19-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 16-07-2025

ਜੀ.ਐੱਚ.ਜੀ. ਖ਼ਾਲਸਾ ਕਾਲਜ ਵਿਖੇ ਸਾਈਬਰ ਸੁਰੱਖਿਆ 'ਤੇ ਆਨਲਾਈਨ ਵਰਕਸ਼ਾਪ

ਅਜੀਤ ਡੈਸਕ 16-07-2025
ਗੁਰੂਸਰ ਸੁਧਾਰ, 15 ਜੁਲਾਈ (ਜਗਪਾਲ ਸਿੰਘ ਸਿਵੀਆਂ)-ਨੌਜਵਾਨਾਂ ਵਿਚ ਡਿਜ਼ੀਟਲ ਸਾਖਰਤਾ ਅਤੇ ਸੁਰੱਖਿਆ ਨੂੰ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ ਜੀ.ਐੱਚ.ਜੀ. ਖ਼ਾਲਸਾ ਕਾਲਜ ਗੁਰੂਸਰ ਸੁਧਾਰ ਵਿਖੇ 3 ਪੰਜਾਬ ਗਰਲਜ਼ ਬਟਾਲੀਅਨ ਐੱਨ.ਸੀ.ਸੀ ਲੁਧਿਆਣਾ ਦੁਆਰਾ 'ਸਾਈਬਰ ਫਸਟ ਰਿਸਪਾਂਡਰ' ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ | ਯੂਨਾਈਟਿਡ ਸਰਵਿਸ ਇੰਸਟੀਚਿਊਸ਼ਨ (ਯੂ.ਐੱਸ.ਆਈ) ਨਵੀਂ ਦਿੱਲੀ ਦੇ ਸਹਿਯੋਗ ਨਾਲ ਆਯੋਜਿਤ ਇਸ ਆਨਲਾਈਨ ਸੈਸ਼ਨ ਵਿਚ 400 ਤੋਂ ਵੱਧ ਐੱਨ.ਸੀ.ਸੀ. ਗਰਲ ਕੈਡਿਟਾਂ ਨੇ ਹਿੱਸਾ ਲਿਆ | ਬਿ੍ਗੇਡੀਅਰ ਪੀ.ਐੱਸ. ਚੀਮਾ, ਐੱਸ.ਐੱਮ., ਵੀ.ਐੱਸ.ਐੱਮ., ਗਰੁੱਪ ਕਮਾਂਡਰ, ਐੱਨ.ਸੀ.ਸੀ. ਲੁਧਿਆਣਾ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ | ਮੇਜਰ ਜਨਰਲ ਜੇ.ਐੱਸ. ਸੰਧੂ ਅਤੇ ਡੀ.ਜੀ. ਐੱਨ.ਸੀ.ਸੀ. ਲੈਫਟੀਨੈਂਟ ਜਨਰਲ ਗੁਰਬੀਰਪਾਲ ਸਿੰਘ ਦੇ ਨਿਰਦੇਸ਼ਾਂ ਹੇਠ ਕੈਂਪ ਕਮਾਂਡੈਂਟ ਕਰਨਲ ਰਾਕੇਸ਼ ਸਿੰਘ ਚੌਹਾਨ ਦੀ ਅਗਵਾਈ ਵਿਚ ਸਾਲਾਨਾ ਸਿਖਲਾਈ ਕੈਂਪ-59 ਦੌਰਾਨ ਇਹ ਵਰਕਸ਼ਾਪ ਆਯੋਜਿਤ ਕੀਤੀ ਗਈ | ਸਾਈਬਰ ਸੁਰੱਖਿਆ ਮਾਹਿਰ ਅਤੇ ਵਕੀਲ ਸ਼੍ਰੀ ਤੁਸ਼ਾਰ ਸ਼ਰਮਾ ਨੇ ਸੈਸ਼ਨ ਦੀ ਅਗਵਾਈ ਕਰਦਿਆਂ ਕੈਡਿਟਾਂ ਨੂੰ ਸਾਈਬਰ ਸੁਰੱਖਿਆ ਦੇ ਮੁੱਢਲੇ ਸਿਧਾਂਤ, ਸੁਰੱਖਿਅਤ ਡਿਜ਼ੀਟਲ ਅਭਿਆਸ ਅਤੇ ਸਾਈਬਰ ਖ਼ਤਰਿਆਂ ਦੀ ਪਛਾਣ ਬਾਰੇ ਸਿਖਾਇਆ | ਬਿ੍ਗੇਡੀਅਰ ਵਿਵੇਕ ਵਰਮਾ (ਸੇਵਾਮੁਕਤ) ਅਤੇ ਲੈਫਟੀਨੈਂਟ ਕਮਾਂਡਰ ਸੀਮਾ ਗੁਪਤਾ ਦੀ ਅਗਵਾਈ ਵਿਚ ਸੈਸ਼ਨ ਨੇ ਇਤਿਹਾਸਕ ਉਦਾਹਰਣਾਂ ਜਿਵੇਂ ਟਰੋਜਨ ਹਾਰਸ ਅਤੇ ਮਹਾਂਭਾਰਤ ਦੀਆਂ ਘਟਨਾਵਾਂ ਰਾਹੀਂ ਸਾਈਬਰ ਅਪਰਾਧ ਦੀ ਗੰਭੀਰਤਾ ਨੂੰ ਸਮਝਾਇਆ | ਇਹ ਪਹਿਲਕਦਮੀ ਐਨ.ਸੀ.ਸੀ. ਦੀ ਸਾਈਬਰ ਸੁਰੱਖਿਆ ਵਿਚ ਰਾਸ਼ਟਰੀ ਤਰਜੀਹਾਂ ਨਾਲ ਜੁੜੀ ਸਿਖਲਾਈ ਦਾ ਹਿੱਸਾ ਹੈ, ਜੋ ਕੈਡਿਟਾਂ ਨੂੰ ਸਰੀਰਕ, ਮਾਨਸਿਕ ਅਤੇ ਡਿਜ਼ੀਟਲ ਤੌਰ 'ਤੇ ਜਾਗਰੂਕ ਬਣਾਉਂਦੀ ਹੈ | ਇਹ ਵਰਕਸ਼ਾਪ ਨੌਜਵਾਨ ਕੈਡਿਟਾਂ ਨੂੰ ਸਾਈਬਰ ਸੈਂਟੀਨੇਲ ਅਤੇ ਜ਼ਿੰਮੇਵਾਰ ਡਿਜ਼ੀਟਲ ਨਾਗਰਿਕ ਬਣਾਉਣ ਵਿਚ ਮਹੱਤਵਪੂਰਨ ਕਦਮ ਸਾਬਤ ਹੋਈ |
ਪਿਛਲੀ ਖ਼ਬਰ ਸ਼ਾਂਤੀ ਦੇਵੀ ਮੈਮੋਰੀਅਲ ਸਕੂਲ ਸਿੱਧਵਾਂ ਬੇਟ ਦੇ ਵਿਦਿਆਰਥੀਆਂ ਨੂੰ ਨਸ਼ਿਆਂ ਵਿਰੁੱਧ ਜਾਗਰੂਕ ਕੀਤਾ ਅਗਲੀ ਖ਼ਬਰ ਨੂਰਪੁਰ ਬੇਟ ਵਾਸੀਆਂ ਵਲੋਂ ਸਰਕਾਰ ਦੀ 'ਲੈਂਡ ਪੂਲਿੰਗ ਨੀਤੀ' ਵਿਰੁੱਧ ਮੀਟਿੰਗ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।