ਸ਼ਿਵ ਜੋਤੀ ਪਬਲਿਕ ਸਕੂਲ ਦੇ ਵਿਦਿਆਰਥੀਆਂ ਨੇ ਦੀਵਾਲੀ ਮਨਾਈ

ਜਲੰਧਰ, 7 ਨਵੰਬਰ (ਅ. ਬ.)

ਦ

ਦੀਵਾਲੀ ਮਨਾਉਣ ਮੌਕੇ ਸ਼ਿਵ ਜੋਤੀ ਪਬਲਿਕ ਸਕੂਲ ਦੇ ਵਿਦਿਆਰਥੀ। 08-11-2026

ਜਲੰਧਰ, 7 ਨਵੰਬਰ (ਅ. ਬ.)-ਸਕੂਲ ਪ੍ਰਬੰਧਨ ਤੇ ਪ੍ਰਿੰਸੀਪਲ ਪ੍ਰਵੀਨ ਸੈਲੀ ਦੀ ਅਗਵਾਈ ਹੇਠ ਦੀਵਾਲੀ ਦਾ ਸ਼ੁਭ ਤਿਉਹਾਰ ਉਤਸ਼ਾਹ ਨਾਲ ਮਨਾਇਆ। ਇਸ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਨੂੰ ਭਾਰਤੀ ਸੱਭਿਆਚਾਰ, ਪ੍ਰੰਪਰਾਵਾਂ ਤੇ ਤਿਉਹਾਰਾਂ ਦੀ ਮਹੱਤਤਾ ਤੋਂ ਜਾਣੂ ਕਰਵਾਉਣਾ ਸੀ। ਇਸ ਮੌਕੇ ਸਕੂਲ ਕੈਂਪਸ ਦੇ ਅੰਦਰ ਵਿਦਿਆਰਥੀਆਂ ਲਈ ਕਈ ਤਰ੍ਹਾਂ ਦੀਆਂ ਰਚਨਾਤਮਕ ਅਤੇ ਕਲਾਤਮਕ ਗਤੀਵਿਧੀਆਂ ਤੇ ਮੁਕਾਬਲੇ ਕਰਵਾਏ ਗਏ। ‘ਬਾਲਵਾਟਿਕਾ-1’ (ਪ੍ਰੀ-ਸਕੂਲ) ਤੋਂ ਲੈ ਕੇ 5ਵੀਂ ਜਮਾਤ ਤੱਕ ਦੇ ਵਿਦਿਆਰਥੀਆਂ ਨੇ ਵੱਖ-ਵੱਖ ਰਚਨਾਤਮਕ ਗਤੀਵਿਧੀਆਂ ਅਤੇ ਮੁਕਾਬਲਿਆਂ ਵਿਚ ਹਿੱਸਾ ਲਿਆ। ਇਨ੍ਹਾਂ ਵਿਚ ਕਾਗਜ਼ ਦੀਆਂ ਮੋਮਬੱਤੀਆਂ ਬਣਾਉਣਾ, ਮੋਮਬੱਤੀਆਂ ਤੇ ਦੀਵਿਆਂ ਨੂੰ ਸਜਾਉਣਾ, ਰੰਗੋਲੀ ਵਿਚ ਰੰਗ ਭਰਨਾ, ਵੱਖ-ਵੱਖ ਕਾਗਜ਼ੀ ਆਕ੍ਰਿਤੀਆਂ ( cut-outs ) ਨੂੰ ਸਜਾਉਣਾ, ਲਟਕਣ ਵਾਲੀਆਂ ਸਜਾਵਟੀ ਚੀਜ਼ਾਂ (ਜਿਵੇਂ ਕਿ ਹਾਥੀ ਤੇ ਊਠ) ਤਿਆਰ ਕਰਨਾ ਤੇ ਕਾਗਜ਼ ਦੇ ਥੈਲੇ ਤੇ ‘ਤੋਰਨ’ (ਦਰਵਾਜ਼ੇ ‘ਤੇ ਲਟਕਾਉਣ ਵਾਲੀ ਸਜਾਵਟ) ਬਣਾ ਕੇ ਉਨ੍ਹਾਂ ਨੂੰ ਸਜਾਉਣਾ ਸ਼ਾਮਿਲ ਸੀ। ਦੀਵਾਲੀ ਦੇ ਜਸ਼ਨਾਂ ਵਿਚ ਪੂਰੇ ਉਤਸ਼ਾਹ ਨਾਲ ਸ਼ਾਮਿਲ ਹੁੰਦੇ ਹੋਏ, ਵਿਦਿਆਰਥੀਆਂ ਨੇ ਰੰਗ-ਬਿਰੰਗੇ ਕਾਗਜ਼, ਮਣਕਿਆਂ ਤੇ ਸਜਾਵਟੀ ਸਮੱਗਰੀ (ਗੋਟਾ-ਸਿਤਾਰਾ) ਦੀ ਵਰਤੋਂ ਕਰਕੇ ਬਹੁਤ ਹੀ ਸੁੰਦਰ ਕਲਾਤਮਕ ਚੀਜ਼ਾਂ ਤਿਆਰ ਕੀਤੀਆਂ। ਭਾਰਤ ਸਰਕਾਰ ਦੇ ਵਾਤਾਵਰਨ, ਜੰਗਲ ਤੇ ਜਲਵਾਯੂ ਪਰਿਵਰਤਨ ਮੰਤਰਾਲੇ ਦੁਆਰਾ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ, ‘ਦੇਸ਼-ਵਿਆਪੀ ਗ੍ਰੀਨ ਦਿਵਾਲੀ ਮੁਹਿੰਮ-2026’ ( Nationwide Green Diwali Campaign-2026 ) ਦੇ ਹਿੱਸੇ ਵਜੋਂ ਇਕ ਵਿਸ਼ੇਸ਼ ਜਾਗਰੂਕਤਾ ਪ੍ਰੋਗਰਾਮ ਆਯੋਜਿਤ ਕੀਤਾ। ਇਸ ਦੌਰਾਨ, ਵਿਦਿਆਰਥੀਆਂ ਨੇ ਦੀਵਾਲੀ ਨੂੰ ਪਟਾਕਿਆਂ ਤੋਂ ਰਹਿਤ ਅਤੇ ਵਾਤਾਵਰਨ-ਅਨੁਕੂਲ ਢੰਗ ਨਾਲ ਮਨਾਉਣ ਲਈ ‘ਗ੍ਰੀਨ ਦਿਵਾਲੀ’ (ਹਰੀ ਦਿਵਾਲੀ) ਦਾ ਪ੍ਰਣ ਲਿਆ। ਡਾ. ਵਿਦੁਰ ਜੋਤੀ (ਚੇਅਰਮੈਨ, ਟਰੱਸਟ), ਡਾ. ਸੁਵਿਕ੍ਰਮ ਜੋਤੀ (ਚੇਅਰਮੈਨ-ਕਮ-ਮੈਨੇਜਰ, ਪ੍ਰਬੰਧਕੀ ਕਮੇਟੀ; ਜਨਰਲ ਸਕੱਤਰ, ਟਰੱਸਟ), ਵਾਈਸ-ਪ੍ਰਿੰਸੀਪਲ ਰਮਨਦੀਪ ਤੇ ਸਹਾਇਕ ਵਾਈਸ-ਪ੍ਰਿੰਸੀਪਲ ਮਮਤਾ ਅਰੋੜਾ ਨੇ ਸਾਰਿਆਂ ਨੂੰ ਸੁਰੱਖਿਅਤ ਅਤੇ ਪ੍ਰਦੂਸ਼ਣ-ਮੁਕਤ ਦੀਵਾਲੀ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ।

ਪਿਛਲੀ ਖ਼ਬਰ ਹਰਜੋਤ ਕੌਰ ਲੋਹਟੀਆ ਨੇ ਹਲਕਾ ਨਿਵਾਸੀਆਂ ਨੂੰ ਦੀਵਾਲੀ ਦੀਆਂ ਮੁਬਾਰਕਾਂ ਦਿੱਤੀਆਂ ਅਗਲੀ ਖ਼ਬਰ ਦੀਵਾਲੀ ਮੌਕੇ ਜੰੰਮ ਕੇ ਹੋ ਰਹੀ ਪਟਾਕਿਆਂ ਦੀ ਖ਼ਰੀਦਦਾਰੀ ਕਈ ਥਾਂਵਾਂ ’ਤੇ ਮੁਸ਼ਕਿਲ ਨਾਲ ਮਿਲ ਰਹੇ ਗ੍ਰੀਨ ਪਟਾਕੇ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਸ਼ਿਵ ਜੋਤੀ ਪਬਲਿਕ ਸਕੂਲ ਦੇ ਵਿਦਿਆਰਥੀਆਂ ਨੇ ਦੀਵਾਲੀ ਮਨਾਈ

Subscribers Only Story

ਸੰਬੰਧਿਤ ਖ਼ਬਰਾਂ