ਧਾਰੀਵਾਲ, 26 ਦਸੰਬਰ (ਸਵਰਨ ਸਿੰਘ)- ਭਾਜਪਾ ਮੰਡਲ ਧਾਰੀਵਾਲ ਦੀ ਇਕ ਵਿਸ਼ੇਸ਼ ਮੀਟਿੰਗ ਮੰਡਲ ਪ੍ਰਧਾਨ ਸ੍ਰੀ ਅਮਿਤ ਸੂਦ ਦੀ ਪ੍ਰਧਾਨਗੀ ਹੇਠ ਹੋਈ | ਇਸ ਵਿਚ ਭਾਜਪਾ ਮੰਡਲ ਦੇ ਸਾਰੇ ਵਰਕਰਾਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ | ਇਸ ਮੌਕੇ ਸਾਰੇ ਵਰਕਰਾਂ ਨਾਲ ਵਿਚਾਰ-ਵਟਾਂਦਰਾ ਕਰਨ ਤੋਂ ਬਾਅਦ ਮੰਡਲ ਪ੍ਰਧਾਨ ਨੇ ਕਿਹਾ ਕਿ ਭਾਜਪਾ ਸਾਰੇ 13 ਵਾਰਡਾਂ ਵਿਚ ਨਗਰ ਨਿਗਮ ਚੋਣਾਂ ਪੂਰੀ ਤਾਕਤ ਨਾਲ ਲੜੇਗੀ ਅਤੇ ਜਿੱਤੇਗੀ | ਉਨ੍ਹਾਂ ਕਿਹਾ ਕਿ ਸਾਰੇ ਵਰਕਰ ਬਹੁਤ ਉਤਸ਼ਾਹਿਤ ਹਨ ਤੇ ਨਗਰ ਨਿਗਮ ਚੋਣਾਂ ਇਕੱਲੇ ਲੜਾਂਗੇ | ਇਸ ਮੌਕੇ ਸਾਬਕਾ ਮੰਡਲ ਪ੍ਰਧਾਨ ਜੋਤੀ ਮਹਾਜਨ, ਸਾ. ਮੰਡਲ ਪ੍ਰਧਾਨ ਨਵਨੀਤ ਵਿੱਜ, ਰਾਜਨ ਗੋਇਲ ਜ਼ਿਲ੍ਹਾ ਆਗੂ, ਰਾਜੀਵ ਮਹਾਜਨ, ਸੰਜੀਵ ਵਿੱਜ, ਵਿੱਕੀ ਬਲੱਗਨ, ਦੀਪਕ ਵਰਮਾ, ਦੀਪਕ ਮਹਾਜਨ, ਯਸ ਸ਼ਰਮਾ, ਰੋਸ਼ਨ ਕੋਹਲੀ, ਵਿਕਾਸ ਮਹਾਜਨ, ਸਚਿਨ ਮਹਾਜਨ ਆਦਿ ਹਾਜ਼ਰ ਸਨ |
