ਨਵੀਂ ਦਿੱਲੀ, 24 ਦਸੰਬਰ (ਜਗਤਾਰ ਸਿੰਘ)-ਲਾਲ ਕਿਲ੍ਹਾ ਧਮਾਕਾ ਮਾਮਲੇ 'ਚ ਦਿੱਲੀ ਦੀ ਇਕ ਅਦਾਲਤ ਨੇ 7 ਮੁਲਜ਼ਮਾਂ ਦੀ ਨਿਆਇਕ ਹਿਰਾਸਤ 'ਚ 15 ਦਿਨਾਂ ਦਾ ਵਾਧਾ ਕਰ ਦਿੱਤਾ ਹੈ | ਅਦਾਲਤ ਨੇ ਡਾ. ਅਦੀਲ ਰਾਥਰ, ਡਾ. ਮੁਜ਼ਮਿਲ ਗਨਾਈ, ਡਾ. ਸ਼ਾਹੀਨ ਸਈਦ, ਮੌਲਵੀ ਇਰਫਾਨ ਅਹਿਮਦ ਵਾਗੇ, ਜਾਸਿਰ ਬਿਲਾਲ ਵਾਨੀ, ਆਮਿਰ ਰਾਸ਼ਿਦ ਅਲੀ ਅਤੇ ਸੋਏਬ ਨੂੰ ਹੋਰ 15 ਦਿਨਾਂ ਲਈ ਨਿਆਇਕ ਹਿਰਾਸਤ 'ਚ ਭੇਜ ਦਿੱਤਾ ਹੈ | ਇਸ ਤੋਂ ਪਹਿਲਾਂ, ਤਿੰਨ ਡਾਕਟਰਾਂ ਤੇ ਵਾਗੇ ਨੂੰ 12 ਦਸੰਬਰ ਨੂੰ 12 ਦਿਨਾਂ ਲਈ ਨਿਆਇਕ ਹਿਰਾਸਤ 'ਚ ਭੇਜਿਆ ਗਿਆ ਸੀ | ਅਲੀ ਅਤੇ ਵਾਨੀ ਨੂੰ 10 ਦਸੰਬਰ ਨੂੰ 14 ਦਿਨਾਂ ਲਈ ਨਿਆਇਕ ਹਿਰਾਸਤ 'ਚ ਭੇਜ ਦਿੱਤਾ ਗਿਆ ਸੀ ਜਦਕਿ ਸੋਏਬ ਨੂੰ 19 ਦਸੰਬਰ ਨੂੰ ਪੰਜ ਦਿਨਾਂ ਲਈ ਨਿਆਇਕ ਹਿਰਾਸਤ 'ਚ ਭੇਜਿਆ ਗਿਆ ਸੀ |
