ਢਾਕਾ, 17 ਨਵੰਬਰ (ਪੀਟੀਆਈ): ਭਾਰਤ ਨੇ ਸੈਫ਼ ਚੈਂਪੀਅਨਸ਼ਿੱਪ ਦੇ ਰੋਮਾਂਚਕ ਫਾਈਨਲ ਵਿਚ ਪਾਕਿਸਤਾਨ ਨੂੰ 2-1 ਨਾਲ ਹਰਾ ਕੇ ਰਿਕਾਰਡ 10ਵੀਂ ਵਾਰ ਖਿਤਾਬ ਆਪਣੇ ਨਾਂਅ ਕਰ ਲਿਆ । ਇਸ ਦੇ ਨਾਲ ਹੀ ਭਾਰਤ ਨੇ ਲਗਾਤਾਰ ਤੀਜੀ ਵਾਰ ਚੈਂਪੀਅਨ ਬਣਨ ਦੀ ਉਪਲਬਧੀ ਵੀ ਹਾਸਲ ਕੀਤੀ । ਖ਼ਾਸ ਗੱਲ ਇਹ ਰਹੀ ਕਿ ਭਾਰਤ ਨੇ ਦੂਜੇ ਦਰਜੇ ਦੀ ਟੀਮ ਨਾਲ ਖੇਡਦਿਆਂ ਇਹ ਕਾਮਯਾਬੀ ਹਾਸਲ ਕੀਤੀ । ਮੈਚ ਦੇ ਪਹਿਲੇ ਹਾਫ਼ ਵਿਚ ਪਾਕਿਸਤਾਨ ਨੇ ਦਬਦਬਾ ਬਣਾਇਆ ਤੇ ਇੰਜਰੀ ਟਾਈਮ ਦੇ ਪਹਿਲੇ ਮਿੰਟ ਵਿਚ ਅਲਮਗੀਰ ਗਾਜ਼ੀ ਨੇ ਸ਼ਾਨਦਾਰ ਗੋਲ ਕਰਕੇ ਟੀਮ ਨੂੰ 1-0 ਦੀ ਬੜ੍ਹਤ ਦਿਵਾਈ । ਦੂਜੇ ਹਾਫ਼ ਵਿਚ ਭਾਰਤ ਨੇ ਜ਼ੋਰਦਾਰ ਵਾਪਸੀ ਕੀਤੀ । 59ਵੇਂ ਮਿੰਟ ਵਿਚ ਜੁਨੈਦ ਸ਼ਾਹ ਨੂੰ ਬ੍ਰਿਸਨ ਫਰਨਾਂਡਿਸ ’ਤੇ ਖ਼ਤਰਨਾਕ ਟੈਕਲ ਕਰਨ ਕਾਰਨ ਰੈੱਡ ਕਾਰਡ ਮਿਲਿਆ । ਇਸ ਤੋਂ ਤੁਰੰਤ ਬਾਅਦ 60ਵੇਂ ਮਿੰਟ ਵਿਚ ਸੁਹੇਲ ਅਹਿਮਦ ਭੱਟ ਨੇ ਗੋਲ ਕਰਕੇ ਸਕੋਰ 1-1 ਕਰ ਦਿੱਤਾ । ਮੈਚ ਦੇ 88ਵੇਂ ਮਿੰਟ ਵਿਚ ਸੰਦੀਪ ਨੰਦੀ ਨੇ ਦੂਜਾ ਗੋਲ ਕਰਕੇ ਭਾਰਤ ਦੀ ਜਿੱਤ ਪੱਕੀ ਕਰ ਦਿੱਤੀ । ਇਸ ਸ਼ਾਨਦਾਰ ਜਿੱਤ ਨਾਲ ਭਾਰਤ ਨੇ ਸੈਫ਼ ਚੈਂਪੀਅਨਸ਼ਿਪ ਵਿਚ ਆਪਣਾ 10ਵਾਂ ਖਿਤਾਬ ਜਿੱਤ ਕੇ ਨਵਾਂ ਰਿਕਾਰਡ ਕਾਇਮ ਕੀਤਾ ।
ਭਾਰਤ ਨੇ ਪਾਕਿਸਤਾਨ ਨੂੰ 2-1 ਨਾਲ ਹਰਾ ਕੇ 10 ਵੀਂ ਵਾਰ ਜਿੱਤਿਆ ਸੈਫ਼ ਖਿਤਾਬ
ਢਾਕਾ, 17 ਨਵੰਬਰ (ਪੀਟੀਆਈ): ਭਾਰਤ ਨੇ ਸੈਫ਼ ਚੈਂਪੀਅਨਸ਼ਿੱਪ ਦੇ ਰੋਮਾਂਚਕ ਫਾਈਨਲ ਵਿਚ ਪਾਕਿਸਤਾਨ ਨੂੰ 2-1 ਨਾਲ ਹਰਾ ਕੇ ਰਿਕਾਰਡ 10ਵੀਂ ਵਾਰ ਖਿਤਾਬ ਆਪਣੇ ਨਾਂਅ ਕਰ ਲਿਆ । ਇਸ ਦੇ ਨਾਲ ਹੀ ਭਾਰਤ ਨੇ ਲਗਾਤਾਰ ਤੀਜੀ ਵਾਰ ਚੈਂਪੀਅਨ ਬਣਨ ਦੀ ਉਪਲਬਧੀ ਵੀ ਹਾਸਲ ਕੀਤੀ ।
ਅਜੀਤ ਡੈਸਕ
18-11-2026