ਉਘੇ ਗੀਤਕਾਰ ਜਸਬੀਰ ਗੁਣਾਚੌਰੀਆ ਦਾ ਬਰੈਂਪਟਨ ਵਿਖੇ ਸਨਮਾਨ

ਅ

ਅਜੀਤ ਡੈਸਕ 05-10-2026

ਟੋਰਾਂਟੋ, 4 ਅਕਤੂਬਰ (ਹਰਜੀਤ ਸਿੰਘ ਬਾਜਵਾ)-ਲਿਖਣਾ ਇਕ ਇਬਾਦਤ ਹੈ ਅਤੇ ਇਹ ਕੁਦਰਤ ਵਲੋਂ ਦਿੱਤਾ ਹੋਇਆ ਇਕ ਵੱਡਾ ਤੋਹਫਾ ਹੈ। ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਪ੍ਰਸਿੱਧ ਗੀਤਕਾਰ ਜਸਬੀਰ ਗੁਣਾਚੌਰੀਆ ਨੇ ਬਰੈਂਪਟਨ ਵਿਖੇ ਨਾਮਵਰ ਗੀਤਕਾਰ ਅਤੇ ਪੰਜਾਬੀ ਭਾਈਚਾਰੇ ਦੀ ਜਾਣੀ ਪਹਿਚਾਣੀ ਸ਼ਖਸੀਅਤ ਹਰਬਿੰਦਰ ਸਿੰਘ ਦੀਵੜਾ ਉਰਫ਼ ਰਾਜਾ ਕੈਨੇਡਾ ਦੇ ਗ੍ਰਹਿ ਵਿਖੇ ਇਕ ਸਾਹਿਤਕ ਮਿਲਣੀ ਦੌਰਾਨ ਕੀਤਾ, ਜਦੋਂਕਿ ਗੀਤਕਾਰ ਰਾਜਾ ਕੈਨੇਡਾ ਨੇ ਸਾਰਿਆਂ ਨੂੰ ਜੀ ਆਇਆਂ ਕਹਿੰਦਿਆਂ ਜਸਬੀਰ ਗੁਣਾਚੌਰੀਆ ਦਾ ਸਵਾਗਤ ਕੀਤਾ ਅਤੇ ਉਨ੍ਹਾਂ ਨੂੰ ਸਤਿਕਾਰ ਵਜੋਂ ਇਕ ਡਾਇਰੀ ਅਤੇ ਇੱਕ ਪੈੱਨ ਭੇਂਟ ਕੀਤਾ। ਇਸ ਦੌਰਾਨ ਜਸਬੀਰ ਗੁਣਚੌਰੀਆ ਅਤੇ ਰਾਜਾ ਕੈਨੇਡਾ ਨੇ ਆਪੋ-ਆਪਣੀਆਂ ਰਚਨਾਵਾਂ ਦੀ ਵੀ ਸਾਂਝ ਪਾਈ ਅਤੇ ਟੋਰਾਂਟੋ ਖੇਤਰ ਦੇ ਪ੍ਰਸਿੱਧ ਗਾਇਕ ਜੱਸ ਸੰਘਾ ਵਲੋਂ ਦੋਵਾਂ ਗੀਤਕਾਰਾਂ ਦੇ ਗੀਤਾਂ ਦੀਆਂ ਕੁਝ-ਕੁਝ ਸਤਰਾਂ ਗੁਣਗੁਣਾ ਕੇ ਮਹੌਲ ਵਧੀਆ ਬਣਾਇਆ। ਇਸ ਮੌਕੇ ਹਰਜਿੰਦਰ ਪਾਲ ਸਿੰਘ ਹੈਰੀ ਦੀਵੜਾ, ਹਰਜਾਪ ਦੀਵੜਾ, ਮਨਜਿੰਦਰ ਸਿੰਘ ਦੀਵੜਾ, ਕੁਲਵਿੰਦਰ,ਮਹਿੰਦਰ ਸਿੰਘ ਪਾਬਲਾ ਅਤੇ ਹਰ ਵੀ ਪਰਿਵਾਰਕ ਮੈਂਬਰ ਹਾਜ਼ਰ ਸਨ।

ਪਿਛਲੀ ਖ਼ਬਰ ਇਟਲੀ ਦੇ ਸਨਬੋਨੀਫਾਚੋ ਗੁਰਦੁਆਰਾ ਸਾਹਿਬ ਵਿਖੇ ਸ੍ਰੀ ਨਾਭ ਕੰਵਲ ਰਾਜਾ ਸਾਹਿਬ ਦੀ ਬਰਸੀ ਸੰਬੰਧੀ ਸਮਾਗਮ ਅਗਲੀ ਖ਼ਬਰ ਪੰਜਾਬ ਦੇ ਸਿੱਖ ਪਰਿਵਾਰ ਪੁਖਤਾ ਪ੍ਰਬੰਧਾਂ ਬਗੈਰ ਲੜਕੀਆਂ ਨੂੰ ਵਿਦੇਸ਼ਾਂ ਵਿਚ ਨਾ ਭੇਜਣ-ਫੈਡਰੇਸ਼ਨ ਆਫ਼ ਸਿੱਖ ਆਰਗੇਨਾਈਜ਼ੇਸ਼...