22-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 16-07-2025

ਹਲਕਾ ਭੋਆ ਦੇ ਪਿੰਡ ਰਾਜੀ ਬੇਲੀ ਵਿਖੇ ਸ਼ਰੇਆਮ ਹੋ ਰਹੀ ਨਜਾਇਜ਼ ਮਾਈਨਿੰਗ-ਵਿਭਾਗ ਬੇਖ਼ਬਰ

ਅਜੀਤ ਡੈਸਕ 16-07-2025
ਤਾਰਾਗੜ੍ਹ, 15 ਜੁਲਾਈ (ਸੋਹਨ ਲਾਲ)-ਤਾਰਾਗੜ੍ਹ ਅਧੀਨ ਪੈਂਦੇ ਪਿੰਡ ਰਾਜੀ ਬੇਲੀ ਵਿਖੇ ਸ਼ਰੇਆਮ ਨਜਾਇਜ਼ ਮਾਈਨਿੰਗ ਹੋ ਰਹੀ ਹੈ | ਜਿਸ ਵੱਲ ਕੋਈ ਧਿਆਨ ਨਹੀਂ ਦੇ ਰਿਹਾ | ਸਰਕਾਰ ਵਲੋਂ ਨਜਾਇਜ਼ ਮਾਈਨਿੰਗ 'ਤੇ ਰੋਕ ਲਗਾਈ ਹੋਈ ਹੈ | ਪਰ ਫਿਰ ਵੀ ਪਿੰਡ ਅੰਦਰ ਨਜਾਇਜ਼ ਮਾਈਨਿੰਗ ਹੋ ਰਹੀ ਹੈ | ਰਾਤ ਨੰੂ 8 ਵਜੇ ਤੱਕ ਡਰਾਈਵਰ ਆਪਣੇ ਟਿੱਪਰ ਅਤੇ ਟਰੱਕ ਟਰਾਲੀਆਂ ਪਰਮਾਨੰਦ ਰੋਡ 'ਤੇ ਪੱਖੋਚੱਕ ਸੜਕ 'ਤੇ ਖੜ੍ਹੀਆਂ ਕਰਕੇ ਉੱਥੇ ਹੀ ਰਹਿੰਦੇ ਹਨ | ਪਰ ਬਾਅਦ ਵਿਚ ਇਹ ਡਰਾਈਵਰ ਆਪਣੀਆਂ ਗੱਡੀਆਂ ਲੈ ਕੇ ਰਾਤ ਨੰੂ ਰੇਤਾ ਬੱਜਰੀ ਲੈਣ ਲਈ ਪਿੰਡ ਰਾਜੀ ਬੇਲੀ ਵਿਚ ਜਾਂਦੇ ਹਨ, ਜਿੱਥੇ ਸ਼ਰੇਆਮ ਨਜਾਇਜ਼ ਮਾਈਨਿੰਗ ਹੁੰਦੀ ਹੈ | ਪਿੰਡ ਰਾਜੀ ਬੇਲੀ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਨਜਾਇਜ਼ ਮਾਈਨਿੰਗ ਬਹੁਤ ਹੀ ਵੱਡੇ ਪੱਧਰ 'ਤੇ ਹੋ ਰਹੀ ਹੈ | ਇਸ ਵਿਚ ਵੱਡੇ ਲੋਕਾਂ ਦਾ ਹੱਥ ਹੈ | ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਕੋਈ ਵੀ ਸਰਕਾਰ ਆਏ | ਪਰ ਸਾਡੇ ਪਿੰਡ ਅੰਦਰ ਨਜਾਇਜ਼ ਮਾਈਨਿੰਗ ਨਹੀਂ ਰੁਕੀ, ਸਗੋਂ ਵਧਦੀ ਜਾ ਰਹੀ ਹੈ | ਜਿਸ ਕਾਰਨ ਪਿੰਡ ਦੇ ਪਾਣੀ ਦਾ ਪੱਧਰ ਦਿਨੋਂ ਦਿਨ ਹੇਠਾਂ ਜਾ ਰਿਹਾ ਹੈ | ਪਿੰਡ ਵਾਸੀਆਂ ਕਿਹਾ ਕਿ ਜੇਕਰ ਇਹ ਕੰਮ ਨਾ ਰੁਕਿਆ ਤਾਂ ਜ਼ਮੀਨਾਂ ਨੰੂ ਬਹੁਤ ਨੁਕਸਾਨ ਹੋਵੇਗਾ | ਪਿੰਡ ਵਾਸੀਆਂ ਨੇ ਮੁੱਖ ਮੰਤਰੀ ਪਾਸੋਂ ਮੰਗ ਕੀਤੀ ਕਿ ਪਿੰਡ ਅੰਦਰ ਹੋ ਰਹੀ ਨਜਾਇਜ਼ ਮਾਈਨਿੰਗ ਦੀ ਜਾਂਚ ਕਰਵਾਈ ਜਾਵੇ ਅਤੇ ਇਸ 'ਤੇ ਰੋਕ ਲਗਾਈ ਜਾਵੇ |
ਪਿਛਲੀ ਖ਼ਬਰ ਬਾਬਾ ਕੈਲੂ ਮੰਦਿਰ ਵਿਖੇ ਸ਼ਿਵਲਿੰਗ ਦੇ ਦਰਸ਼ਨ ਕਰਨ ਲਈ ਭਾਰੀ ਭੀੜ ਉਮੜੀ ਅਗਲੀ ਖ਼ਬਰ ਸੁਧੀਰ ਭਾਦੂ ਨੇ ਪਿੰਡ ਦੀਵਾਨਖੇੜਾ 'ਚ ਸਮੱਸਿਆਵਾਂ ਸੁਣੀਆਂ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।