ਬੀ.ਸੀ.ਸੀ.ਆਈ. ਵਲੋਂ ਰੋਹਿਤ ਸ਼ਰਮਾ ਦੇ ਸੰਨਿਆਸ ਦੀਆਂ ਅਟਕਲਾਂ ਖ਼ਾਰਜ

ਅ

ਅਜੀਤ ਡੈਸਕ 04-09-2026

ਮੁੰਬਈ, 3 ਸਤੰਬਰ (ਏਜੰਸੀ)-ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਰੋਹਿਤ ਸ਼ਰਮਾ ਟੈਸਟ ਅਤੇ ਟੀ-20 ਤੋਂ ਸੰਨਿਆਸ ਲੈ ਚੁੱਕੇ ਹਨ। ਅਗਲੇ ਸਾਲ ਇਕ ਦਿਨਾਂ ਵਿਸ਼ਵ ਕੱਪ ਹੋਣਾ ਹੈ, ਜਿਸ ’ਚ ਰੋਹਿਤ ਸ਼ਰਮਾ ਦੇ ਖੇਡਣ ਨੂੰ ਲੈ ਕੇ ਕਾਫੀ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ।ਇੰਗਲੈਂਡ ਦੌਰੇ ’ਤੇ ਲਾਰਡਸ ’ਚ ਇਕ ਦਿਨਾਂ ਤੋਂ ਪਹਿਲਾਂ ਖ਼ਬਰ ਉੱਡੀ ਕੇ ਇਹ ਰੋਹਿਤ ਦੇ ਕਰੀਅ ਦਾ ਆਖਰੀ ਇੰਟਰਨੈਸ਼ਨਲ ਮੁਕਾਬਲਾ ਹੋਵੇਗਾ।ਇਸ ਨੂੰ ਲੈ ਕੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਵਲੋਂ ਸਫਾਈ ਆਈ ਕਿ ਅਜਿਹਾ ਕੁਝ ਨਹੀਂ ਹੈ। ਇਸ ਦੌਰਾਨ ਅੱਜ ਬੀ.ਸੀ.ਸੀ.ਆਈ. ਹੈੱਡਕਵਾਟਰ ਵਿਖੇ ਭਾਰਤੀ ਟੀਮ ਦੇ ਪ੍ਰਦਰਸ਼ਨ ਨੂੰ ਲੈ ਕੇ ਹੋਈ ਸਮੀਖਿਆ ਮੀਟਿੰਗ ਉਪਰੰਤ ਬੋਰਡ ਦੇ ਸਕੱਤਰ ਦੇਵਜੀਤ ਸੈਕੀਆ ਨੇ ਰੋਹਿਤ ਦੇ ਪ੍ਰਦਰਸ਼ਨ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਤੁਸੀਂ ਦੇਖਿਆ ਹੋਵੇਗਾ ਕਿ ਉਹ ਸ਼ਾਨਦਾਰ ਖੇਡ ਰਹੇ ਹਨ।ਸੈਕੀਆ ਨੇ ਰੋਹਿਤ ਨੂੰ ਲੈ ਕੇ ਚਲ ਰਹੀਆਂ ਕਿਆਸਰਾਈਆਂ ਨੂੰ ਖ਼ਾਰਜ ਕਰਿਦਆਂ ਕਿਹਾ ਕਿ ਪਿਛਲੇ ਮੈਚ ’ਚ ਉਨ੍ਹਾਂ ਨੇ 138-148 ਦੌੜਾਂ ਬਣਾਈਆਂ ਸਨ ਤਾਂ ਹੁਣ ਤੁਸੀ ਹੋਰ ਕੀ ਚਾਹੁੰਦੇ ਹੋ। ਮੀਟਿੰਗ ’ਚ ਭਾਰਤ ਦੇ ਦੋਵੇਂ ਕਪਤਾਨ ਸ਼ੁਭਮਨ ਗਿੱਲ ਤੇ ਸ਼੍ਰੇਅਸ ਅਈਅਰ ਵੀ ਮੌਜੂਦ ਰਹੇ। ਗਿੱਲ ਟੈਸਟ ਅਤੇ ਇਕ ਦਿਨਾਂ ਟੀਮ ਦੀ ਕਪਤਾਨੀ ਸੰਭਾਲ ਰਹੇ ਹਨ, ਜਦੋਂਕਿ ਅਈਅਰ ਟੀ-20 ਟੀਮ ਦੇ ਕਪਤਾਨ ਹਨ।ਮੁੱਖ ਕੋਚ ਗੌਤਮ ਗੰਭੀਰ ਅਤੇ ਸੈਂਟਰ ਆਫ਼ ਐਕਸੀਲੈਂਸ (ਸਾਈ) ਦੇ ਮੁਖੀ ਵੀ.ਵੀ.ਐਸ. ਲਕਸ਼ਮ ਵੀ ਮੀਟਿੰਗ ’ਚ ਸ਼ਾਮਿਲ ਰਹੇ। ਹਾਲਾਂਕਿ, ਚੋਣ ਕਮੇਟੀ ਦੇ ਮੁਖੀ ਅਜੀਤ ਅਗਰਕਰ ਮੀਟਿੰਗ ’ਚ ਨਜ਼ਰ ਨਹੀਂ ਆਏ। ਤਸਵੀਰ: ਰੋਹਿਤ ਸ਼ਰਮਾ

ਪਿਛਲੀ ਖ਼ਬਰ ਜਲੰਧਰ ਨੇ ਬਠਿੰਡਾ ਨੂੰ ਆਖ਼ਰੀ ਗੇਂਦ ’ਤੇ 3 ਦੌੜਾਂ ਨਾਲ ਹਰਾਇਆ ਅਗਲੀ ਖ਼ਬਰ ਖ਼ਤਰਨਾਕ ਜੰਗਲੀ ਜਾਨਵਰਾਂ ਨੂੰ ਖੁਰਾਕ ਪਾਉਣ ’ ਤੇ ਵਿਅਕਤੀ ਨੂੰ 27 ਹਜ਼ਾਰ ਡਾਲਰ ਜ਼ੁਰਮਾਨਾ