ਪਟਿਆਲਾ, 20 ਨਵੰਬਰ (ਗੁਰਵਿੰਦਰ ਸਿੰਘ ਔਲਖ)-ਨਿਖਾਲਸ ਸੇਵਾ ਦਲ ਵਲੋਂ 11 ਲੋੜਵੰਦ ਪਰਿਵਾਰ ਦੀਆਂ ਧੀਆਂ ਦੇ ਵਿਆਹ ਕਰਕੇ ਇਕ ਬਹੁਤ ਹੀ ਨੇਕ ਉਪਰਾਲਾ ਕੀਤਾ ਹੈ | ਇਸ ਤਰ੍ਹਾਂ ਦੇ ਸਮਾਜ ਭਲਾਈ ਕਾਰਜ ਲੋੜਵੰਦਾਂ ਦੀ ਮਦਦ ਵਿਚ ਬਹੁਤ ਹੀ ਸ਼ਲਾਘਾਯੋਗ ਉਪਰਾਲਾ ਹੈ | ਇਸ ਸਮੇਂ ਰਾਹੁਲ ਕੌਸ਼ਲ ਡੀ.ਐਸ.ਪੀ., ਗੁਰਤੇਜ ਸਿੰਘ ਤੇਜੀ ਹੇਅਰ ਸੈਲੂਨ ਪਟਿਆਲਾ, ਸੁਮੀਤ ਭੱਟੀ ਕਾਰ ਵਾਸ਼ ਪਟਿਆਲਾ ਅਰਸ਼ਪ੍ਰੀਤ ਸਿੰਘ ਟਿਵਾਣਾ ਨੰਬਰਦਾਰ ਦਿੱਤੂਪੁਰ ਜੱਟਾਂ, ਧੂਤਾ ਪੰਜਾਬੀ ਕਲਾਕਾਰ ਆਦਿ ਨੇ ਇਸ ਕਾਰਜ ਵਿਚ ਵਿਸ਼ੇਸ਼ ਸਹਿਯੋਗ ਕੀਤਾ | ਇਸ ਤੋਂ ਇਲਾਵਾ ਅਰਸ਼ਪ੍ਰੀਤ ਸਿੰਘ ਦਿੱਤੂਪੁਰ ਨੇ ਦੱਸਿਆ ਕਿ ਸਮਾਜ ਸੇਵੀਆਂ ਵਲੋਂ ਇਨ੍ਹਾਂ ਵਿਆਹਾਂ ਮੌਕੇ ਜ਼ਰੂਰੀ ਸਮਾਨ ਦਿੱਤਾ ਗਿਆ | ਇਸ ਮੌਕੇ ਵੱਖ ਵੱਖ ਸ਼ਖ਼ਸੀਅਤਾਂ ਮੌਜੂਦ ਸਨ |
