ਬੰਗਾ, 21 ਨਵੰਬਰ (ਸੁਰਿੰਦਰ ਸਿੰਘ ਕਰਮ ਲਧਾਣਾ) - ਇਲਾਕੇ ਦੇ ਧਾਰਮਿਕ ਆਗੂ ਬਾਬਾ ਦਵਿੰਦਰ ਕੌੜਾ ਵਲੋਂ ਇਲਾਕੇ ਦੇ ਲੋੜਵੰਦ ਲੋਕਾਂ ਦੀ ਮਦਦ ਹਿੱਤ ਨਿਭਾਈਆਂ ਜਾ ਰਹੀਆਂ ਸੇਵਾਵਾਂ ਦੇ ਮੱਦੇਨਜ਼ਰ ਉੱਘੀ ਐਨ.ਜੀ.ਓ ਸੇਵਾ ਸੋਸਾਇਟੀ ਬੰਗਾ ਨੇ ਬਾਬਾ ਦਵਿੰਦਰ ਕੌੜਾ ਨੂੰ ਸਨਮਾਨਿਤ ਕੀਤਾ | ਸੇਵਾ ਸਸਾਇਟੀ ਬੰਗਾ ਪੰਜਾਬ ਦੀ ਪ੍ਰਧਾਨ ਮੈਡਮ ਬਲਦੀਸ਼ ਕੌਰ ਬੰਗਾ ਨੇ ਇਸ ਮੌਕੇ ਕਿਹਾ ਕਿ ਸ਼ਹਿਰ ਅਤੇ ਇਲਾਕੇ ਦੇ ਲੋਕਾਂ ਦੀ ਬਹੁਤ ਲੰਬੇ ਸਮੇ ਤੋਂ ਸੇਵਾ ਕਰਦੇ ਆ ਰਹੇ ਬੰਗਾ ਹਲਕੇ ਦੇ ਮਸ਼ਹੂਰ ਧਾਰਮਿਕ ਆਗੂ ਬਾਬਾ ਦਵਿੰਦਰ ਕੌੜਾ ਨੂੰ ਸਨਮਾਨਿਤ ਕਰਦਿਆਂ ਅਸੀਂ ਮਾਣ ਮਹਿਸੂਸ ਕਰ ਰਹੇ ਹਾਂ | ਸੇਵਾ ਸੋਸਾਇਟੀ ਬੰਗਾ ਪੰਜਾਬ ਵੱਲੋਂ ਇਸ ਮੌਕੇ ਸੇਵਾ ਸੋਸਾਇਟੀ ਬੰਗਾ ਦੇ ਫਾਉਂਡਰ ਪ੍ਰਧਾਨ, ਮੈਡਮ ਬਲਦੀਸ਼ ਕੌਰ ਬੰਗਾ ਅਤੇ ਹੋਰ ਅਹੁਦੇਦਾਰ ਹਾਜ਼ਰ ਸਨ |
