ਬਸੀ ਪਠਾਣਾਂ, 5 ਨਵੰਬਰ (ਐਚ.ਐਸ.ਗੌਤਮ)-ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਜਨਮ ਦਿਨ ਦੇ ਸ਼ੁੱਭ ਮੌਕੇ 'ਤੇ ਪਿੰਡ ਬੌੜ ਵਿਖੇ ਇਕ ਅਨੋਖਾ ਉਪਰਾਲਾ ਕਰਦਿਆਂ ਬੂਟੇ ਵੰਡੇ ਗਏ | ਇਹ ਨੇਕ ਕਾਰਜ ਸਾਰਥਕ ਫਾਊਾਡੇਸ਼ਨ ਅਤੇ ਐੱਫ਼.ਟੀ.ਸੀ. ਪੰਜਾਬ ਨੈਸ਼ਨਲ ਬੈਂਕ ਦੇ ਸਹਿਯੋਗ ਨਾਲ ਸੰਪੂਰਨ ਹੋਇਆ | ਇਸ ਦੌਰਾਨ ਡਾਇਰੈਕਟ ਹਰਪ੍ਰੀਤ ਸਿੱਧੂ ਅਤੇ ਸਮਾਜ ਸੇਵਿਕਾ ਅਰਸ਼ਿੰਦਰ ਕੌਰ ਨੇ ਸੰਗਤਾਂ ਨੂੰ ਵੱਖ-ਵੱਖ ਕਿਸਮਾਂ ਦੇ ਪੌਦੇ ਵੰਡੇ ਅਤੇ ਉਨ੍ਹਾਂ ਦੀ ਮਹੱਤਤਾ ਬਾਰੇ ਚਾਨਣਾ ਪਾਇਆ | ਉਨ੍ਹਾਂ ਨੇ ਗੁਰੂ ਸਾਹਿਬ ਦੇ ਵਾਤਾਵਰਨ ਪ੍ਰਤੀ ਸੰਦੇਸ਼ ਨੂੰ ਮੁੱਖ ਰੱਖਦਿਆਂ ਲੋਕਾਂ ਨੂੰ ਵੱਧ ਤੋਂ ਵੱਧ ਪੌਦੇ ਲਗਾਉਣ ਅਤੇ ਉਨ੍ਹਾਂ ਦੀ ਸੰਭਾਲ ਕਰਨ ਦੀ ਅਪੀਲ ਕੀਤੀ | ਇਸ ਮੌਕੇ ਹਰਪ੍ਰੀਤ ਸਿੱਧੂ, ਕੁਲਦੀਪ ਸਿੰਘ ਟਾਂਕ ਪ੍ਰਧਾਨ ਸਾਰਥਕ ਫਾਊਾਡੇਸ਼ਨ ਅਤੇ ਸਮਾਜ ਸੇਵੀ ਅਰਸ਼ਿੰਦਰ ਕੌਰ, ਪਿੰਡ ਦੇ ਸਰਪੰਚ ਤੇ ਪੰਚ ਗੁਰਪ੍ਰੀਤ ਕੌਰ ਸਮੇਤ ਹੋਰ ਪਤਵੰਤੇ ਵੀ ਮੌਜੂਦ ਰਹੇ |
