ਦਿਆਲਪੁਰਾ ਹੀ ਅਗਲੇ ਵਿਧਾਇਕ ਹੋਣਗੇ ਤੇ ਜਿੱਤ ਦਾ ਫ਼ਰਕ ਪਹਿਲਾਂ ਨਾਲੋਂ ਵੀ ਜ਼ਿਆਦਾ ਹੋਵੇਗਾ- ਰਾਠੌਰ

ਭ

ਭੁਪਿੰਦਰ ਸਿੰਘ ਰਾਠੌਰ ਤੇ ਹਲਕਾ ਵਿਧਾਇਕ ਜਗਤਾਰ ਸਿੰਘ ਦਿਆਲਪੁਰਾ ਦੀਆਂ ਤਸਵੀਰਾਂ 03-11-2026

ਮਾਛੀਵਾੜਾ ਸਾਹਿਬ, 2 ਨਵੰਬਰ (ਮਨੋਜ ਕੁਮਾਰ)- ਆਮ ਆਦਮੀ ਪਾਰਟੀ ਵਲੋਂ ਜਾਰੀ 40 ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਵਿਚ ਵਿਧਾਨ ਸਭਾ ਹਲਕਾ ਸਮਰਾਲਾ ਤੋਂ ਸਾਰੇ ਦਾਅਵਿਆਂ ’ਤੇ ਵਿਰਾਮ ਲਗਾਉਂਦੇ ਹੋਏ ਪਾਰਟੀ ਹਾਈਕਮਾਂਡ ਨੇ ਪਾਰਟੀ ਦੇ ਵਿਧਾਇਕ ਜਗਤਾਰ ਸਿੰਘ ਦਿਆਲਪੁਰਾ ਨੂੰ ਇੱਕ ਵਾਰ ਫਿਰ ਚੋਣ ਮੈਦਾਨ ਵਿਚ ਉਤਾਰਿਆ ਹੈ। ਹਾਲਾਂਕਿ ਖੇਡ ਅਜੇ ਸ਼ੁਰੂ ਹੋਣੀ ਹੈ ਤੇ ਹਾਰ ਜਿੱਤ ਦਾ ਫ਼ੈਸਲਾ ਭਵਿੱਖ ਤੈਅ ਕਰੇਗਾ। ਪਰ ਪਾਰਟੀ ਦੇ ਇਸ ਫ਼ੈਸਲੇ ਦੀ ਸ਼ਲਾਘਾ ਕਰਦਿਆਂ ਜ਼ਿਲ੍ਹਾ ਲੁਧਿਆਣਾ ਦੇ ਬੀ. ਸੀ. ਸੈੱਲ ਦੇ ਪ੍ਰਧਾਨ ਤੇ ਵਿਧਾਇਕ ਦਿਆਲਪੁਰਾ ਦੇ ਬੇਹੱਦ ਨਜ਼ਦੀਕੀ ਭੁਪਿੰਦਰ ਸਿੰਘ ਰਾਠੌਰ ਨੇ ਉਨ੍ਹਾਂ ਨੂੰ ਹਲਕੇ ਦਾ ਅਗਲਾ ਵਿਧਾਇਕ ਦੱਸਦਿਆਂ ਪਾਰਟੀ ਵਰਕਰਾਂ ਨੂੰ ਸਖ਼ਤ ਮਿਹਨਤ ਕਰਨ ਦਾ ਸੱਦਾ ਵੀ ਦਿੱਤਾ ਹੈ। ਰਾਠੌਰ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਪਾਰਟੀ ਦਾ ਦਸਤੂਰ ਹੈ ਕਿ ਵਫ਼ਾਦਾਰੀ ਤੇ ਹਲੀਮੀ ਏਜੰਡੇ ਵਿਚ ਸਭ ਤੋਂ ਉੱਪਰ ਹੈ। ਇਲਾਕੇ ਦੇ ਲੋਕ ਭਲੀ ਭਾਂਤੀ ਜਾਣਦੇ ਹਨ ਕਿ ਅੱਜ ਕਿਸ ਤਰ੍ਹਾਂ ਪਿੰਡਾਂ ਵਿਚ ਵਿਕਾਸ ਦੇ ਕੀਰਤੀਮਾਨ ਸਥਾਪਿਤ ਹੋਏ ਤੇ ਨੌਜਵਾਨਾਂ ਨੂੰ ਰੋਜ਼ਗਾਰ ਮਿਲਿਆ। ਪਾਰਟੀ ਦਾ ਇਤਿਹਾਸ ਵੀ ਵਧੀਆਂ ਸੀ, ਵਰਤਮਾਨ ਵੀ ਸ਼ਾਨਦਾਰ ਹੈ ਤੇ ਭਵਿੱਖ ਵੀ ਇਤਿਹਾਸਿਕ ਹੋਵੇਗਾ।

ਪਿਛਲੀ ਖ਼ਬਰ ਭਾਗਪੁਰ ਪਿੰਡ ਦੇ ਛੱਪੜ ਦੇ ਵਿਕਾਸ ਨੂੰ ਮਿਲੀ ਨਵੀਂ ਦਿੱਖ ਜੁਝਾਰ ਗਰੁੱਪ ਨੇ ਸੀ. ਐੱਸ. ਆਰ. ਫ਼ੰਡ ਤਹਿਤ ਕੀਤਾ 1.40 ਕਰੋੜ... ਅਗਲੀ ਖ਼ਬਰ ਪੀ. ਆਈ. ਐਮ. ਟੀ. ਅਲੌੜ ਖੰਨਾ ਵਿਖੇ ਨਸ਼ਾ ਛਡਾਊ ਜਾਗਰੂਕਤਾ ਸੈਮੀਨਾਰ ਕਰਵਾਇਆ - ਵਿਦਿਆਰਥੀ ਆਪਣੀ ਸੋਚ ਨੂੰ ਉਸਾਰੂ ਨਿੱਗਰ...