ਮੰਡੀ ਕਿੱਲਿਆਂਵਾਲੀ ਵਿਖੇ ਬਿਨਾਂ ਐਸਟੀਮੇਟ, ਮਨਜ਼ੂਰੀ ਤੇ ਟੈਂਡਰ ਦੇ 15 ਲੱਖ ਦਾ ‘ਤਜਰਬਾ’ ਕਾਰਜ
ਮੰਡੀ ਕਿੱਲਿਆਂਵਾਲੀ , 30 ਸਤੰਬਰ ( ਇਕਬਾਲ ਸਿੰਘ ਸ਼ਾਂਤ )- ਸਿਆਸੀ ਹਲਕੇ ਲੰਬੀ ਵਿਚ ਬਿਨਾਂ ਸਰਕਾਰੀ ਐਸਟੀਮੇਟ , ਮਨਜ਼ੂਰੀ ਅਤੇ ਟੈਂਡਰ ਦੇ ਕਰੀਬ 10 ਤੋਂ 15 ਲੱਖ ਰੁਪਏ ਦਾ ਵਿਕਾਸ ਕਾਰਜ ਠੇਕੇ ’ ਤੇ ਕਰਵਾਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ । ਮੰਡੀ ਕਿੱਲਿਆਂਵਾਲੀ ’ ਚ ਸੀਵਰੇਜ ਦਾ ਪਾਣੀ ਨਿਕਾਸ ਕਰਕੇ ਡੂਮਵਾਲੀ ਐਸ .
ਛ
ਛੇ ਦਹਾਕੇ ਪਹਿਲਾਂ ਪੜ੍ਹਾ ਚੁੱਕੇ ਆਪਣੇ ਅਧਿਆਪਕ ਪ੍ਰੀਤਮ ਸਿੰਘ ਢਿੱਲੋਂ ਦਾ ਸਨਮਾਨ ਕਰਦੇ ਹੋਏ ਬਜ਼ੁਰਗ ਵਿਦਿਆਰਥੀ ਗੁਰਦਾਸ ਗਿਰਧਰ ਅਤੇ ਰਣਜੀਤ ਸਿੰਘ ਬਰਾੜ। ਅਜੀਤ ਤਸਵੀਰ
01-10-2026
ਮੰਡੀ ਕਿੱਲਿਆਂਵਾਲੀ , 30 ਸਤੰਬਰ ( ਇਕਬਾਲ ਸਿੰਘ ਸ਼ਾਂਤ )- ਸਿਆਸੀ ਹਲਕੇ ਲੰਬੀ ਵਿਚ ਬਿਨਾਂ ਸਰਕਾਰੀ ਐਸਟੀਮੇਟ , ਮਨਜ਼ੂਰੀ ਅਤੇ ਟੈਂਡਰ ਦੇ ਕਰੀਬ 10 ਤੋਂ 15 ਲੱਖ ਰੁਪਏ ਦਾ ਵਿਕਾਸ ਕਾਰਜ ਠੇਕੇ ’ ਤੇ ਕਰਵਾਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ । ਮੰਡੀ ਕਿੱਲਿਆਂਵਾਲੀ ’ ਚ ਸੀਵਰੇਜ ਦਾ ਪਾਣੀ ਨਿਕਾਸ ਕਰਕੇ ਡੂਮਵਾਲੀ ਐਸ . ਟੀ . ਪੀ . ਤੱਕ ਪਹੁੰਚਾਉਣ ਲਈ ਮਾਲਵਾ ਰੋਡ ’ ਤੇ ਪੰਪ ਸਟੇਸ਼ਨ ਲਈ ਡਿੱਗੀ ਬਣਾਈ ਜਾ ਰਹੀ ਹੈ । ਡਿੱਗੀ ਦੀ ਤੈਅ ਪੈਮਾਇਸ਼ ਤੋਂ ਘੱਟ ਉਸਾਰੀ ਕੀਤੇ ਜਾਣ ’ ਤੇ ਵੀ ਸਵਾਲ ਉਠੇ ਹਨ । ਜਾਣਕਾਰੀ ਮੁਤਾਬਕ ਇਹ ਕਾਰਜ ਪੰਚਾਇਤੀ ਰਾਜ ਵਿਭਾਗ ਲੰਬੀ ਵਲੋਂ ਕਰਵਾਇਆ ਜਾ ਰਿਹਾ ਹੈ ਜੋ ਕਿਸੇ ਸੱਤਾਪੱਖੀ ਠੇਕੇਦਾਰ ਨੂੰ ਸੌਂਪਿਆ ਗਿਆ ਹੈ । ਜਾਣਕਾਰੀ ਮੁਤਾਬਕ ਬੀ . ਡੀ . ਪੀ . ਓ . ਦਫ਼ਤਰ ਲੰਬੀ ਵਲੋਂ ਮੰਗੀ ਮੌਖਿਕ ਤਜਵੀਜ਼ ਵਿਚ ਜਲ ਤੇ ਸੈਨੀਟੇਸ਼ਨ ਵਿਭਾਗ ਮੰਡੀ ਕਿੱਲਿਆਂਵਾਲੀ ਦੇ ਜੇ . ਈ . ਨੇ ਮੌਖਿਕ ਤੌਰ ’ ਤੇ ਪੰਪ ਸਟੇਸ਼ਨ ਲਈ 25 ਫੁੱਟ ਡੂੰਘੀ ਤੇ 10 ਫੁੱਟ ਚੌੜੀ ਡਿੱਗੀ ਬਣਾਉਣ ਦੀ ਲੋੜ ਦੱਸੀ ਸੀ । ਹੁਣ ਉਸਾਰੀ ਤਹਿਤ ਇਸ ਦੀ ਡੂੰਘਾਈ ਸਿਰਫ਼ ਕਰੀਬ 19 ਫੁੱਟ ਅਤੇ ਚੌੜਾਈ 7 ਫੁੱਟ ਰੱਖੀ ਜਾ ਰਹੀ ਹੈ । ਜ਼ਿਕਰਯੋਗ ਹੈ ਕਿ ਕਾਰਜ ਦੇ ਠੇਕੇਦਾਰ ਵਲੋਂ ਹੇਠਲੀ ਸਲੈਬ ਅਤੇ ਕਈ ਫੁੱਟ ਉਚੀ ਬਾਹਰੀ ਕੰਧ ਵੀ ਕੱਢ ਦਿੱਤੀ ਗਈ ਹੈ । ਮਾਮਲਾ ਧਿਆਨ ’ ਚ ਆਉਣ ’ ਤੇ ਸਰਪੰਚ ਅਤੇ ਲੋਕਾਂ ਨੇ ਦਖ਼ਲ ਦੇ ਕੇ ਕੰਮ ਰੁਕਵਾ ਦਿੱਤਾ । ਨਰਸਿੰਗ ਕਾਲੋਨੀ ( ਬਠਿੰਡਾ ) ਵਲੋਂ ਆਉਂਦੇ ਸੀਵਰੇਜ ਦੇ ਪਾਣੀ ਦਾ ਪ੍ਰੈਸ਼ਰ ਵੱਧ ਹੋਣ ਕਾਰਨ ਮੌਜੂਦਾ ਪੰਪਿੰਗ ਸਟੇਸ਼ਨ ਓਵਰਫਲੋਅ ਹੋਣ ਕਰਕੇ ਕਿੱਲਿਆਂਵਾਲੀ ਦਾ ਸੀਵਰੇਜ ਪਾਣੀ ਅਗਾਂਹ ਨਹੀਂ ਜਾਂਦਾ ਸੀ , ਜਿਸ ਦੇ ਹੱਲ ਲਈ ਤਜ਼ਰਬੇ ਵਜੋਂ ਵੱਖਰਾ ਪੰਪ ਲਗਾ ਕੇ 6 ਇੰਚ ਪਾਈਪ ਰਾਹੀਂ ਪਾਣੀ ਸਿੱਧਾ ਐਸ . ਟੀ . ਪੀ . ਵੱਲ ਬਾਈਪਾਸ ਕਰਨ ਦੀ ਯੋਜਨਾ ਹੈ । ਹੈਰਾਨੀਜਨਕ ਹੈ ਕਿ ਲੱਖਾਂ ਰੁਪਏ ਦੇ ਕਾਰਜ ਨੂੰ ਬਿਨਾਂ ਕਿਸੇ ਤਕਨੀਕੀ ਆਧਾਰ ਸਿਰਜੇ ਤਜ਼ਰਬੇ ਵਜੋਂ ਉਸਾਰਨਾ ਸਰਕਾਰੀ ਫ਼ੰਡਾਂ ਨਾਲ ਸਿੱਧਾ ਖਿਲਵਾੜ ਜਾਪਦਾ ਹੈ । ਇਸ ਕਾਰਜ ਵਿਚ ਮਹਿੰਗੇ ਮੱਡ - ਪੰਪ ( ਸਬਮਰਸੀਬਲ ਮੋਟਰ ) ਦੀ ਖ਼ਰੀਦ ਵੀ ਸ਼ਾਮਿਲ ਹੈ । ਮਨਜ਼ੂਰੀ , ਐਸਟੀਮੇਟ ਤੇ ਫ਼ੰਡਾਂ ਬਾਰੇ ਪੰਚਾਇਤੀ ਰਾਜ ਵਿਭਾਗ ਲੰਬੀ ਦੇ ਜੇ . ਈ . ਸੌਰਵ ਦਾ ਕਹਿਣਾ ਹੈ ਕਿ ਪ੍ਰੋਜੈਕਟ ਦਾ ਅੰਦਾਜਨ ਖ਼ਰਚਾ 10 ਤੋਂ 15 ਲੱਖ ਰੁਪਏ ਹੈ । ਇਸ ਸੰਬੰਧੀ ਕਾਗ਼ਜ਼ੀ ਕਾਰਵਾਈ ਨਹੀਂ ਹੋਈ । ਕੰਮ ਸ਼ੁਰੂ ਕਰਵਾਇਆ ਗਿਆ ਹੈ । ਜੇ . ਈ . ਮੁਤਾਬਕ ਕਾਰਜ ਗ੍ਰਾਮ ਪੰਚਾਇਤ ਮੰਡੀ ਕਿੱਲਿਆਂਵਾਲੀ ਵਲੋਂ ਕਰਵਾਇਆ ਜਾ ਰਿਹਾ ਹੈ । ਜੇਕਰ ਸੈਨੀਟੇਸ਼ਨ ਵਿਭਾਗ ਲਿਖ਼ਤੀ ਰੂਪ ਵਿਚ ਦੇਵੇਗਾ ਤਾਂ ਡਿੱਗੀ ਹੋਰ ਡੂੰਘੀ ਕਰਵਾ ਦਿੱਤੀ ਜਾਵੇਗੀ । ਸਰਪੰਚ ਗੁਰਮੇਲ ਸਿੰਘ ਟੋਨੀ ਨੇ ਪੰਚਾਇਤ ਵਲੋਂ ਅਜਿਹੇ ਕਿਸੇ ਕਾਰਜ ਕਰਵਾਉਣ ਤੋਂ ਇਨਕਾਰ ਕੀਤਾ ਹੈ । ਸਰਪੰਚ ਨੇ ਕਿਹਾ ਕਿ ਘੱਟ ਸਾਈਜ਼ ਕਰਕੇ ਵਿਭਾਗ ਵਲੋਂ ਕਰਵਾਏ ਜਾ ਰਹੇ ਕਾਰਜ ਨੂੰ ਫ਼ਿਲਹਾਲ ਰੁਕਵਾ ਦਿੱਤਾ ਗਿਆ ਹੈ ।
