ਨਗਰ ਕੌਂਸਲ ਫਿਲੌਰ ਦੀ ਪ੍ਰਧਾਨਗੀ ਦੀ ਚੋਣ ਤੋਂ ਪਹਿਲਾਂ 2 ਕੌਂਸਲਰਾਂ ’ਤੇ ਮੁਕੱਦਮੇ ਦਰਜ ਤੇ ਇੱਕ ਨੇ ਕੀਤੀ ‘ਆਪ’ ਵਿਚ ਸ਼ਮੂਲੀਅਤ

ਫਿਲੌਰ, 11 ਸਤੰਬਰ (ਗੈਰੀ)-ਫਿਲੌਰ ਪੁਲਿਸ ਨੇ ਨਗਰ ਕੌਂਸਲ ਫਿਲੌਰ ਦੀ ਪ੍ਰਧਾਨਗੀ ਦੀ ਚੋਣ ਤੋਂ ਇੱਕ ਦਿਨ ਪਹਿਲਾਂ ਮੌਜੂਦਾ 2 ਕੌਂਸਲਰਾਂ ਖਿਲਾਫ ਮੁਕੱਦਮੇ ਦਰਜ ਕੀਤੇ ਹਨ ਜਿਸ ਵਿੱਚ ਕੌਂਸਲਰ ਅਮਿਤ ਪੰਮਾ ਤੇ ਕਥਿਤ ਦੋਸ਼ ਹਨ ਕਿ ਉਸ ਨੇ ਰਾਜੀਨਾਮੇ ਦੇ ਨਾਂਅ ’ਤੇ ਡੇਢ ਲੱਖ ਰੁਪਏ ਲੈ ਕੇ ਵਾਪਸ ਨਾ ਕਰਨ ’ਤੇ ਮੁੱਕਦਮਾ ਦਰਜ ਕੀਤਾ ਹੈ। ਮਾਮਲੇ ਸਬੰਧੀ ਡੀਐਸਪੀ ਫਿਲੌਰ ਨੇ ਦੱਸਿਆ ਕਿ ਫਿਲੌਰ ਮਥੁਰਾਪੁਰੀ ਨਿਵਾਸੀ ਸ਼ਰਨਜੀਤ ਕੌਰ ਪੁੱਤਰੀ ਹੰਸ ਰਾਜ ਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਸੀ ਕਿ ਉਸ ਦੇ ਭਰਾ ਸਨੀ ਕੁਮਾਰ ਦਾ ਫਿਲੌਰ ਦੀ ਇੱਕ ਲੜਕੀ ਨਾਲ ਵਿਵਾਦ ਚੱਲ ਰਿਹਾ ਸੀ, ਜਿਸ ਵਿੱਚ ਕਰਵਾਏ ਰਾਜੀਨਾਮੇ ਦੌਰਾਨ ਸ਼ਾਮਿਲ ਮੁਹਤਬਰਾਂ ਵਿੱਚ ਅਮਿਤ ਪੰਮਾ ਵੀ ਸ਼ਾਮਿਲ ਸੀ ਜਿਸ ਨੇ ਰਾਜੀਨਾਮੇ ਦੇ ਨਾਂਅ ’ਤੇ ਰੁਪਏ ਵਸੂਲੇ ਸਨ ਤੇ ਰਾਜੀਨਾਮਾ ਨਹੀਂ ਕਰਵਾਇਆ ਜਿਸ ਕਾਰਨ ਉਸ ਖਿਲਾਫ ਪੀੜਤਾਂ ਦੇ ਬਿਆਨਾਂ ’ਤੇ ਮੁਕੱਦਮਾ ਦਰਜ ਕੀਤਾ ਗਿਆ ਹੈ।