ਅੰਮਿ੍ਤਸਰ, 19 ਜੁਲਾਈ (ਗਗਨਦੀਪ ਸ਼ਰਮਾ)-ਰੋਟਰੀ ਕਲੱਬ ਅੰਮਿ੍ਤਸਰ ਸਾਊਥ-ਈਸਟ ਵਲੋਂ ਪ੍ਰਧਾਨ ਇੰਜੀਨੀਅਰ ਐੱਸ. ਪੀ. ਸਿੰਘ (ਆਲ ਇੰਡੀਆ ਰੇਡੀਓ) ਦੀ ਅਗਵਾਈ ਅਤੇ ਚੀਫ਼ ਜ਼ਿਲ੍ਹਾ ਸਲਾਹਕਾਰ ਰੋਟੇਰੀਅਨ ਪੀ. ਐੱਸ. ਗਰੋਵਰ ਦੀ ਰਹਿਨੁਮਾਈ ਹੇਠ ਸਥਾਨਕ ਅਮਨਦੀਪ ਮੈਡੀਸਿਟੀ ਹਸਪਤਾਲ, ਨਜ਼ਦੀਕ ਨਾਵਲਟੀ ਚੌਂਕ ਵਿਖੇ ਮੁਫ਼ਤ ਮੈਡੀਕਲ ਕੈਂਪ ਲਗਾਇਆ ਗਿਆ, ਜਿਸ ਵਿਚ ਇਲਾਕੇ ਦੇ ਵੱਡੀ ਗਿਣਤੀ ਵਿਚ ਰਹਿਣ ਵਾਲੇ ਲੋਕਾਂ ਨੇ ਭਾਗ ਲਿਆ | ਇਸ ਕੈਂਪ ਦੌਰਾਨ ਸੰਬੰਧਿਤ ਹਸਪਤਾਲ ਦੇ ਤਜਰਬੇਕਾਰ ਡਾਕਟਰਾਂ ਅਤੇ ਪੈਰਾਮੈਡੀਕਲ ਟੀਮ ਨੇ ਲੋਕਾਂ ਦਾ ਮੁਫ਼ਤ ਚੈਕਅਪ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਸਿਹਤ ਤੰਦਰੁਸਤ ਰੱਖਣ ਸੰਬੰਧੀ ਅਹਿਣ ਜਾਣਕਾਰੀ ਮੁਹੱਈਆ ਵੀ ਕਰਵਾਈ | ਪ੍ਰਧਾਨ ਇੰਜੀ. ਐੱਸ. ਪੀ. ਸਿੰਘ ਏ. ਆਈ. ਆਰ. ਨੇ ਕਿਹਾ ਕਿ ਭਵਿੱਖ 'ਚ ਅਜਿਹੇ ਮੈਡੀਕਲ ਕੈਂਪਾਂ ਤੋਂ ਇਲਾਵਾ ਸਮਾਜ ਭਲਾਈ ਦੇ ਕੰਮਾਂ ਸੰਬੰਧੀ ਵੱਖ-ਵੱਖ ਗਤੀਵਿਧੀਆਂ ਕਰਵਾਈਆਂ ਜਾਣਗੀਆਂ | ਇਸ ਮੌਕੇ ਸਕੱਤਰ ਰੋਟੇਰੀਅਨ ਕੇ. ਕੇ. ਢੰਡ, ਆਈ. ਪੀ. ਪੀ. ਰੋਟੇਰੀਅਨ ਡਾ. ਅਤੁਲ ਸ਼ਰਮਾ, ਰੋਟੇਰੀਅਨ ਪਦਮਜੀਤ ਸਿੰਘ, ਰੋਟੇਰੀਅਨ ਸੁਰਜੀਤ ਸਿੰਘ, ਰੋਟੇਰੀਅਨ ਹਰਜਿੰਦਰ ਸਿੰਘ ਬੱਗਾ, ਰੋਟੇਰੀਅਨ ਡਾ. ਪਰਸ਼ੋਤਮ, ਰੋਟੇਰੀਅਨ ਰਵਿੰਦਰ ਸਿੰਘ, ਰੋਟੇਰੀਅਨ ਸ਼ਮਸ਼ੇਰ ਬਹਾਦਰ ਸਿੰਘ, ਰੋਟੇਰੀਅਨ ਵਰਿੰਦਰ ਕੌਰ ਮਾਣਕ ਆਦਿ ਵੀ ਹਾਜ਼ਰ ਸਨ |
