅਨੁਸਾਰ ਸਟੇਸ਼ਨ ਦਿੱਤੇ ਜਾਣਗੇ | ਇਸ ਦੌਰਾਨ ਪਦਉਨਤ ਲੈਕਚਰਾਰ ਫਰੰਟ ਵਲੋਂ ਮੰਗ ਕੀਤੀ ਗਈ ਕਿ ਸਮੂਹ ਯੋਗ ਉਮੀਦਵਾਰਾਂ ਨੂੰ ਪਾਰਦਰਸ਼ੀ ਢੰਗ ਦੇ ਨਾਲ ਪਹਿਲਾਂ ਵਾਂਗ ਮੈਰਿਟ ਦੇ ਅਧਾਰ 'ਤੇ ਮੁੱਖ ਦਫਤਰ ਵਿਖੇ ਬੁਲਾ ਕੇ ਸਟੇੇਸ਼ਨ ਚੋਣ ਕਰਵਾਈ ਜਾਵੇ ਅਤੇ ਦਿੱਤੀਆਂ ਗਈਆਂ ਆਪਸ਼ਨਾਂ 'ਚੋਂ ਪਹਿਲੇ ਨੰਬਰ ਤੇ ਦਿੱਤੀ ਗਈ ਆਪਸ਼ਨ ਜੇ ਖਾਲੀ ਹੈ ਤਾਂ ਉਸੇ ਆਪਸ਼ਨ ਦਾ ਸਟੇਸ਼ਨ ਅਲਾਟ ਕੀਤਾ ਜਾਵੇ | ਉਨ੍ਹਾਂ ਇਹ ਮੰਗ ਕੀਤੀ ਕਿ ਉਕਤ ਅਸਾਮੀਆਂ ਦੇ ਪੂਰੇ ਪੰਜਾਬ 'ਚ ਖਾਲੀ ਸਟੇਸ਼ਨ ਜਨਤਕ ਕੀਤੇ ਜਾਣ |
