ਟਾਂਡਾ ਉੜਮੁੜ, 19 ਜੁਲਾਈ (ਕੁਲਬੀਰ ਸਿੰਘ ਗੁਰਾਇਆ)- ਟਾਂਡਾ ਦੇ ਸ਼ਹਿਰ ਅਤੇ ਪਿੰਡਾਂ ਵਿਚ ਕਰੀਬ 15 ਕਰੋੜ ਰੁਪਏ ਦੀ ਲਾਗਤ ਨਾਲ ਵੱਖ-ਵੱਖ ਵਿਕਾਸ ਕਾਰਜ ਕੀਤੇ ਜਾਣਗੇ | ਇਹ ਗੱਲ ਹਲਕਾ ਵਿਧਾਇਕ ਜਸਵੀਰ ਸਿੰਘ ਰਾਜਾ ਨੇ ਪੱਤਰਕਾਰ ਵਾਰਤਾ ਦੌਰਾਨ ਕਹੀ | ਉਨ੍ਹਾਂ ਦੱਸਿਆ ਕਿ ਪੰਜਾਬ ਸਰਕਾਰ ਵਲੋਂ ਹਲਕਾ ਟਾਂਡੇ ਵਾਸਤੇ ਵੱਖ-ਵੱਖ ਵਿਕਾਸ ਕਾਰਜਾਂ ਲਈ ਤਕਰੀਬਨ 15 ਕਰੋੜ ਜਾਰੀ ਕੀਤੇ ਹਨ | ਉਨ੍ਹਾਂ ਦੱਸਿਆ ਕਿ ਕਰੀਬ 10 ਕਰੋੜ ਰੁਪਏ ਦੀ ਲਾਗਤ ਨਾਲ ਵੱਖ-ਵੱਖ ਪਿੰਡਾਂ ਵਿਚ ਖੇਡ ਗਰਾਉਂਡਾ ਬਣਾਈਆਂ ਜਾਣਗੀਆਂ, ਇਸ ਤੋਂ ਇਲਾਵਾ ਸਰਕਾਰੀ ਹਸਪਤਾਲ ਟਾਂਡਾ ਲਈ ਕਰੀਬ 29 ਲੱਖ ਅਤੇ ਹਲਕਾ ਟਾਂਡਾ ਦੇ ਪਿੰਡਾਂ ਵਿਚ ਵੱਖ-ਵੱਖ ਸਿਹਤ ਕੇਂਦਰਾਂ ਲਈ ਕਰੀਬ 4.62 ਲੱਖ ਰੁਪਏ ਲਈ ਖ਼ਰਚ ਕੀਤੇ ਜਾਣਗੇ | ਵਿਧਾਇਕ ਰਾਜਾ ਨੇ ਦੱਸਿਆ ਕਿ ਸੂਬਾ ਸਰਕਾਰ ਵਲੋਂ ਯੁੱਧ ਨਸ਼ਿਆਂ ਵਿਰੁੱਧ ਸ਼ੁਰੂ ਕੀਤੀ ਗਈ ਮੁਹਿੰਮ ਦੌਰਾਨ ਹੁਣ ਤੱਕ ਪਿੰਡਾਂ ਵਿਚ ਬਹੁਤ ਹੀ ਭਰਵਾਂ ਹੁੰਗਾਰਾ ਮਿਲਿਆ ਹੈ ਅਤੇ ਇਹ ਮੁਹਿੰਮ ਅਜੇ ਤੱਕ ਸਮਾਪਤ ਨਹੀਂ ਹੋਈ ਇਹ ਮੁਹਿੰਮ ਇਸੇ ਤਰ੍ਹਾਂ ਜਾਰੀ ਰਹੇਗੀ | ਇਸ ਮੌਕੇ ਬਲਾਕ ਪ੍ਰਧਾਨ ਕੇਸ਼ਵ ਸਿੰਘ, ਹਰਮੀਤ ਵੜੈਚ, ਰਾਜਨ ਸੋਧੀ, ਕਮਲ ਧੀਰ, ਗੋਲਡੀ ਨਰਵਾਲ, ਸੁਖਵਿੰਦਰਜੀਤ ਸਿੰਘ ਝਾਵਰ, ਸਰਪੰਚ ਰਸ਼ਪਾਲ ਸਿੰਘ, ਸੋਨੰੂ ਖੰਨਾ, ਅਨਿਲ ਗੋਰਾ, ਹਰਪ੍ਰੀਤ ਸਿੰਘ, ਜੀ.ਪੀ. ਸਿੰਘ, ਸੁਰਿੰਦਰਜੀਤ ਬਿੱਲੂ, ਸੁਮਨ ਖੋਸਲਾ, ਸੋਨੰੂ ਮੁਲਤਾਨੀ, ਗੁਰਮੀਤ ਬਿੱਟੂ, ਗੋਲਡੀ ਵਰਮਾ, ਮਾ. ਕੁਲਵੰਤ ਸਿੰਘ ਆਦਿ ਹਾਜ਼ਰ ਸਨ |
