ਬਲਾਚੌਰ, 5 ਨਵੰਬਰ (ਨਰੇਸ਼ ਧੌਲ) - ਕਸਬਾ ਭੱਦੀ ਵਿਖੇ ਇੱਕ ਵਿਅਕਤੀ ਵੱਲੋਂ ਹਜ਼ਾਰਾਂ ਰੁਪਏ ਦੀ ਨਕਦੀ ਅਤੇ ਏ.ਟੀ.ਐਮ ਕਾਰਡ ਅਸਲ ਮਾਲਕ ਨੂੰ ਵਾਪਸ ਕਰਕੇ ਇਮਾਨਦਾਰੀ ਦੀ ਮਿਸਾਲ ਪੇਸ਼ ਕੀਤੀ ਗਈ | ਸੇਵਾ ਮੁਕਤ ਸਬ ਇੰਸਪੈਕਟਰ ਪੰਜਾਬ ਪੁਲਿਸ ਸੁਰਜੀਤ ਰਾਏ ਪੁੱਤਰ ਸਵਰਗੀ ਲੱਭੂ ਰਾਮ ਪਿੰਡ ਆਦੋਆਣਾ ਨੇ ਦੱਸਿਆ ਕਿ ਕੁੱਝ ਦਿਨ ਪਹਿਲਾਂ ਮੇਰੇ 5 ਹਜ਼ਾਰ ਰੁਪਏ ਨਕਦ ਅਤੇ ਏ. ਟੀ. ਐਮ ਕਾਰਡ ਕਸਬਾ ਭੱਦੀ ਦੇ ਆਸ-ਪਾਸ ਡਿੱਗ ਗਏ ਸਨ | ਲਗਪਗ ਦੋ ਤਿੰਨ ਦਿਨ ਬੀਤ ਜਾਣ ਉਪਰੰਤ ਏ.ਟੀ.ਐਮ ਕਾਰਡ ਤੋਂ ਮੇਰਾ ਨਾਂਅ ਵਗੈਰਾ ਪੜ੍ਹ ਕੇ ਵੱਡੀ ਜੱਦੋ ਜਹਿਦ ਨਾਲ ਖਜਿੰਦਰ ਪ੍ਰਸਾਦ ਸ਼ਰਮਾ ਵੱਲੋਂ ਮੇਰੇ ਨਾਲ ਸੰਪਰਕ ਕਰਕੇ ਮੇਰੇ ਨਕਦ 5 ਹਜ਼ਾਰ ਰੁਪਏ ਅਤੇ ਏ. ਟੀ. ਐਮ ਕਾਰਡ ਮੈਨੂੰ ਵਾਪਸ ਕਰ ਦਿੱਤਾ ਗਿਆ | ਸੁਰਜੀਤ ਰਾਏ ਨੇ ਖਜਿੰਦਰ ਪ੍ਰਸਾਦ ਸ਼ਰਮਾ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ | ਇਸ ਮੌਕੇ ਜਤਿੰਦਰ ਕੁਮਾਰ, ਦਿਲਾਵਰ ਸਿੰਘ ਬਲਾਚੌਰ ਆਦਿ ਵੀ ਹਾਜ਼ਰ ਸਨ |
