ਹੁਸ਼ਿਆਰਪੁਰ, 5 ਨਵੰਬਰ (ਹਰਪ੍ਰੀਤ ਕੌਰ)-ਮਨੁੱਖਤਾ ਅਤੇ ਸੇਵਾ ਦੇ ਰਾਹ 'ਤੇ ਅੱਗੇ ਵੱਧ ਰਹੀ ਸੰਸਥਾ 'ਸ਼ਿਵਨਾਮਦੇਵ ਆਪਣਾ ਘਰ' ਦੇ ਮੁੱਖ ਸੇਵਾਦਾਰ ਨਰਿੰਦਰ ਸਿੰਘ ਜੱਸਲ ਦੀ ਅਗਵਾਈ ਹੇਠ ਹਰਦੋਖਾਨਪੁਰ ਵਿਖੇ 16 ਨਵੰਬਰ ਨੂੰ ਸਾਧ ਸੰਗਤ ਅਤੇ ਸਾਧੂ ਸੰਤਾਂ ਵੱਲੋਂ ਗਊਸ਼ਾਲਾ ਦਾ ਨੀਂਹ ਪੱਥਰ ਰੱਖਿਆ ਜਾਵੇਗਾ | ਇਹ ਪਵਿੱਤਰ ਪਹੁੰਚ ਸਿਰਫ਼ ਧਾਰਮਿਕ ਹੀ ਨਹੀਂ, ਸਗੋਂ ਸਮਾਜ ਵਿੱਚ ਗਊ ਸੇਵਾ, ਦਇਆ ਅਤੇ ਬੁਜ਼ੁਰਗਾਂ ਦੀ ਸੰਭਾਲ ਦੀ ਭਾਵਨਾ ਨੂੰ ਹੋਰ ਮਜ਼ਬੂਤ ਕਰਨ ਦਾ ਯਤਨ ਹੈ | ਨਰਿੰਦਰ ਸਿੰਘ ਜੱਸਲ ਨੇ ਕਿਹਾ ਕਿ ਗਊਸ਼ਾਲਾ ਦੀ ਸਥਾਪਨਾ ਦਾ ਉਦੇਸ਼ ਇਹ ਸੁਨੇਹਾ ਦੇਣਾ ਹੈ ਕਿ 'ਸੇਵਾ ਹੀ ਸੱਚਾ ਧਰਮ ਹੈ |' ਉਨ੍ਹਾਂ ਸੰਗਤ ਅਤੇ ਸਮਾਜ ਸੇਵੀਆਂ ਨੂੰ ਅਪੀਲ ਕੀਤੀ ਕਿ ਉਹ 16 ਨਵੰਬਰ ਨੂੰ ਹਰਦੋਖਾਨਪੁਰ ਪਹੁੰਚ ਕੇ ਇਸ ਪੁੰਨ ਕਰਮ ਵਿੱਚ ਭਾਗੀ ਬਣਨ |
